¹ Tamin'io andro io , la nisy vahoaky marobe ndraiky , sady tsy nanan-kohany rozy. la niakiky gny mpianatsy Jesosy ka nanao tamin-drozy hoe:" ² Mampalahelo Gnahy reo vahoaky, fotony fa telo andro ro nanohy niaraky tamiko sady tsy manan-kohany. ³ Laha alefako moly agny an-tragnony tsy misakafo la mety ho safotsy an-dala. Gny sasany amin-drozy la bakagny amin'ny lala lavitsy." ⁴ Namaly Gnazy reo mpianany hoe:" Aia ro hahazoantsika mofo ampy hamokisa reo vahoaky reo ety an-tany foana maahaky gnanizao?" ⁵ Nagnontany gnan-drozy Ie hoe:" Firy gny mofo anagnanareo?" Hoy rozy hoe:" Fito" ⁶ nandidy gny vahoaky mba hipetraky amin'ny tany Ie. Nirambesiny gny mofo fito, la nisaotsa Ie, sady nanapaky reo. Natolony gny mpianany io mba ho zaran-drozy amin'ny vahoaky, sady napetran-drozy teo agnatrehan'ny vahoaky io. ⁷ Sady mbo nana hazandrano kely tsy ampy ampy avao koa rozy, ka lafa baka nisaotra gnan'iro Ie, la nandidy reo mpianatsa mba handrosos avao koa Ie. ⁸ La nihina rozy ka vintsy , voho nalan-drozy gny sombisombiny tavela, zay nahafeno fito sobiky bevata. ⁹ Tokony ho efatsa'arivo eo ho eo gny olo tamin'io. Bakeo la nalefany noly rozy. ¹⁰ Avy hatrany la niakatsy tao an-tsambokely niaraky tamin'ireo mpianany Ie, ka nandeha nagnagny amin'ny farits'i Dalmanota rozy. ¹¹ La niboaky reo fariseo sady nanomboky nifanditsy taminy. Nisiky famantara bakagny an-dagnitsy taminy rozy, mba hitsapa Gnazy. ¹² Nisento laliky tagny amin'ny fagnahiny Ie sady niresaky hoe:' Nagnino ro mila famantara toy avorohota toy? Nefa resahako marina aminareo , fa tsy misy famantara amea toy avorohota toy zao." ¹³ bakeo la nagnenga gnan-drozy Ie, niakatsy tao an-tsambokely ndraiky , ka niala lavitsy ho egny am-pita. ¹⁴ Sady alignon'ny mpianatsy gny nanday mofo niaraky tamin-drozy. Tsy nana mandilatsy gny raiky rozy tao agnaty Sambo. ¹⁵ La nampitandry gnan-drozy Ie ka nanao hoe:" Miambena voho mitandrema amin'ny masirasiran'ireo Fariseo voho gny masirasiran'i Heroda." ¹⁶ La nifagnontany tena gny mpianatsy hoe:" Noho tsika tsy mana mofo zay." ¹⁷ Hain'i Jesosy io, ka hoy Ie tamin-drozy hoe:" Nagnino ro amin'ny tsy fanagna mofo gny fisaignanareo? Mbo tsy azonareo va? Mbo tsy takatsareo va? Nanjary donto va gny fonareo? ¹⁸ Mana maso nareo, fa tsy mahajery va? Manan-tsofy nareo, fa tsy mahare va? Tsy tiaronao va? ¹⁹ Lafa manapaky gny mofo limy ho gnan'ny olo limy arivo Aho, la sobiky firy feno sombisombiny mofo ro navorinareo?" Hoy rozy taminy hoe:" Foloroamby." ²⁰ Lafa nanapaky gnan'ireo mofo fito ho gnan'ny olo efats'arivo Aho, firy sobiky gny ambiny navorinareo?" Hoy rozy taminy :" Fito." ²¹ Sady hoy Ie hoe:" Mbo tsy takatsareo avao va?" ²² Avy tagny Betsaida rozy. Sady nisy jiky raiky nandesin'olo taminy teo voho niangavian-drozy Jesosy mba hikasiky gnazy. ²³ Nandesin'i Jesosy tamin'ny tagna lay jiky, ka nitariky gnazy hiboaky gny tana. Lafa nandora teo amin'ny masony Ie sady nametraky gny tagnany teo aminy, la nagnontany gnazy Ie hoe:" Mahita raha va iha?" ²⁴ La nitraka ie, ka nanao hoe:" mahajery olo manahaky gny hazo mandehandeha aho." ²⁵ napetrak'i Jesosy teo amin'ny fijeriny ndraiky gny tagnany, ka nahajerean'ny gny johary gny masony, la nimpoly tamin'ny laoniny gny fahitany, sady nahajery mazava soa gny raha iaby ie. ²⁶ La nalefan'i Jesosy noly ie sady niresahiny hoe:" Ka militsy ao an-tana." ²⁷ Nandeha niboaky Jesosy voho gny mpianany nagnagny amin'ny tanan'i Kaisara Filipo. Tegny an-dala la nagnontany reo mpianany Ie hoe:" Hataon'ny olo ho ia moa Aho?" ²⁸ Namaly Gnazy rozy ka niresaky hoe:" Jaona mpanao batisa . Gny hafa manao hoe:" Elia." voho gny hafa hoe:" Raiky amin'ireo mpaminany." ²⁹ Nagnontany gnan-drozy Ie hoe:" fa nareo koa manao gnahy ho Ia?"La namaly Gnazy Petera hoe:" Ianao ro Kristy ." ³⁰ Nampitandry gnan-drozy Jesosy tsy hilaza gny momba Gnazy na amin'ia nia. ³¹ Nanomboky nampianatsy gnan-drozy Ie fa tsy maintsy hijaly gny Anak'Olo, sady ho lavin'ny loholona voho reo loholon'ny mpisoro voho mpanora-dalagna, ka hovonoa, voho hitsanga amin'ny maty afaky telo andro. ³² Niresahiny mazava soa io. Bakeo nikaihin'i Petera mangingina Jesosy ka nanaomboky niresaky mareo Gnazy. ³³ Nefa nitoliky Jesosy la nanenty reo mpianany voho bakeo niresaky mare gnan'i Petera ka nanao hoe:" Miala lavitsy Ahy, ry satana! tsy mba misaina gny rahan-Dranagnahary iha, fa gny rahan'anakolo." ³⁴ Bakeo la nikaiky gny vahoaky voho gny mpianany niaraky Ie, sady hoy Ie tamin-drozy hoe:" laha misy te hagnaraky Gnahy, la tsy maintsy manda gny vatany ie, mangalaky gny hazo fijaliany , ka mgnaraky Gnahy. ³⁵ Ndra ia ia ta hamonjy gny ainy la hahatrobo gnan'io, voho zay mahatrobo gny ainy noho gny amiko voho gny filazantsara, la hahavonjy gnan'io. ³⁶ Fa ino anefa ro tombotsoa azon'ny olo raiky , laha mahazo gnan'izao tontolo zao, voho bakeo trobo gny ainy? ³⁷ Ino ro afaky amean'ny olo raiky ho takalon'ny aina? ³⁸ Ndra ia ia megnatsy Gnahy voho gny safako eto amy toy avorohota mijangajanga voho mpanota toy, la ho megnatsy gnazy avao koa gny Anak'Olo lafa avy ao amin'ny voninahitsy gny Rainy miaraky amin'ireo anjely masina Ie."