¹ Lafa tafita gnan'i Jordana gny olo iaby, la nivola tamin'i Josoa i Yaveh: ² " Mifilia iha johary foloroamby amin'ny fokonolo, johary raiky saky gny foko. ³ Omeo gnazy gnan-drozy toy lily toy:' Mangala vato folo roe amby bakao agnivon'ny Jordana zay ijoroan'ireo mpisoro eo amin'ny tany maiky, sady andeso magnaraky gnanareo io sady apetraho eo amin'ny toera zay hiroronareo haly henanio." ⁴ Sady nikaihin'i Josoa reo johary folo roamby ze fa nifily teo amin'ireo fokon'Israely, raiky isaky gny foko. ⁵ Hoy Josoa tamin-drozy hoe:" Mandehana mialohan'ny fiaran'i Yaveh Ndranagnahary ao agnivon'i Jordana. Hilanja vato egny amin'ny sorony iaby nareo kirakiraiky, araky gny isan'ireo fokon'ny fokonolon'Israely. ⁶ Io la ho famantara eo aminareo lafa hagnontany gnanareo gnanakareo amin'ireo andro ho avy hoe:' Ino ro dikan'ireo vato reo aminareo? ⁷ Sady hoy nareo amin-drozy hoe:' Nivaky teo agnatrehan'ny fiaran'ny fifagnenken'i Yaveh gny ranon'ny Jordana. Lafa nandalo teo amin'i Jordana , la vaky gny ranon'ny Jordana. Ka ho fahatiarova mandrakizay ho gnan'ny fokonolon'Israely reo vato reo." ⁸ Gny fokonolon'Israely la nanao araky ze nandidian'i Josoa gnazy, ka vato folo roamby teo agnivon'ny Jordana rozy, araky gny nolazain'i Yaveh gnan'i Josoa . Nampiakarin-drozy araky gny isan'ireo fokon'Israely gny isan'ireo vato. Nolanjan-drozy niaraky tamin-drozy gny vato, nagnagny amin'ny toera ze nivorian-drozy sady napetrany teo ambany teo. ⁹ Bakeo Josoa nametraky vato folo roamby teo agnivon'ny Reniranon'ny Jordana, teo amin'ny toera ze nijoroan'ny tombon'ireo mpisoro ze nanday gny fiaran'ny fifanenkena, Agny io fahatiarova io mandrak'ankehitsiny. ¹⁰ Reo mpisoro ze nilanja gny fiara la nijoro teo agnivon'ny Jordana mandra-pahatanteraky gny raha iaby nandidian'i Yaveh ho lazain'i Josoa tamin'ireo fokonolo, araky reo iaby fa nandidian'i Mosesy gnan'i Josoa. Niampita malaky reo fokonolo. ¹¹ Lafa tapitsy niampita iaby gny olo, la niampita teo agnatrehan'ny fokonolo gny fiaran'i Yaveh voho reo mpisoro. ¹² Gny fokon'i Robena, gny fokon'i Gada, voho gny antsasaky gny fokon'i Manase nandalo mialohan'ny nilaharan'ireo fokonolon'Israely manahaky gny miaramila, araky gny nolazain'i Mosesy tamin-drozy. ¹³ Johary voaoma hialy tokony ho efatrarivo ro nandalo teo agnatrehan'i Yaveh, mba lialy egny amin'ny tany lemak'i Jeriko. ¹⁴ Tamin'io andro io la nataon-Dranagnahary bevata teo amason'Israely manontolo i Josoa. Nagnome voninahitsy gnazy rozy__manahaky gny nagnomezan-drozy voninahitsy gnan'i Mosesy__nandritsa gny androm-piaignany. ¹⁵ Sady niresaky tamin'i Josoa i Yaveh hoe: ¹⁶ " Omeo baiko reo mpisoro zay nilanja gny fiaran'ny vavolombelo mba hiala bakao Jordana." ¹⁷ Ka la nagnome baiko reo mpisoro i josoa hoe:' Miboaha ao Jordana." ¹⁸ Lafa niboaky bakao agnivon'ny Jordana reo mpisoro nilanja gny fiaran'ny fifanenken'i Yaveh, sady niakatsy tegny amin'ny tany maiky gny faladian-drozy, la nimpoly tamin'ny toerany sady nihoatsy gny morony gny ranon'ny Jordana, manahaky gny manahaky gny tamin'ny efatsy andro mialoha. ¹⁹ Niboaky bakao Jordana reo fokonolo tamin'ny andro fahafon'ny vola voalohany. Nijano tao Gilgala rozy antignanan'ny Jeriko. ²⁰ reo vato folo roamby zay nalan-drozy bakao Jordana,la napetrak'i Josoa tao Gilgala. ²¹ Hoy ie tamin'ireo fokonolon'Israely hoe:' Lafa magnontany gan'ireo rainy gny avorohotanareo amin'ny fotoa ho avy hoe:' Ino reo vato reo?" ²² Volagno gnanakareo hoe:' Teo ro niampitan'i Israely gnan'ny Jordana tamin'ny tany maiky. ²³ Nimaihin'i Yaveh Ndranagnaharinareo ho gnanareo gny reniranon'ny Jordana, mandra-piampitanareo, manahaky gny nataon'ilay Ranomasy Mena, ze nimaihiny ho gnantsika mandra-piampitantsika, ²⁴ mba hahaizan'ny olo iaby eto an-tany fa mahery gny tagnan'i yaveh, sady mba hagnomezanareo voninahitsy gnan'i Yaveh Ndranagnaharinareo mandrakizay."