¹ Noho izay iha, anako, mahereza ao amin'ny fahasoava zay ao amin'i Jesosy Kristy. ² Reo raha renonareo baka agnamiko teo agnatrehan'ny vavolombelo maro, la hankino amin'ny olo mahatoky zay afaky hampianatsy gny sasany koa. ³ Mareta raha sarotsy miaraky agnamiko, manahaky gny miaramila soan'i Jesosy Kristy. ⁴ Tsy misy miaramila manompo laha mbo voafandrik'ireo raharahan'izao fiaigna zao, mba hafahany mampifaly gny lehibeny. ⁵ Sady, laha misy olo mifanina manahaky gny atleta, la tsy mandramby gny satro-boninahitsy ie laha tsy mifanina amin'ny alalan'ireo fitsipiky. ⁶ Ila gny fandraisan'izay mpamboly zay miasa mafy gny anjara vokatsy voalohany. ⁷ Saigno gny mikasiky zay ambarako, fa gny Tompo ro hagnome gnanareo gny fahatakara amin'ny raha iaby. ⁸ Tiarovo Jesosy Kristy, bakamin'ny avorohotan'i Davida, zay nantsaga tamin'ireo maty. Izay la araky gny hafatsy gny filazantsarako, ⁹ zay mampijaly gnahy gny amin'ny famatora manahaky gny mpamono olo. Fa gny safan-Dranagnahary la tsy voafatotsy. ¹⁰ Noho izay hiaretako gny raha iaby ho gnan'ireo voafily, mba ho afaky handray gny fagnavota zay ao amin'i Kristy Jesosy avao koa rozy, miaraky amin'ny voninahitsy mandrakizay. ¹¹ Toy safa toy la mendri-pitokia: " Laha maty niaraky tagnaminy tsika, la ho velo hiaraky agnaminy avao koa. ¹² Laha miaritsy tsika, la hanjaka hiaraky aminy avao koa. Laha manda Gnazy tsika, la handa gnantsika avao koa Ie. ¹³ Laha tsy mahatoky tsika, la hahatoky favao koa Ie, fotony tsy afaky manda gny vatany Ie." ¹⁴ Ampahatiaroviko an-drozy hatragny reo raha reo. Ampitandremo eo agnatrehan-Dranagnahary rozy mba tsy hifamaly mikasiky reo safa. Noho io la tsy misy raha ila. Noho io la tsy misy fahasimba ho gnan'ireo zay mijanjy. [Fanamariha: gny dikan-teny sasany la mivaky hoe: " Ampitandremo eo agnatrehan-Dranagnahary rozy] ¹⁵ Omeo gny soa bakaminao mba hagnomezanao tena ho an-Dranagnahary manahaky gny ankatoavy, mpiasa zay tsy mana antony hahamegnara, zay mampianatsy gny safan'ny fahamarigna amin'ny tokony ho ie. ¹⁶ Ialao gny safa fanevateva, zay manday tsikelikely agny amin'ny faharatiam-pagnahy. ¹⁷ Gny safan-drozy la hiely manahaky gny fery mandoaky. Eo agnivon'ireo Hymeneo voho Filito. ¹⁸ Ie Rozy ro johary tsy mba nahay gny to. Mivola rozy fa gny fitsangana amin'ny maty fa nitranga. Simban-drozy gny finoan'ny sasany. ¹⁹ Na la izay aza, gny fototsy mafy orin-Ndranagnahary la mijoro. Mana toy soratsy toy: " Gny Tompo la mahay reo zay gnazy" sady " zay iaby manono gny agnarany Tompo la tsy maintsy miala amin'ny tsy fahamarigna." ²⁰ Ao amin'ny tragnon'ny mpanan-kanagna, la tsy reo fitoeran'ny volamena voho volafoty avao ro ao. Misy avao koa reo fitoeran'ny hazo voho tanimanga. Gny sasany amin-drozy la ho ampiasa amim-boninahitsy, sady gny sasany ho amin'ny fanalam-baraka. ²¹ Laha misy olo magnalio gny vatany ho afaky amin'ny fahafaham-baraka, la fitoera manan-kaja ie. Ie la voatoka, ilain'ny Tompony, sady voaoma amin'ny asa soa iaby. ²² Mandosira gnan'ireo filan'ny tanora. Mila fahamarigna, finoa, fitia, sady fihavagna miaraky amin'ireo zay mikaiky gny Tompo amin'ny fo malio. ²³ Nefa manda reo fanontania adala voho tsy misy dikany. Hainareo fa miteraky aly reo. ²⁴ Gny mpanompon'ny Tompo la tsy tokony mifanditsy. Fa koa tsy maintsy malemy fagnahy amin'ny iaby ie, mahay mampianatsy, sady maharitsy. ²⁵ Tsy maintsy ao amin'ny fahalemem-pagnahy ro ampianarany reo zay manohitsy gnazy . Fa vasa Ndranagnahary mety hagnome an-drozy fibebaha ho gnan'ny fahalala gny to. ²⁶ Mety holy ndraiky gny fisainan-drozy reo sady hiala gny fandriky gny devoly, lafa avy nosamboriny tamin'ny sitrapony.