¹ Gny vavak'i Habakoka:' ² Ry Yaveh, fa reko gny tatitrao, sady raiki-tahotsy aho. Ry Yaveh, velomy eo agnivon'ireo fotoa reo gny asanao;nhampahaizo eo agnivon'ireo fotoareo io; tarovo gny hana famindram-po amin'ny fahaviniranao. ³ Avy bakagny Temana Ndranagnahary, sady lay masy bakagny an-tendrombohits'i Parana. Sela. Magnarogna gny lagnitsy gny voninahiny, voho gny tany feno gny fiderany. ⁴ Reo taratsy roan'ny tagnany la mamirapiratsy manahaky gny tselatsy, zay niajarian'ny heriny. ⁵ Arety mahafaty ro nandeha teo agnatrehany, voho areti-mandringa ro nagnaraky gny tombony. ⁶ Nitsanga Ie ka nandresy gny tany; nijery Ie ka nagnonzongozo reo firenena. Ndra la reo tendrombohitsy maharitsy mandrakizay aza torotoro, sady nietsy gny havoa tsy manam-pahataperany. Tsy manam-pahatapera gny lalany. ⁷ Nahita lain'i Kosana azom-pahoria aho, sady gny fagnambara gny sikin'ireo lay tany amin'ny tanin'ny Midiana nihovitrovitra. ⁸ Masiaky tamin'ireo ony va Yaveh? Moa gny fahaviniranao va tamin'ireo ony, ndra gny siakao tamin'ireo ranomasina, lafa naondra reo soavaly reo soavalinao iha voho reo kalesim-pandresenao? ⁹ Nanday gny tsipikanao tsy niaraky tamin'ny fipetrahany iha; nametraky zana-tsipika tamin'ny tsipikanao iha!Sela. Nizara gny tany tamin'ireo ony Iha. ¹⁰ Nahita gnanao reo tendrombohitsy ka nanaitaina. Oram-be mivatravatra ro nandalo teo amin-drozy; nanandratsy hiaka gny ranomasina laliky. Nampiakatsy reo onjany io. ¹¹ Gny masoandro voho gny drala nitoetsy teo agnabony teo amin'ireo fipetrahany abo tamin'ny hazavan'ny ana-tsipikanao ka nandositsy rozy, tamin'ny famirapiratan'ny tara-pahazavan'ny lefonao. ¹² Nandeha namakivaky gny tany tamim-pahatezera Iha. Tamin'ny fahavinira ro nanosihosenao reo firenena. ¹³ Niboaky ho amin'ny famonjena gny olonao iha, ho amin'ny famonje lay voahositrao. Manorotoro gny lohan'ny avorohotan'ny raty fagnahy mba hampiharihary gny fototry gny hatony. Sela ¹⁴ Natrobaranao tamin'ny ana-tsipikany avao gny lohan'ireo mpipialiny laha avy manahaky gny tafiotsy gnanay rozy, gny fifalian-drozy la hanahaky gnan'izay mandevogna gny mahantra agny amin'ny toera mietaky. ¹⁵ Fa nandeha namakivaky gny ranomasy tamin'ny soavalinao iha, sady nampisavovogna reo rano be. ¹⁶ Nandre aho, sady nihorohoro gny tao agnatiko! Nipararetra tamin'ny feo gny molotso. Avy tamin'ny taolako gny fahalova, sady nangovitsy gny vatako laha nandigny amim-pahangina gny androm-pahoria hiavian'ireo olo zay handroba gnanay. ¹⁷ Ndra la tsy mamontsina aza gny hazon'aviavy sady tsy misy vokatsy gny tahom-boaloboky; voho ndra la mandiso fanantena aza gny hazo oliva sady tsy mamokatsy hany reo saha; voho ndra la haringa aza gny aondry ao am-bala voho misy biby fiompy ao am-pihinana, la zao ro hataoko. ¹⁸ Mbo hiravoravo ao amin'i Yaveh aho. Hifaly aho noho gny famonjen-Dranagnahary ahy. ¹⁹ Gny Tompo Yaveh ro heriko voho manao gny tomboko manahaky gnan'ny diera Ie. Mampandroso ahy agny amin'ireo toerako abo Ie.__ Ho gnan'ny bevatan'ny mpihira, amin'ny fitaovan-dokangako.