¹ Gny hafatsy zay nirambesin'i Habakoka mpaminany: ² " Ry Yaveh, mandrapahovia ro hikahiako Vonjy, ka tsy hijanjy Iha? Nikaiky mare Gnanao tao agnatin'ny horohoro aho hoe:' Herisetra!" nefa tsy hamonjy ahy Iha. ³ Nagnino ro ataonao mahita heloky aho sady mahita gny fanaovan-draty? Fandrava voho heriloha ro eo agnatrehako; misy fifandira, voho fanangana fifanjevona, ⁴ Nohon'io la tsy nagnenky gny lalagna, sady tsy naharitsy tamin'ny fotoa iaby gny rariny. Fa nagnodidy gny fahamarina gny raty fagnahy; ka la miboaky gny rariny diso." Mamaly gnan'i Habakoka Yaveh ⁵ " Jereo reo firenena ka hadihadio rozy; ao ho tseriky voho ho tandregna! Fa hanao raha tokoa Aho amin'ireo andronareo zay tsy hinoanareo lafa tatery aminareo io. ⁶ Fa ingo! Hanandratsy reo Kaldeana Aho__ lay firenena masiaky voho maheriloha__manao liabe manera gny sakan'ny tany mba hambabo reo tragno zay tsy gnan-drozy. ⁷ Mampihorohoro voho mampatahotsy rozy; bakamin-drozy gny fitsarany voho famirapiratany. ⁸ Reo soavaliny avao koa la mahalay noho gny leoparda, mailaka noho gny alika lian'ny haly. Koa miriotra gny soavalin-drozy, sady bakagny lavitsy tokoa gny mpanday soavalin-drozy_mitily manahaky gny voromahery vo maika rozy. ⁹ Avy noho gny heriloha iaby rozy manontolo; mandehana manahaky gny tsioky agny agn'efitsy gny olo maron-drozy, sady mamory reo tratra babo manahaky gny fasiky rozy. ¹⁰ Ka naniratsir reo mpanjaka rozy, sady reo mpanapaky la fiheheza ho gnan-drozy avao. Nihehy gny fiarova mafy iaby rozy, fotony nanasavovonatagny rozy sady nanambotsy gnan-drozy. ¹¹ La ho avy gny tsioky; handalo io__olo-meloky, reo zay heriny ro ndranagnaharin-drozy."Mametraky fagnontania hafa amin'i Yaveh i Habakoka. ¹² " Moa va tsy amin'ny fotoa taloha Iha, ry Yaveh Ndranagnahariko, lay Masiko? Tsy ho maty rahay. Fa nanendry an-drozy hatsara Yaveh, sady Iha, ry Vatolampy , ro fa nametraky an-drozy ho akata. ¹³ Malio loatsy gny masonao laha handiniky gny raty, voho tsy afaky gny hijery amin-tsitraky gny fanaovan-draty Iha; ka nagnino ary ro nanao fijery soa reo zay mamadiky Iha? Nagnino ro mangina Iha laha mitely reo marina kokoa noho rozy raty fagnahy? ¹⁴ Nataonao manahaky gny hazandrano ao an-driaky gny olo, manahaky reo raha milaly tsy misy mpanapaky gnazy. ¹⁵ Mampiakatsy gnan-drozy iaby amin'ny fitana rozy; maninto olo ao amin'ny haraton-pia rozy sady mamory gnan'ireo ao amin'ny haratony. Io gny antony hazotoan-drozy voho hihikany mare. ¹⁶ Nohon'io la nanao soro ho gnan'ireo haraton-piany rozy sady nagnoro ditin-kazo magnitsy ho gnan'ireo haratony, fa biby lia matavy ro anjaran-drozy. ¹⁷ Moa va hagnafoana gny haratony rozy sady hanohy reo firenena, tsy mahatsapa fangoraham-po?