¹ Nimpoly soa aman-tsara tan-tragnony tany Jerosalema tagny i Josafata mpanjakan'i Joda. ² Bakeo gnanaky lahin'i Hanana, mpahita, niboaky hitsena gnazy ka nisafa tamin'i Josafata mpanjaka hoe: " Tokony hagnampy gny raty fagnahy va iha? Tokony hitea gny reo malay gnan'i Yaveh va iha? Nohony zay asa zay, la agnaminao ao gny siaky baka amin'i Yaveh. ³ Na zay aza, la mbo misy soa hita gnagnainao ao, fa nalanao hiala gny tany gny reo baon'Aseraha, voho fa nanefy gny fonao hila gnan-Dranagnahary iha." ⁴ Nipetraky ta-Jerosalema i Josafata; voho niboaky hitety gny vahoaky ndraiky ie zisiky Beriseba ka la zisiky agny ami-gny tany havoan'i Efraima ka nandry gnazy reo nimpoly amin'i Yaveh agny, Ndranagnahariny gny razambeny rozy. ⁵ Nametraky mpitsara tami-gny tany nanera gnany tana milakoro iaby ta-Joda tagny ie, isaky gny tana. ⁶ Hoy ie tami-reo mpitsara hoe: " Vetsevetseo ze tokony hataonareo, fotony tsy mitsara ho gnan'olo nareo, fa ho gnan'i Yaveh; Hitahy gnanareo Ie ami-gny asam-pitsara. ⁷ Ka androany, ao ho agnaminareo gny havaka gnan'i Yaveh. Mitandrema lafa mitsara nareo, fa tsy mba misy heloky amin'i Yaveh Ndranagnaharintsika, na fagnentea tarehin'olo na fandrambesa kelikely."' ⁸ Ka nanendry gny sasany tami-gny reo Levita ndraiky gny reo mpisoro, voho gny sasany tami-gny reo mpitariky gny tragnon-drazan'Israely ta-Jerosalema i Josafata, ho ami-gny fagnantanteraha gny fitsara ho gnan'i Yaveh, voho ho ami-gny reo fifandira. Nipetraky ta-Jerosalema tao rozy. ⁹ Nampianatsy gnan-drozy ie, nanao hoe: " Tokony hanompo gnan'i Yaveh am-pagnaja, ampitokia, voho ami-gny fonareo iabiaby nareo. ¹⁰ Ndra ombia ndra ombia avy agnaminareo gny fifandira ami-gny reo rahalahinareo mipetraky ami-gny tanan-drozy agny, na mikasiky gny fandatsahan-dio, na mikasiky gnany reo lily voho lalagna, la ampitandremo rozy mba tsy lasa maloky agnatrehan'i Yaveh eo rozy, laha tsy zay la ho avy agnaminareo ndraiky ami-gny reo rahalahinareo gny siaky . Zay ro tokony hataonareo mba tsy ho maloky nareo. ¹¹ Ingo, Amaria mpisorobe ro agnaminareo eo ami-gny raharahan'i Yaveh iaby. Zebadia gnanaky lahin'i Ismaela, mpitariky gny taranak'i Joda, ro miandraikitsy gny raharahany gny mpanjaka iaby. Reo Levita avao koa la ho manam-pahefa hanompo gnanareo. Mahereza ka araho gny reo torolalanareo reo, voho Yaveh anie hitahy gnany reo ze soa."