¹ Pawulo omwiru wa Yesu kurisito eyeitebwe okuba omukwenda ne njawuulibwa okusasanya enjiri ya nyamwanga. ² Gye yasubiiriize eire omu banabbi bamwei nomubyawandikibwe ebikiiri. ³ enjiri ekukwata okumwana wamwei eyabyaliomulubyalo olwa Dawuudi omubiri. ⁴ eyalagirweokuba omwana wa nyamwanga omu manni no mwoyo ogwabwikiirino lwakwimboolibwa kwamei omubaffu O' Yesu kurisiito omukama weiswe. ⁵ okwakala om ye tufuniire ekisa no kutumibwa tulete obugondu obwakwikiiriiza olweibara lyamwei omumawanga gonna. ⁶ era nywena muli munibo abayeteibwe okubba aba Yesu kurisito. ⁷ edi bonna abali omu Ruumi abatakiibwa onyamwanga abateteibwe okubba abeikiri ekisa kibbe nanywe nemirembe ebizwa ewa nyamwanga oito weiswe o' Yesu kurisito. ⁸ Okusooka, nkwebalya O' nyamwanga wange olwa Yesu kurisito okulwanywe nywenna ,olwakubba okwikiiriiza kwanywe kubazibweku omu nsi zonna. ⁹ olwakuba onyamwanga niye mujjurwa gwenperezza omwwoyo gwange omunjiiri yamwana, wamwei ntyo buli keire mbabazakku buli lunakku omu saala zange. ¹⁰ nga nkwegayiira bulizzo omu kusaba kwange , onyamwanga nimwo ayendya, ndyoke ntambulibwe kusei okwizza gye muuli. ¹¹ kubba negomba okubabonakku ndyoke mbawe ebisembo ebya mwoyo mulyoke mugume, ¹² olwo swenna twombokwebwe omu manni olwa kwiikiiriiza kweiswe, okwanywe nokwange. ¹³ era abamukaggo nkwendya mumanye nga emiruundi jingi nolowoozanga okwiiza gye muli, naye nenzizibwa okwikya ati, ndyoke mbekku nebibaala byenkufunna omu nywe era nomu mawanga agandi. ¹⁴ Nnina obuvunanyiiziibawa okujjjuna Abayonaani era na banamawnga, abalina amageezi nabbo abasiirusiru. ¹⁵ era nikyo nzzwa nyendya okubabuuliira enjiri nanywe abali omu Ruumi. ¹⁶ kubba enjiri tenkwatisya nsonni kubba niggo manni aga nyamwanga agalokoola buli eikiiriiza ,okusookera oku Muyuudaaya era no Muyoonaani . ¹⁷ kubba omu njiri obwiikiiri obwa nyamwanga buswekulibwa obuzwa omukwiikiiriiza okwikka omu kwikiiriiza nka bukyawandikibwe nti, "Naye omwikiiri yabanga mwomi olwa kwiikiiriiza ¹⁸ olwa kuba nga obusunga obwanyamwanga buswekulwa okuzzwa eiguru oku batatiina nyamwanga bona nobutabba nabwikiiri bwona obwa bantu abaziiza amazima omu batabba nabwiikiiri ¹⁹ kubba ebiyiinza okumanyikka ebya nywamwanga bimayibwa bibonekera kimwei gyebali; kuba onyamwanga yabibalangire. ²⁰ kuba okuzwira oku kutonda ensi ,embeera yamwei etaboneka, nikwo oku koba ouyinza bwamwei obutawaawo no bwanyamwanga bwamwei biboneka nga bisei, nga bitegerebwa omu ebyo bye yatondere, batyo ni babenge nga tebalina kyakuwozza; ²¹ kuba yadde nga onyamwanga bamumeite, naye tebamugulumizanga ye ko nyamwanga nowankubeire okumwebalya wabula nibasengeryanga ebitali omu mpaka zabwe, omutiima gwabwe ogusiirusiiru nga gwizire nzikiiza. ²² Nibeyeta abamagezi ate nga basiiruweire, ²³ nibawanyisa ekitinisya ekya nyamwanga atawaawo okufunna ekifananyi ekya muntu awawo,ne kyabinyonyi ne bisolo ne byekokoto. ²⁴ onyamwanga nikyo abawayo edi eri obugwagwa omu kwegomba okwa mitima gyabwe, okusisanga ekitinisya ekya mibiri gyabwe bonkei na bonkei, ²⁵ kuba amazima ga nyamwanga bageindulamu obubeyegi, nibalamyanga era nibawerezanga ebyatoindeibwe okusinga onyamwanga, yebalibwe emirembe ne mirembe. Amiina. ²⁶ onyamwanga nikyo abwerayo edi okukwatibwa okwansonni; kubba babwe bawanyisa ekikolwa kyaabwe ekya bubyeire nebakifula ekitaali kya bubyeire, ²⁷ era nabaseiza nimwo batyo, bakeka ekikolwa ekya mukali ekya bubyeire, nebakanga omu kwegoomba kwabwe bonkei na bonkei, abaseiza na baseiza nga bakukolangana ebitaseine, era batyo niberetera ekibonerezo ekigwaniire okusiisa kwabwe, ²⁸ era nga nibateikiiriiza okuuba no nyamwanga omu mageezi gabwe, onyamwanga niye abawayo edi omwoyo oguteikiiriiziibwa, olkukolanga ebitaseine. ²⁹ nga beizwirwe obutabba na bwikiiri bwona, obwibbi okwegomba, eitima, nga beizwire obwiya, obwitti, okulwanna, obunyaggi, obukumpanya, abageya, ³⁰ abalyolyoma, abakyawa onyamwanga, aba kyejjo, abamalaala, abeinyumiriza, abayiiya ebigambo ebibbi, abatawuura babyeire babwe, ³¹ abatalina magezi, abaleeka endaganno, abatendyanganna, abatalina kusasira. ³² yadde bameite nga onyamwanga asala omusang, era nti abakola ebyo baseine kuffa, tebabikola mbe, era basima ababikola.