¹ La mbo niaraky gnaondry voho gnaosin'i Jetro rafozany, zay mpisoron'ny Midiana avao Mosesy. La nandesin'i Mosesy tagny ankoatsy gny limonto gnaondry voho aosy ka niavy tagny Horebazay tendrombohitsy gny Ndranagnahary. ² Teo ro nisehoan'ny gny anjelin'i Yaveh tamin'ny gny lelambolo tao agnatin'ny gny voaroy. Nanenty Mosesy, ka ingo, nirehitsy gny voaroy, fe gny voaroy la tsy nety ma. ³ La hoy Mosesy hoe: " Vonjeko mariniky mba hanenteako zao raha-mahatseriky zao nagnino ro tsy ma gny voaroy. ⁴ Ka lafa nihitan'i Yaveh fa namonjy mariniky ie mba hanenty, la nikaiky gnazy bakeo amin'ny gny voaroy Ndranagnahary ka nanao hoe: " Mosesy. La hoy Mosesy hoe: " Intoy zaho" ⁵ La hoy Ndranagnahary hoe: " Ka mankariniky loatsy! Zaho antombokao egny gny kiraronao, fa gny toera zay itsangananao, tany fa voatoka ho Gnahy." ⁶ Nampeany hoe:" Izaho ro Ndranagnahary ny gny razanao, Ndranagnaharin'i Abrahama , Ndranagnaharin'i Isaka, voho Ndranagnaharin'i Jakoba." La nanako gny tarehiny Mosesy, fotony natahotsy gny hanenty an'i Ndranagnahary ie. ⁷ Hoy Yaveh hoe: " Hitako gny fijalean'ny gnoloko zay tao Egypta. Fareko gny fitaraignan-drozy nohon'ny gnamin'ireo mpifehy gnazy, fotony haiko gny momban'ny gny fijalian-drozy. ⁸ Ka nijotso zaho mba hagnafaky an-drozy amin'ny gny fahefan'ireo Egyptiana ka handay an-drozy hiakatsy bak'amin'io tany io ho agny amin'ny tany soa, voho midadasiky, ho agny amin'ny gny tany tondra-dronono voho tantely Hivita, voho reo Jebosita. ⁹ Henanizao fa avy amiko atoy reo fitaraignan'ny gnolon'Israely. Ka la hitako gny fampijalea nataon'ireo Egyptiana. ¹⁰ Noho ny zay, hagniraky gnanao ho agny amin'i Farao zaho mba hahafahanao handay gnoloko, reo Israelita, hiala ao Egypta." ¹¹ Nefa hoy i Mosesy tamin'i Ndranagnahary hoe: " Ia moa zaho ro handeha agny amin'i Farao ka handay reo Israelita hienga ao Egypta? ¹² La namaly Ndranagnahary hoe: " Homba gnanao vatany Zaho. Izao ro famantara ho gnanao fa fanagniraky gnanao Zaho. Lafa tafaboakao bakao Egypta gnolo, la hanompo Gnahy eto amin'itoy tendrombohitsy toy nareo. ¹³ La hoy Mosesy tamin'i Ndranagnahary hoe: " Laha ho agny amin'ireo nIsraelita zaho ka hivola amin-drozy hoe: 'Gny Ndranagnahary gny razanareo ro nagniraky? Ka ino gny ho volagniko amin-drozy? ¹⁴ La hoy Ndranagnahary tamin'i Mosesy hoe: " ZaHO ro ZaHO ". La hoy Ndranagnahary hoe: " Tsy maintsy ho volagninao reo Israelita hoe: " ZAHO ro nagniraky gnahy ho atoy aminareo. ¹⁵ La hoy avao koa Ndranagnahary tamin'i Mosesy hoe: " Yaveh, Ndranagnahary ny gny razanareo, Ndragnahariny Abrahama, Ndranagnaharin'Isaka, Ndranagnaharin' i Jakoba, ro nagniraky gnahy ho atoy aminareo. Zay ro agnarako traky farany zay ro hahatiarova Gnahy hatramin'ny gny taranaky faramandimby iaby. ¹⁶ Mandehana ka avorio miaraky reo lohaolon'ny gny Israely. Volagno amin-drozy hoe: " Yaveh, Ndranagnahary ny gny razanareo, Ndragnaharin'Abrahama, NdragnaharinIsaka, Ndragnaharin'i Jakoba, fa niseho tamiko ka nanao hoe: " Fa nandiniky anareo vatany zaho, ka nahita zay natao taminao tagny Egypta". ¹⁷ Fa nampitama Zaho fa handay anareo hienga amin'ny fampijalea ao Egypta ho agny amin'ny tanin'ireo Kananita, Hetita, Amorita, Perizita voho reo Jebosita, tany tondra-dronono voho tantely." ¹⁸ Hijanjy gnanao rozy. Tsy maintsy nagnampy amin'ny gny mpanjakan'i gny Egyptiana iha voho reo lohaolon'ny Israely, ka zao ro tsy maintsy volagninareo aminy hoe: " Yaveh, Ndranagnaharin'ny Hebreo la fa nihaino taminy. Ka engao rahay handeha hateloa andiamonto agny, mba hahafahanay hanao soro ho an'i Yaveh Ndragnaharinay. ¹⁹ Nefa haiko fa tsy hagnenga anareo handeha gny mpanjakan'i Egypta, laha tsy tere ie. ²⁰ Hagnenga gny tagnako Zaho ka hanohitsy reo Egyptiana amin'ireo fahagaga zay hitako eo amin-drozy. Lafa afaky zay la hagnenga anareo handeha ie. ²¹ La hampahitako hatea amin'ny gny Egyptiana reo olo reo, ka lafa handeha nareo, la tsy handeha amin'ny gny tagnam-polo. ²² Gnampela iaby la hangataky ravaky volafoty voho volamena voho akanjo amin'ireo Egyptiana mpiara-mipetraky aminy voho gnampela iaby zay mitoetsy ao antragnon'ireo tana raiky aminy. Hampandesinareo gnanakilanareo voho gnanakampelanareo zay. Zay gny fomba handravanareo gny Egyptiana."