¹ Davida la niresaky tamin'ireo mpifehy gny arivo voho azoto, niaraky tamin'ny mpitariky iaby. ² Hoy Davida tamin'ny vondron-tafik'Israely iaby hoe:" Laha soa aminareo, voho laha bakamin'i Yaveh Ndranagnaharintsika io, la ao tsika handefa mpanday hafatsy egny manontolo egny agny amin'ireo rahalahintsika zay mipetraky agny amin'ireo farits'Israely iaby , voho agny amin'ireo mpisoro voho reo Levita zay ao amin'ireo tanan-drozy. Ao rozy ho volagny mba hiaraky amintsika. ³ Andeha tsika hampimpoly amintsika gny fiaran-Dranagnaharintsika, fotony tsy nila gny sitrapony tsika tamin'ireo andron'ny fanjakan'i Saoly." ⁴ Gny vondron-tafiky iaby la nagnenky hanao reo raha reo , fotony hotrany marina teo amasony gn'olo iaby reo. ⁵ Ka navoron'i Davida hiaraky gny Israely iaby, hatragny amin'iOnin'i Sihora agny Egypta ka hatragny Lebo Hamata, mba handay gny fiaran-Dranagnahary bakagny Kiriata Jearima. ⁶ Niakatsy nagnagny Bala i Davida voho gny Israely iaby, io hoe, Kiriata jearima, zay gnan'i Joda, mba handay gny fiaran-Dranagnahary bakagny , zay nikaihy tamin'ny agnaran'i Yaveh, la Yaveh , zay mipetraky eo amin'ny seza fiandriana eo amin'ny Kerobima. ⁷ Nohon'io la napetrakin-drozy teo agnabony sarety vaovao gny fiaran-Dranagnahary. Naboakin-drozy bakao amin'ny tragnon'i abinada io. Oza voho Ahia ro ninday gny sarety. ⁸ Davida voho gny Israely iaby la nankalaza teo agnatrehan-Dranagnahary tamin'ny herin-drozy iaby. Nihira niaraky tamin'ny lokanga, ampongatapaky , kipantsona, voho trompetra rozy. ⁹ Lafa avy teo amin'ny tany famoloan'i Kidona rozy, la nagnampatsy gny tagnany hitanjaky gnan'ny fiara Oza, fotony nilavo gny aomby. ¹⁰ La nirehitsy tamin'i Oza gny helok'i Yaveh, sady novonoan'i Yaveh ie fotony nagnampatsy gny tagnany tamin'ny fiara Oza. maty teo agnatrehan-Dranagnahary teo ie. ¹¹ Masiaky Davida fotony namely gnan'i Oza Yaveh. Nikaiky hoe Pereza Oza io toera io mandrak'androany. ¹² Natahotsy gnan-Dranagnahary Davida tamin'io andro io. Hoy ie hoe: Manao akory ro fomba hagnandesako gny fiaran-Dranagnahary atoy amiko?" ¹³ Ka tsy nagnetsiky gny fiara ho agny amin'ny tanan'i Davida Davida, fa nametraky gnan'io teo agnilan'ny tragnon'i Obeda Edoma gny Getita. ¹⁴ La nijano tao amin'ny tokantranon'i Obeda Edoma nandritsa gny telo vola gny fiaran-Dranagnahary. Nohon'io la nitahy gny avorohotany voho zay iaby nanagnany Yaveh.