¹ Nimaty tami-gny reo razambeny tagny i Josafata voho nalevy niaraky tamin-drozy ami-gny tanan'i Davida ao; Jehorama, gnanany lahy, ro lasa mpanjaka nilimby gny polasiny. ² Nana rahalahy i Jehorama, gnanak'i Josafata: la Azaria, Jehiela, Zakaria, Azaria, Mikaela, voho Sefatia. Gnanaky lehin'i Josafata, mpanjakan'Israely iaby reo. ³ Nagnamea fagnomea fagnomeza volafoty, volamena, voho raha lafo vily hafa maro la vatany maro, voho tana mivala Joda tagny ho gn'androzy avao koa gny rainy, fe bameany gnan'i Jehorama gny seza fiandriana, fotony ie ro talagnolony. ⁴ Vho lafa nitsanga tami-gny fanjakan-drainy teo i Johorama ka nanatraky mare gny vatany ho mpanjaka, la nivinonony tami-gny meso gny reo rahalahiny iaby, ndraiky gny reo mpitarik'Israely samby hafa avao koa. ⁵ Telopolo roa amby tao i Johorana laha nanomboky nanjaka, voho nanjaka taminy gny volo tao ta-Jerosalema tao ie. ⁶ Nandeha tami-gny lalany reo mpanjakan'Israely ie, manahaky gny nataony gny taranak'i Ahaba, fa gny gnanak'ampelan'i Ahaba ro valiny, voho manao raty tamason'i Yaveh ie. ⁷ Kanefa, tsy nagniry gny handrava gny taranak'i Davida i Yaveh, nohony gny ami-gny fagnenkea ze nataony tamin'i Davida; fa nampagnantegna gny hagnomea fiaigna ho gnazy ndraiky gny reo taranany zisiky amparany Ie. ⁸ Tami-gn'andron'i Jehorama, la nialy hiala tami-gny fifehezan'i Joda i Edoma, ka mametraky mpanjaka ho eo amin-drozy. ⁹ La niampita miaraky tami-gny reo mpifehiny ndraiky reo kalesiny iaby i Jehorama. Andro haliky ro nialany ndraiky nialiany tamireo Edomita nagnodidy gnazy ndraiky mpifehy gny kalesiny. ¹⁰ Ka fa nikomy tami-gny fifehezan'i Joda zisiky androany i Edoma. Nikomy hiala tami-gny fifehezany miaraky tami-zay avao koa i Libna, fotony Jehorama fa nahafoy gnan'i Yaveh, Ndranagnahariny reo razambeny. ¹¹ Fagnampiny zay la nagnamboatsy fipetraha agnabo tami-gny reo vonitsin'i Joda tagny avao koa i Jehorama, ka nampiaina gny olon'i Jerosalema manahaky gny mpamarobata, voho manday gnan'i Joda hania. ¹² Nisy taratasy baka amin'i Elia mpagnambara hafatsy niavy tamin'i Jehorama tagny. Zao ro nambarany zay: Zao ro nivinolan'i Yaveh, Ndranagnaharin'i Davida, razambenao: fotony tsy nandeha tami-gny lalany reo mpanjakan'Israely koa voho nahavy gnan'i Joda ndraiky gny reo olon'i Jerosalema hiatoro manahaky gny mpamaro-bata, manahaky gny nataony gny taranak'i Ahaba __voho fotony fa nivinononao tami-gny meso avao koa gny reo rahalahinao ami-gny longon-drainao tao, la gny reo johary soa nohony gny vatanao. ¹⁴ ingo, Yaveh hamango gnanao, gny reo gnanakao, ndraiky gny reo valinao, voho gny hanagnanao iaby ami-gny areti-mandrava bevata. ¹⁵ Iha mintsy ro harary mare nohony gny arety ami-gny tinainao ao, ambaram-pahavoa gny tinainao nohony arety, isan'andro san'andro. ¹⁶ La nampienta gny fagnahiny reo Filistina ndraiky gny reo Arabo nandriniky gnany reo Etiopia hanohitsy gnan'i Jehorama i Yaveh. ¹⁷ Namango gnan'i Joda rozy, nanafiky gnany zay, voho nangalaky gnany reo hanagna iaby ze hita tan-tragnony gny mpanjaka tao. Nalan-drozy avao koa gny gnanany lahy ndraiky gny reo valiny. Tsy nisy gnanaky lahy tavela ho gnazy laha tsy i Jehorama, gnanany faralahy. ¹⁸ Tafarany zay iaby zay la namango gnazy ami-gny tinainy tao tami-gny arety tsy hay njangay i Yaveh. ¹⁹ Voho tami-gny fotoa voatondro, afaky roa tao, la tontany gny aretiny gny tinainy, voho maty nohony gny arety namaivay ie. Tsy nandrehitsy bolo ho voninahiny araky gny nataon-drozy ho gnany gny razambeny gny vahoakany. ²⁰ Nanomboky nanjaka ie tami-gny faha telopolo roa amby taony; anjaka ta-Jerosalema tao tagnaminy gny valo tao ie, voho nimaty tsy misy mpitagny. Nalevin-drozy tami-gny tanan'i Davida tao ie, fa tsy tami-gny lolony gny mpanjaka tao.