¹ Ingo soa tarehy iha, ry malalako; soa tarehy iha. Gny masonao la voromahilala ambohon'ny gny voalinao. Gny volonao la manahaky gn'andian'aosy mijotso bakegny an-tendrombohits'i Gileada. ² Gny hinao la manahaky gn'aondrivavy vaohinaratsy, miakatsy bakagny amin'ny gny toera fandroa. Mirafisy soa reo, ka tsy misy banga. ³ Gny sogninao la manahaky gny foly jaky; maha taho-tea gny vavanao. Manahaky gny hasin'ampongabendagnitsy gny fignafignanao ambalikiny gny voalinao ao. ⁴ Gny vozonao la manahaky gny tilikambon'i Davida voaory egny amin'ny gny filaharam-bato, miaraky amin'ny gn'ampinga arivo mihanto eo amin'izay, la gn'ampingan'ny gny miaramila reo iaby. ⁵ Gny nononao roe la manahaky gny diera roe, gazela hamba, mihinagn'akata egny amin'ny gny lilia. ⁶ Ambara-paha avin'ny gny mangoatignana ka mandositsy lavitsy gn'aloky, la handeha agmy antendrom-bohitsin'ny gny miora voho agny amin'ny gny vohitsin'ny gny ditin-kazo magnim-pofo aho. ⁷ Soa tarehy amin'ny gny lafiny iaby iha , ry malalako voho tsy misy sampo gn'aminao. ⁸ Miaraha amiko baka a Libanona agny, ry zay hovalieko. Miaraha amiko baka a Libanona agny; miavia baka an-tampon'i Amania agny, bakagny an-tampon'i Senira voho Hermona, bakagny an-davaky gny liona, bakagny an-tendrombohitsy lavaky gny leoparda. ⁹ Lasanao gny foko, ry havako, ry zay ho valieko; lasanao gny foko, tamin'ny gny fijery raiky tamiko atoy, tamin'ny gny ravaky raiky tam-bozonao egny. ¹⁰ Ingo, gny hasoan'ny gny hateanao, ry havako, ry zay ho valieko! Ingo gny hasoan'ny gny hateanao mihoatsy gny divay, voho gny fameroveron'ny gny ragnomagnitsao mihoatsy nohon'ny gny raha magnitsy iaby. ¹¹ Gny sogninao, ry zay ho valieko, la mitete tantely; voho ronono gn'ambanin'ny gny lelanao ao; gny fameroveron'ny gn'akanjonao la manahaky gny fameroveron'i Libanona. ¹² Ry havako, baibo voahily zay ho valieko, eka baibo voahily, loharano voatombo-kase. ¹³ Gny sampanao la ala kelin'ny gn'ampongabendagnitsy misy voakazo voatingy, ka moina voho Narda, ¹⁴ Narda voho Safrona, veromagnitsy voho kanely miaraky amin'ny gny reo karazan-kagnitsy iaby, la miora voho havozo mbamin'ireo raha magnitsy soa mare iaby. ¹⁵ Tondan-doharano iha, fantsakan-drano malio, rian-drano mandeha baka Libanona agny. Somonjara misafa ami-gny malalany hoe: ¹⁶ Mifohava, ry tsioky baka avaratsy agny; avia, ry tsioky an-timo agny; tsofy gny tondako mba hampiely hagnikagnitsy gny fofony magnitsy. Lonoky ka ho avy ami-gny sakany gny malalako ao ka ihina gny sasany ami-gny voankazo voafanty.