Toko faha 6
1
Lafa nanokatsy gny raiky tamin'ireo tombo-kase fito gny Anak'Aondry la nijery aho, sady nahare gny raiky tamin'ireo zava-manan'aina efatsy tamin'ny feo manahaky gny kotsoky aho niresaky hoe:" Avia!
2
Nijery aho sady nisy soavaly foty teo. Gny mpondra gnan'io la nitanjaky tsipika, sady namea satro-boninahitsy ie. Niboaky manahaky gny mpandresy ie mba handresy.
3
Lafa nanokatsy gny tombo-kase faharoe gny Anak'Aondry, la nahare gny raha-manan'aina faharoe aho niresaky hoe:" Avia!"
4
La nisy soavaly hafa niboaky mirehitsy mena. Gny mpondra gnan'io ro namea alala hangala fiadagna amin'ny tany, mba hifamono gny olony. Io mpondra io la namea sabatsy bevata.
5
Lafa nanokatsy gny tombo-kase fahatelo gny Anak'Aondry, la nahare gny raha-manan'aina fahatelo aho niresaky hoe:" Avia!" Nahita soavaly mainty aho, sady gny mpanday gnan'io la nita mizana tegny an-tagnany.
6
Nahare manahaky gny feo tamin'ny zava-manan'aina efatsy aho niresaky hoe:" Gny vary eran'ny fatram-bary ho gnan'ny denaria raiky, voho gny hordea in-telon'ny fatram-bary ho gnan'ny denaria raiky. Fa ka manimba gny menaky voho gny divay."
7
Lafa nanokatsy gny tombo-kase fahaefatsy gny AnakAondry, la nahare gny feon'ny raha-manaa'aina fahaefatsy aho nireaky hoe:" Avia!
8
la nahajery soavaly hatsatsy aho. Gny mpanday gnan'io la nikaihy hoe fahaefatsy hoe Fahafatesa, voho reo Fasana la nagnaraky gnazy . Namea fahefa amin'ny ampaha-efatsy gny tany rozy, mba hamono amin'ny meso, mosary voho arety, sady amin'ireo bibidian'ny tany.
9
Lafa nanokatsy gny tombo-kase fahalimy gny Anak'Aondry , la jeriko tao ambany alitara reo fagnahin'ireo zay nivonoa noho gny safan-Dranagnahary voho gny fijoroa vavolombelo zay nitanan-drozy.
10
Nikoraky tamin'ny feo mare rozy hoe:" Mandra-pahovia, ry Mpanapaky agnabo manontolo, masina voho marina, ro hitsaranao gnan'ireo zay miay eto an-tany, voho hamalia faty gny lionay?
11
La namea akanjolava gny kirakiraiky bakamin'ireo, voho niresahy rozy fa tokony hiamby kelikely mandra-pahazoa gny isa fenon'ireo mpiara-manompon-drozy voho reo rahalahy voho anabavin-drozy zay tokony hovonoa rozy, manahaky gny namonoa gnan-drozy.
12
Lafa nanokatsy gny tombo-kase fahaeny gny Anak'aondry, la nijery aho sady nisy horohoron-tany bevata. Lasa mainty manahaky gny lamba fisaogna gny masoandro, voho gny volana fenomanana la lasa manahaky gny ra.
13
Reo kintana tegny amin'ny lanitsa la nilavo tety an-tany manahaky gny aviavy magnintsa gny voany manta lafa ahetsiky gny tsioky mahery.
14
Gny lanitsa la nanjavo manahaky gny horonan-taratasy zay naorongoro. Gny tendrombohitsy voho gny nosy iaby la nala teo amin'ny toerany.
15
Bakeo reo mpanjakan'ny tany voho gny olo manan-danja, voho reo jenerealy, gny mpanan-draha, gny mahery, voho gny hafa iaby, andevo voho afaky, nietaky tao agnatin'ireo lava-bato voho tamin'ireo vatolampin'ny tendrombohitsy.
16
Niresaky tamin'ireo tendrombohitsy voho tamin'ireo vatolampy rozy hoe:" Milavoa aminay! Afeno amin'ny tarehin'ny gny raiky zay mipetraky eo amin'ny seza fiandriana voho amin'ny fahatezeran'ny Anak'aondry rahay.
17
Fa avy gny andro bevatan'ny fahatezeran-drozy. Ia ro hahavita hiharitsy?"