¹ Mahita filamina, ry vahoakan'i Benjamina amin'ny fiala gnan'i Jerosalema. Tsofo ao Tekoa gny trompetra. Mampiakara famantara manera gnan'i Beti-hakerema,fotony misy faharatia miseho bakagny avaratsy; misy fanorotoroa bevata ho avy. ² Gny anak'ampelan'i Ziona, gny ampela soa voho malefaky, la ho potiky. ³ Reo mpiamby aondry voho gny aondry aman'aosy reo la handeha ho agny amin-drozy; hametraky lay gny magnodidy gnazy iaby rozy; gny johary kiraidraiky avy la hiamby amin'ny tanany manoka. ⁴ Manolora tena amin'ireo ndranagnahary ho amin'ny aly. Mitsangana, handeha tsika hanafiky amin'ny mitatao vovonana. Raty mare laha toa ka tolaky gny andro, laha toa ka milatsaky gny aloky gny hariva. ⁵ Fa ao tsika hanafiky amin'ny haliky sady handrava reo fiarovany mahery." ⁶ Fa Yaveh tompon'ny maro la mivola anizao: Tapaho reo hazony, sady magnamboara tovon-tany hanohera an'i Jerosalema. Io ro tana soa tafihy,fotony feno fampijalea ao. ⁷ Manahaky gny loharano mampiboiboiky rano, la manohy mamokatsy faharatia io tana io. Herisetra vohokoronta ro re ao aminy; arety voho ratra mandrakizay ro eo agnatrehan'ny vatako. ⁸ Hekeo gny fitsipiky,ry Jerosalema, laha tsy izay la hivaliky agnaminareo Zaho sady handrava anareo, ho tany tsy misy olo."' ⁹ Yaveh tompon'ny maro la mivola anizao: " Azo antoky fa hitimpo reo zay tavela ao Israela manahaky gny tanim-boaloboky rozy. Amparo ndraiky gny tagnanao mba hioty reo voaloboky egny amin'ny hazom-boaloboky. ¹⁰ Amin'ia ro tokony hagnambarako voho hampitandremako vo hinjanjy rozy? Ingo! tsy voafora gny sofin-drozy; tsy afaky gny hifantoky rozy Ingo! Fa avy tamin-drozy gny safan'i Yaveh mba hanitsia gnan-drozy, nefa tsy ilan-drozy izay." ¹¹ Fa zaho la feno gny hatezeran'i Yaveh. Reraky gny mitanjaky izay zaho. Hoy Ie tagnamiko hoe: " Arotsaho amin'ireo aja egny an-dala voho reo antokon-jatovo izay. Fa gny johary iaby la ho ala amin'ny valiny; sady gny zokiolo iaby fa nahazo tao. ¹² Gny tragnon-drozy la ho tolora an'ireo hafa, miaraky amin'reo tany voho gny valin-drozy. Fa ho tafiako amin'ny tagnako gny olo ao amin'ny tany__izay fagnambaran'i Yaveh. ¹³ Nagnambara Yaveh fa manomboky amin'ny kelikely mare ka hatramin'ny bevata mare, rozy iaby la fatra-pila hanagna amin'ny tsy rariny. Manomboky amin'ny mpaminany hatramin'ny mpisoro, rozy iaby reo la samby mpamitaky. ¹⁴ Nagnasitra gny ratran'ireo vahoakako mora fotsiny rozy, nivola hoe: " Fiadana!' tamin'ny tsy nisy fiadagna tao. ¹⁵ Afa-baraka va rozy lafa nanao fametaveta? Tsy afa-baraka rozy; tsy mahay mivara-mena rozy! koa hianjera miaraky amin'ireo lavo rozy; ho endesy mitily rozy lafa nosaziny hoy Yaveh. ¹⁶ Zao ro ambaran'i Yaveh: " Mijoroa eo amin'ny sampan-dalagna sady henteo; anontanio gny lalagna taloha. 'Aia izay lalagna soa izay?' Bakeo la mandehana amin'izay sady mila toera fialan-tsasatsy ho anareo. Fa hoy gny vahoaky hoe: 'Tsy handeha rahay'. ¹⁷ Nanendry mpiamby ho anareo Zaho mba hinjanjy gny trompetra. Fa hoy rozy hoe: ' Tsy hihaino rahay.' ¹⁸ Noho izay, ry firenena, njanjigno! Ingo, hijoro vavolombelo amin'izay hitranga amin-drozy nareo. ¹⁹ Njanjigno, ry tany! Ingo, handay loza eo amy toy vahoaky toy Zaho__gny vokatsy gny eritreritrin-drozy. Tsy niraharaha gny safako na ny liliko rozy , fa nanda izay koa." ²⁰ Midikaino ho Gnahy gny fiakaran'ny ditin-kazo magnitsy bakagny Seba? Na reo fofo malefaky bakagny amin'ny tany lavitsy? Tsy azoko enke gny fagnatitsy oroanareo, na reo soronareo. ²¹ Ka nivola zao Yaveh hoe: 'Ingo, hametraky sakana amy toy vahoaky toy Zaho. Ho tafitohy eo amin'izay rozy__miaraky ao reo ray voho reo anaky lahy. Ho rava avao koa reo mponina voho reo mpiara-belo.' ²² Zao ro safan'i Yaveh hoe: ' Ingo, hisy vahoaky ho avy bakagny tany avaratsy. Fa misy firenena bevata fa namporisihy ho avy bakamin'ny tany lavitsy. ²³ Handay tsipika voho lefo rozy. Feno habibia rozy sady tsy mana famindram-po. Manahaky gny fieron'ny rano masy gny foen-drozy, sady miondra soavaly mitan-dahatsy manahaky gny johary mpialy rozy, ry anak'ampelan'i Ziona."" ²⁴ Fa nandre gny vaovao mikasiky gnan-drozy rahay. Gny tagnanay la lasa malemin'ny fijalea. Voasambotsy gny fanaintainany manahaky gny ampela manday vohoky rahay. ²⁵ Ka miboaky egny amin'ireo baibo, sady ka mandeha egny amin'ny reo lalagna, fotony gny sabatr'ireo fahavalo voho gny horohoro la egny iaby egny. ²⁶ Ry anak'ampelan'ny oloko, misiky lamba fisaogna sady mihosena eo amin'ny vovoky gny fandevena ho an'ny aja tokana. Ataovo mangily ho an'ny vatanareo gny fandevena,fotony ho avy tampoky eo amintsika gny mpandrava. ²⁷ "Ry Jeremia, fa nanao ho mpagnenty vahoakako manahaky gny mpitsapa vy Zahy,noho izay la hagnadihady sady hagnenty gny fomban-drozy iha. ²⁸ Rozy reo ro tena mahery loha mare amin'ny vahoaky, zay misoro amin'ny fagnendrikendreha an'ireo hafa. Rozy iaby reo la saba voho vy, mpandrabiraby. ²⁹ Reo fitsofa la main'ny bolo zay mandoro gnan-drozy; gny firaky la rava agnaty bolo.Nitohy gny fagnefa teo amin-drozy, fa tsy misy dikany izay, fotony tsy mbo niala gny raty. ³⁰ Ho kaihy hoe volafoty tsy lany reo, fotony fa nivolagnin'i Yaveh."