¹ Lafa baka niresaky tamin'i Saoly ie, la nifafamehy tamin'ny fagnahin'i Davida gny fagnahin'i Jonatana, sady nitian'i Jonatana manahaky gny fagnahiny avao koa ie. ² Nalan'i Saoly ho amin'ny fanompoa gnazy i Davida tamin'io andro io; tsy nengany himpoly agny an-tragnon-drainyie. ³ Bakeo Jonatana voho Davida nanao fanenkem-pinamana fotony nitian'i Jonatana manahaky gny fagnahiny avao koa ie. ⁴ Nangalaky gny akanjo lava zay nanaovany i Jonatana sady nagnome gnan'io Davida niaraky taminy fiarovany, voho gny sabany , gny tsipika, voho fehin-kibo. ⁵ La nandeha tagny amin'izay toera nagnirahan'i Saoly gnazy i Davida, sady nahomby ie. Nametraky gnazy teo amin'ireo joharin'aly i Saoly. Nankasitraky teo imason'ny vahoaky iaby io sady teo iamsona'ireo mpanompon'i Saoly avao koa. ⁶ Laha nandeha noly baka nandresy reo Filistina rozy, la avy bakamin'ireo tanan'Israely iaby reo ampela, nihira voho nisinjaky , mba hitsena gnan'i Saoly mpanjaka , niaraky tamin'ny amponga tapaky , hafalia, sady raha magneno. ⁷ Nifandimby nihira reo ampela niisa rozy. Nihira rozy hoe:' Novonoan'i Saoly reo agn'arivony, sady Davida koa reo agn'aliny." ⁸ Nasiaky mare i Saoly , sady tsy nampazoto gnazy io hira io. Hoy ie Hoe:" fa nagnome agn'aliny ho gnan'i Davida rozy, nefa agn'arivony avao ro namean-drozy ho gnahy. Ino avao koa ro afaky hanagnany afa-tsy gny fitodram-panjaka? ⁹ Nijery gnan'i Davida tam-piahiahia i Saolynanomboky tamin'io andro io. ¹⁰ Gny andro magnaraky la nisy fagnahy mampidi-dozz bakamin-Dranagnahary nizotso teo amin'i Saoly sady nirediredy tao an-tragno ie. Nohon'io la niisa gy raha-magnenony gny ataony isan'andro i davida. Sady nana lefo tegny an-tagnany i Saoly. ¹¹ Natoran'i Saoly lay lefo, fotony nieritreritsy ie hoe:' Ho tombohiko ho eo amin'ny rindry i Davida. Kanefa ingo tafala gny fagnatrehan'i Saoly tamin'io fomba io i Davida. ¹² Natahotsy gnan'i Davida i saoly , fotony nomba gnazy Yaveh, fa tsy nomba gnan'i saoly sasy. ¹³ Ka nalan'i Saoly teo amin'ny fagnatrehany ie sady nontendreny ho mpifehay gny arivo. Io ro fomba niboahan'i Davida voho nankanesany teo agnatrehan'ny vahoaky. ¹⁴ Nambiny tamin'ny lalany iaby i Davida, fotony nomba gnazy Yaveh. ¹⁵ Lafa hitani Saoly fa nambi ie, la talanjona taminy ie. ¹⁶ Fa tia gnan'i Davida gny Israely voho Joda iaby, fotony niboaky ie sady nandeha teo agnatrehan-drozy . ¹⁷ sady i Saoly tamin'i Davida hoe;' Intoy i Meraba anako ampelako zoky mare. Hameako gnanao ho valy ie. Fa mana herim-po ho gnahy sady mialia gny alin'Yaveh. Fa nieritretsy Saoly hoe;' Ka enga eo aminy tagnako, fa ao gny tagnan'ireo Filistina ro ho eo aminy." ¹⁸ Hoy i Davida tamin'i Saoly hoe:' Ia moa aho, sady ia moa reo longoko, na gny longon'ny raiko agny Israely, ro tokony ho vinanto lahin'ny mpanjaka aho?" ¹⁹ Fa tamin'ny fotoa tokony nagnomeza gnan'i Meraba, anaky ampelan'i Saoly ho gnan'i Davida, la namea gnan'i Adriela Meholatita ho valy ie. ²⁰ Kanefa i Mikala, anaky ampelan'i Saoly tia gann'i Davida. Nivola tamin'i Saoly rozy, sady nahafaly gnazy io. ²¹ Bakeo i Saoly nieritreritsy hoe:' Hameako gnazy ie, mba ho fandriky ho gnazy, sady mba hanohitsy gnazy gny tagnan'ireo Filistina." Ka nivola fagnindroany gnan'i Davida ndraiky i Saoly hoe;' Ho vinanto lahiko iha." ²² Nandidy reo mpanompony i saoly hoe;' Miresaha manoka amin'i Davida, sady lazao hoe;' Ingo, mankasitraky gnanao gny mpanjaka , sady tia gnanao reo mpanompony iaby. Ka amizao , meteza ho vinanto lahin'ny mpanjaka." ²³ Ka nilaza reo teny reo tamin'i Davida reo mpanompon'i Saoly. Bakeo Davida nilaza hoe:' Raha kely ho gnanao va gny ho vinanton'ny mpanjaka, fotony , fotony olo mahantra aho, sady atao tsinontsino na? ²⁴ Nitatitsy taminy reo teny reo zay nolazain'i Davida reo mpanompon'i saoly. ²⁵ Sady hoy i Saoly hoe:' Lazao gnan'i Davida zao; Tsy magniry vodiondry gny mpanjaka, fa lohan-tsitsy zaton'ireo Filistina avao, mba hamalia faty re fahavalo gny handavo gnan'i Davida tamin'ny tagnan'ireo Filistina. ²⁶ lafa nailaza reo teny reo tamin'i Davida reo gny mpanompony, la nahafaly gnan'i Davida gny ho vinanton'ny mpanjaka. ²⁷ Talohan'ny nahadila gnan'ireo andro ireo, la nandeha niaraky tamin'ireo olony Davida sady namono Filistina roan-jato. Nandesin'i Davida gny lohan-tsitsin-drozy, sady namean-drozy ho gnan'y mpanjaka avokoa reo, mba ho lasa vinanton'ny mpanjaka ie. ka namean'i Saoly gnazy ho valy i Mikala anany vavy . ²⁸ Lafa hitan'i saoly, voho hainy fa nomba gnan'i Davida i Yaveh, sady Mikala anaky ampelan'i Saoly, la tia gnazy , ²⁹ La natahotsy mare tokoa gnan'i Davida i Saoly. sady fahavalon'i Davida hatragny i Saoly. ³⁰ Bakeo reo andrian-dahin'ireo Filistina niboaky hialy , sady arakaraky gny niboahan-drozy matetiky , ro nahombiazan'i Davida bebe kokoa noho reo mpanompon'i Saoly manotolo, ka la nisandratsy abo gny agnarany.