¹ Cacoena pjia pioma cadaa: ¿Capja ninica apada caacolri pjia irso? ¿Coandalri nanakjoite njaji angele piawatsa ikjaolre? ² Jliaji irroati iino jliaji inaiki manjicaperri; ikerriakjeti iino njaji mawaopiakjeperri. ³ Nocapa coajica matsiaca apada atsia majicadalri, mitsa jliada nacotsa caaco njoa maatsi nanaco njaji lrirsonipe. ⁴ Njaji lrinipe corrin narso cocaca ikitsindatana; njite caaconacawa lrico nanaitja narso maatsi mikjapantsa. Njite corrin pacada apada ikitsindatacaodana. ⁵ Njaji mawitakjaita naiñja lrikinikerre; njetana tsamidalri lrikjoitena. Njaji ikemicape naoma matsinaa narsowao lriyarro jliaji mawaopiakjedalri. ⁶ Jliaji imatsicanati corrin nataoñawa jiipai nakjoite, corrin tsakja njaji jirrapitinaperri namotowa jiipai lrikjoite. ⁷ Mitsa njaji inaiki namoto nacapa jalredaoca nanaitja-carro imatsicanati, cayoji tiyé jirra capisho yenonrse. ⁸ Mitsa njoa, icamitsa noomaca norsowawa Dio; lricaapi ricó nocada pjiomi coanjica njoa. ⁹ Ima jliatsa jliaji inaitjacada lridenjicalre macadalri corri perritsa wataita wanji, lriddenjicalre matsiaperri corripetsa pataita paniwetaca. ¹⁰ Lricadaa oiyao jiwacawa jiijpai naco lripotsietácarro napania nacó. ¹¹ Lrinaitja cayo lrirretá-caerro yenonrse njaji tjewacajleperri; jlirretá-carro nawaopiakje njaji inonaperri iwaopiakje mayami capoa nakitsiñape. ¹² Lrimatsica nawaopiakje njaji iwadacape irsoca aima iwaopiakjeti, wade matsiaca lrirso njaji lrinaitjalri. ¹³ Dio icadaa njewácarro nanaitjanda nacotsa njaji iwadacape irsoca yanjikjeti; kjeya njewacawa namatsicana naco njaji matsiperri iwaopiakje. ¹⁴ Natona naorsipada jalrewe-ricotsa, mayacan cádanacojérri nanjicawa nanji capisho deepi ricó. ¹⁵ Mitsa lriyomjetaca njaji kjenaperri naoya njaji inaiki kjaidaperri iomacape inocana, lriyomjeta njaji canacaiperri irso pjiomi naaco matsidalri ioya njaji inaiki kjaidaperri. ¹⁶ Lriita nanoma njaji kjaidaperri naoya njaji kjenaperri nataitácarro nanaitjaca matsia narso njite nataitácarro nawapaca matsiaperri tsakja. ¹⁷ Jliaji atsia Dio jirrapitetanda lrinaitja capoa maatsi atsia matsiadalricani; niini, mamenatatsa pioyao Jlirrapiteta cádanaco pjia Jliaji Itaita kjeti Iminalri. ¹⁸ Ima Lrinaitja lriyaoniwa njite lritapetani tsakja, Lrinaitja lrirrenao njite Lrimatsietani lricaapi sho. ¹⁹ Lriyomjeta pjia sei matsiperri ioya; ajádalri, jliaji siete matsidalri corriotsa lrinotácarro pjia. ²⁰ Aima cádanaco njerrapita maawitacai Lriyomjetaotsa pjia mayamicalri ioya, njite nanaitja cádanaco oowi corriotsa Lricadácarro nainoca pjia matseta sho. ²¹ Lridawaotsa pjia naoya njaji cacoperri maatsi pinaco; njite corriotsa pifió carroca nakjoete njaji inaitjacape irso maatsi nano cádanaco ikjaolre. ²² Picaa caotsa nakjoete njaji inaitjacape irso maatsi njite mawitacai ikjoete tsakja, corrin tsakjaotsa pifio carroca maficalri kerroaperri ikjoete. ²³ Pirsocaotsa yacoti iapiyawaca naapiya njaji jiipada awacada lricope, njite namaodaca caotsa naofacawa pikjoete njaji maficalri kerroaperri awacada lricoperri. ²⁴ Njite pianjintsa corricaotsa coca inaitja maatsi piipana irso; pia cádanaco picapa pípirra corrin coca canacai niini. ²⁵ Njite pianjintsa matsia caotsa pipania itaoñaca, njite pianjintsa aimacaotsa njaji pidakenai malritsi itaoña capisho jiipai yekjoete naco. ²⁶ Njite mayamicaotsa pjia pekirri nacotsa, cayoji nacayosho njaji paniati itaoñalri njite narso nainaca jlinaana lrico njite mayamica jlinana lrico. ²⁷ Wacapjenina matsia jliaji nocaiterri; icatsa cayoji nocaite capisho; pjimini, njite picapa pirsowaoni pjiwacatsa.