¹ Mpanjaka teo amin'ysraely iaby i Solomona mpanjaka. ² Reo manam-pahefany:Azaria anak'i Zadoka ro mpisoro. ³ Elihorefa voho Ahia anak'i Sisa,ro mpitan_tsoratsy. ⁴ Benaia anak'i Joiada ro niandraikitsy gny aly.Zadoka voho Abiatara ro mpisoro. ⁵ Azaria anak'i Natana ro nifehy reo manam_ pahefa.Zaboda anak' i Natana la mpisoro voho naman' ny mpanjaka. ⁶ Ahisara ro nifehy gny tokan_trano.Adoniana anak'i Abda la teo amin'ireo gnolo zay nifefy reo mpanao asa an_terivozo. ⁷ Nana manam-pahefa folo roamby i solomona manera gnan'ysraely manontolo,zay niantoky gny sakafon'ny mpanjaka voho gny avorohotany.Gny johary kirakiraiky iaby la niantoky gny tahirin-tsakafo mandritra gny vola raiky ao agnatin'ny tao raiky. ⁸ Reto aby gny agnarany: ⁹ Beni-hora,bakamin'ny tany agnabon'Efraima;Beni-dakera tao makaza'salbima,Beti-samesy,voho Elon-beti-hanana; ¹⁰ Beni-haseda,tao Arobata (Gnazy i Soko voho gny tany iaby tao Hefera); ¹¹ Beni- Hadada,teo amy distrikan'i Dora manontolo (Tafata anakapelan'i solomona ro valiny); ¹² Bana anak'i Ahiloda, tao Tanaka voho Megido,sady Beti-sana manontolo zay teo agnilan'i Zaretana ambanin'i Jezirela,bakeo Beti-sana ka hatragny Abela-meloha lavitsy gny rivon'i Jokneama; ¹³ Beni-gabera tao Ramota-gileada(Gnazy gny tanan'i Jaïra anak'i Manase,zay tao Gileada,sad gny faritr'Argoba la gnazy,zay tany Basana,tana bevata enimpolo misy rindry voho hilim-baravagna varahy); ¹⁴ Ahinadaba anak'i Ydo ,tao Mahanaima; ¹⁵ Ahimaza,tao Naftaly (nivaliny avao koa i basemata anakapelan'i Solomona); ¹⁶ Bana anak'i Hosay, tao Asera voho Bealota; ¹⁷ Josafata anak'i Paroa,tao Ysakara;` ¹⁸ Sidney anak'i Ela,tao Benjamina; ¹⁹ sandy Gabera anak'i Ory,agny amy tanan'I Gileada,tanàn' i Sihona mpanjakan'I Amorita voho Oga mpanjakan'I Basana,sad Roxy o manam-pahefa zay tao amin' ny tany. ²⁰ Joda voho Israely la maro manahaky gny raiky amoron-driaky .nihina voho nino Rozy sady mazoto. ²¹ Y Solomona la nandidy gny mpanjaka iaby bakeo amy gny Ony ka hatragny an-tanin'NY filistina voho gny sisin-tanin'I Egypta. Nanday fagnomezam-boninahitsy voho nanompo tanan'I Solomona rozy nandita gny androm-piaignany iaby . ²² Gny tahirin-kanin'I Solomona agnatin'ny ndraik 'andro la koka soa lisa telopolo , voho sakafo enimpolo koro , ²³ aomby vondraky folo ,aomby tsy nihinam-bilona roapolo ,sady ondry zato ,afa tsy gny serfa ,gazela ,kapreoly voho voro noatavezina. ²⁴ Fotony nanam-pahefa tamin'ny faritra iaby manodidy gny ony ie,bakeo Tifsa ka hatragny Gaza,mihoatry reo mpanjaka iaby zay nagnila gny ony ,la nana fiadagna tamin'ny nagnodidy azy iaby ie. ²⁵ niay am-pitoniana I Joda voho Israely, gny olo iaby la teo ambanin'ny voalohany voho gny aviaviny ,bakeo Dana hatragny Beri-sheba ,tamin'ny adron'i Solomona manontolo . ²⁶ Nana tragnon-tsoavaly efatraly ie ho gnanan'ny kalesiny ,sady mpadray soavaly ray aly sy roarivo . ²⁷ reo manam-boninahitsy reo la niantoky hany gnan'i solomona mpanjaka voho ho gnan'ireo iaby zay bakeo amin'ny ladabon'i solomono ,gny olo iaby tamin'ny volany iaby . Ka tsy negan-drozy ho tsy ampy gny raha iaby . ²⁸ nadray vary hordea voho mololo ho gnan'ny reo soavaly mpitariky kalesa fiondrana rozy ,samy manday zay leony kiraikiraiky iaby. ²⁹ Nomen-dragnahary fahendrea voho fahazavan-tsay bevata i Solomona ,sady fivelaran-tsay manahaky gny fasiky agny amoron-driaky . ³⁰ Gny fahendren'i Solomona la mandilatsy gny fahendren'ireo olo iaby tagny antignana voho fahendren'i Egypta . ³¹ Nana fahendrea noho gny olo iaby ie noho i Etana Ezrahita ,Hemana kalkola voho Darda anak'i Mahola _sady gny lazany la avy tagny amin'ny firenena magnodidy iaby. ³² Nisafa ohabola telo arivo ie sady dimy arivo gny hirany laha hisay. ³³ Namaritry gny raha -mitiry ie bakamin'ny sedera tagny Libanona ka hatramin'ny hysopa zay mitiry magnaraky gny rindry. nagnazava momba reo biby avao koa ie, reo voro ,reo raha milaly sady gny hazan-drano. ³⁴ Ary bakamin'ny firenena iaby gny olo mba hijanjy gny fahendren'i Solomona .Rozy la bakamin'ireo mpanjaka maneragny tany zay fa nahare gny fahendreny.