¹ Hitsanga eo amin'ny fiambenako aho sady hampijano gny vatako eo amin'ny tilikambo fiambena, voho hijery soa aho mba hahita zay holazainy amiko voho gny fomba hialako amin'ny fitaraignako. ² Namaly gnahy Yaveh voho nilaza hoe:' Raketo zao fahita zao, sady sorato mazava eo amin'ireo vato pisaky ka zay iaby mamaky azy la ho afaky hamaky an-drozy mora avao. ³ Fa ho avy amin'ny fotoa gny fahita sady hitranga avao amin'ny farany fa tsy ho rava. Ndra la tara aza io, la lignasako. Fa tsy maintsy ho avy io sady tsy hitaredretsy. ⁴ Ingo! Zay manam-pagniria tsy marina ao agnatiny la mieboebo. Fa gny olo-marina la ho velo noho gny finoany. ⁵ Fa gny divay la mpamadiky gny zatovolahy mpiavognavo mba tsy hipetrahany, fa hagnitatsy gny fagniriany manahaky gny lolo, voho manahaky gny maty, zay tsy mety afa-po aza. Avoriny ho gnazy gny olo manontolo. ⁶ Tsy hamoro fomba fivola hanesoa gnazy voho fanesoa momba azy va io iaby io, ka hanao hoe:' Loza ho gnan'izay mampitombo gny tsy gnazy! Fa mandra-pahovia ro hampitomboanao gny lanjan'ny antoky nalanao?" ⁷ Tsy hitsanga tampky va reo zay magnehitsy gnanao, sady hifoha reo zay mampihorohoro gnanao? Ho avy lasibatsy ho gnan-drozy iha. ⁸ Fotony iha nandroba olo maro, gny olo sisa iaby la handroba gnanao. Fa nandatsa-dra olombelo iha voho nanao heriloha tamin'ny tany, voho reo tana , sady reo iaby zay mipetraky ao amin'ireo. ⁹ " Loza ho gnan'izay fatra-pila hanagna amin'ny fanaovan-draty ho tombony ho gnan'ny avorohotany, mba hahafahany magnory gny akaniny amin'ny agnabony mba hiarovany gny vatany egny ampelatagnan'ny raty. ¹⁰ " Nizara fahamegnara ho gnan'ireo avorohotananao iha tamin'ny nandrigananao olo maro, ka nanota tamin'ny vatanao. ¹¹ Fa hihiaka bakeo amin'ny manda reo vato, sady reo vatan-kazo ro hamaly an-drozy, ¹² ' Loza ho gnan'izay mananga tana amin'ny ra, voho zay magnory tanan-dehibe amin'ny heloky." ¹³ Tsy bakamin'i Yaveh Tompon'ny maro va ro hiasan'ireo olo amin'ny bolo voho gny hisasaran'ireo firenena amin'ny zava-poana? ¹⁴ Kanefa gny tany la ho fenofahalala gny voninahits'i Yaveh manahaky gny rano mandrokatsy gny riaky. ¹⁵ " Loza ho gnan'izay mampino gny mpiara-monina aminy, iha zay magnisy gny poizinao mandram-pamonoanao an-drozy mba ahafahanao mijery gny fitanjahan-drozy." ¹⁶ Ho feno fahamegnara iha fa tsy voninahitsy. Hino amin'io avao koa, voho hampiseho gny fitanjahanao. Himpoly hitoliky aminao gny kapoak'Yaveh eo an-tagnany ankavana, sady hahogno gny voninahitrao gny fahafaham-baraka. ¹⁷ Gny heriloha natao gnan'i Libanona hanafotsy gnanao voho hampihorohoro gnanao gny faharavan'ireo biby. Fa nandatsa-dra olo iha ka nanao heriloha tamin'ny tany, reo tana, voho zay iaby mipetraky ao amin'iregny. ¹⁸ Ino ro tombotsoanao amin'ny sary sokitsy? Fa zay nisokitsy io, na zay manao sarin-draha gnan'idina amin'ny Vy, la mpampianatsy vandy; fa matoky gny asa-tagnany avao ie lafa magnamboatsy reo ndranagnahary moa reo. ¹⁹ " Loza ho gnan'izay mivola amin'ny hazo hoe:' Mifohaza!" na amin'ny vato mangina hoe:' Mitsangana" moa mpampianatsy va reo raha reo? ingo , voapetraka volamena voho volafoty io, kanefa tsy misy fofon'aina manao akory amin'io. ²⁰ Fa Yaveh la ao an-tempoliny masy! Mangina eo agnatrehany , ry tany manontolo."