¹ Nivola tamin'i Mosesy i Yaveh, nanao hoe: ² " Mivolagna amin'ny vahoakan'Israely sady ambarao an-drozy hoe: ' Zaho ro Yaveh Ndranagnaharinareo. ³ Ka manao gny raha zay ataon'ny vahoaky agny Egypta, zay nipetrahanareo taloha. Ka manao zay raha ataon'ny vahoaky ao Kanana, gny tany zay handaisako gnanareo. Ka magnaraky gny fomban-drozy. ⁴ Gny lalako ro ao hataonareo, sady reo liliko ro ao ho tandremanareo, mba handehananareo eo amin-drozy, fotony Zaho ro Yaveh Ndranagnaharinareo. ⁵ Noho izay la tandremo reo lily aman-dalako. Laha misy olo mankato regny, la velo noho ie regny ie. Zaho ro Yaveh ⁶ Ao tsy hisy olo hiara-mandry amin'izay olo mifandramby marikitsy aminy. Zaho ro Yaveh. ⁷ Ka mangalaky baraka gny babanareo amin'ny fatoriamiaraky amin'ny reninareo. Reninareo ie! Ka mangalaky baraka gnazy. ⁸ Ka miaraky miroro amin'ireo valiny babanareo; ao nareo tsy hangalaky baraka gny babanareo manahaky izay. ⁹ Ka miaraky miroro aminy zay anabavinareo, na anak'ampelan'ny babanareo, na la natsanga tao amin'ny tragnonareo na lavitsy gnanareo aza ie. Ka miaraky miroro amin'ny anabavinareo. ¹⁰ Ka miaraky miroro amin'ny anak'ampelan'ny anakareo lahy na amin'ny anaky lahin'ny anakareo vavy. Fa ho hegnatsy ho gnanareo avao izay. ¹¹ Ka miaraky miroro amin'ny anak'ampelan'ny valiny babanareo, zay nateraky gny babanareo. Anabavinareo ie,sady ao nareo tsy hiaraky miroro aminy. ¹² Ka miaraky miroro amin'ny anabaviny babanareo. Longo marikitsy babanareo ie. ¹³ Ka miaraky miroro amin'ny rahavaviny reninareo. Longo marinikin'ny reninareo ie. ¹⁴ Ka mangalaky baraka gny rahalahiny reninareo amin'ny fiaraha miroro amin'ny valiny. Ka magnariny gnazy amin'izay tanjona izay; nenitoanareo ie. ¹⁵ Ka miara-mandry amin'ny vinanto vavinareo. Valin-janakareo ie; ka miraky miroro aminy. ¹⁶ Ka miaraky miroro amin'ny valiny rahalahinareo; ka mangala baraka gnazy amin'izay fomba izay. ¹⁷ Ka miaraky miroro amin'ny ampela raiky voho gny anany, na amin'ny anak'ampelany anany lahy na amin'ny anak'ampelany anany vavy. Longo maniky gnazy rozy, sady faharatia gny fiaraha miroro amin-drozy. ¹⁸ Ao nareo tsy hanam-baly gny rahavavim-balinareo ho valy faharoa sady hiaraky miroro aminy laha mbo velo gny valinareo voalohany. ¹⁹ Ka miaraky miroro amin'ny ampela agnatiny gny fandimbolany. Maloto ie agnatin'izay fotoa izay. ²⁰ Ka miaraky miroro amin'ny valin'ny mpiara belo agnaminareo ka handoto gny vatanareo miaraky aminy amin'izay fomba izay. ²¹ Ao nareo tsy hagnome reo anakareo ho atao eo amin'ny bolo, fa manao soro gnazy reo ho gnan'i Moloka nareo amin'izay, fotony tsy mahazo maniratsira gny agnaran-Dranagnaharinareo nareo. Zaho ro Yaveh. ²² Ka miaraky miroro amin'ny johary hafa mahaky gny miaraky amin'ny ampela. raty izay. ²³ Ka miaraky miroro amin'ny biby voho mandoto gny vatanareo miaraky amin'izay. Ao tsy hisy ampela hihevitsy fiaraha miroro amin'ny biby.Fahavetavetaizay. ²⁴ Ka mandoto gny vatanareo amin'ireo fomba reo, fa tamin'ireo fomba iaby reo ro nampahaloto reo firenena, reo firenena zay ho roasiko eo agnatrehanareo. ²⁵ Voaloto gny tany, ka nosaziko gny fahotan-drozy, sady nandoa reo mponiny gny tany. ²⁶ Noho izay, nareo, la ao hitandry gny liliko voho gny fitsipiko, sady ao nareo tsy hanao reo raha-mahatsiravina reo, na gny tera-tany Israelita izay na vahiny zay mipetraky eo aminareo. ²⁷ Fa izay ro fahatiaroava fa nataon'ny mpinin'ny tany, reo zay nipetraky teto talohanareo, sady voaloto gny tany henanizao. ²⁸ Noho izay la mitandrema mba tsy haloan'ny tany avao koa nareo afaran'ny nandotoanareo gnazy, manahaky gny nandoavany gny vahoaky zay teo agnatrenareo. ²⁹ Na ia na ia manao reo raha-mahatsiravina reo, reo olo zay manao raha manahaky izay la ho ala tsy ho eo amin'ny vahoakan-drozy. ³⁰ Noho izay la tandremo gny liliko mba tsy hanao reo fomba mahatsiravina zay natao teto talohanareo reo, ka tsy handotoanareo gny vatanareo amin'ireo. Zaho ro Yaveh Ndranagnaharinareo."'