¹ Nikyo olema okubba otasonyiibwa we omuntu kyonna kyoli, nosaara omuntu owondi omusango kubba omukusaara abandi omusango, naawe obba ogwesaliire kubba bo bye bakola nawe nibyo byokola. ² naye tumeite nga ensala eya nyamwanga omu mazima eikira edi abo abakola ebintu kebyo. ³ okuloowooza we omuntu asaaara abakola ebyo omusango okubasinga, nawe nga nibyo byokola okuloowooza nti oliwoona omusango gwalisala? ⁴ oba ekisa ekya nyamwanga okwewumbeka, nokuguminkiiriiza byonyomere? tomeite nga ekiisa kya nyamwanga kiriwo olwa kukukleetera okwenenya? ⁵ naye olwabukakanyali obwa mutima ogutenenya, webikirra obusungu obuliba okulunaku olwa busungu, obwikiiri bwa nyamwanga obakusala omusango kwe buliswekurwa. ⁶ alisasula buli muntu engeri ebikolwa byamwei nebyali. ⁷ abo omu kugumikiiriiza abanyinkira okukoola ebisei bakulubilira okufuna ekitinisya, neitendo, nobutaffa alibasasuia obwomi abutawawo. ⁸ naye abo abalwana nabatogendera mazima, naye abasengeerya obutali bwikiiri onyamwanga alibasuunguuwara, nabakambuwaara. ⁹ walibawo okubonyabonyezebwa, nokulumwa okubuli muntu akola ebibbi, okusokera oku Muyuudaaya, no Muyoonaani ¹⁰ naye ekitinisya neitendo, nemirembe okubuli akola okusei okusokera oku Muyuudaaya, no Muyoonaani. ¹¹ kubba onyamwanga tasosola mu bantu. ¹² kubba bbona abasisaanga awatali mateka era balizikiiranga bakyali kuvunanibwa amateka, ate bbona abalisisaanga balisarwa omusango okusiinziira oku mateka. ¹³ kubba abawuura mbe amateka tenibbo abeikiiriire edi onyamwanga, wabula abo abakola amateka ge byalagiire nibo abaliwebwa obwiikiiri. ¹⁴ kubba abamawanga, abatalina mateka ne bakoora omu kutegera okwabubyale bwabwe ne beikirya ebya mateka abbo nibo babba bafuukire amateeka agabafuga nowankubeire nga tebalina mateka gandi. ¹⁵ balanga nti amateka kye galagira kiwandikirwe omu mitima gyabwe, omwoyo gwabwe gukikaasa kubba ebirowoozo byabwe emirundi ejjimwei bibalumirya omusango, ate emirundi ejjindi bibawolelerya. ¹⁶ Oulunaku olwo okusinziira okunjjiri yange, onyamwanga asaaara omusango ogwa byama ebya bantu okulwa Yesu kurisito. ¹⁷ naye neweyetta o' Muyudaaya, niwesigama okumateka, ni wenyumiriirirya omu nyamwanga , ¹⁸ nomanya onyamwanga byakwendya, nosiima ebikusiinga obusei kubba wegeseibwe omumateka, ¹⁹ era niwabba wekakasaokubba omulungurwa owa beigali bameiso, eisana lyabali mu ndikiirya. ²⁰ Omulangira owa batalina magezi, omwegesya wa banna abankeremba, kubba tulina omumateka ebya magezi ne byamazima, kini kikosa kityei omu bwomi bwamu? ²¹ kale we oyegesya abantu abandi, lwaki we tewegesya weinkei? ²² akoba abandi obutakola bwenzi okola obwenzi? owe akyawa ebifananyi, oiba omwikumbaniiro? ²³ Eyenyimiriirya omu mateka onyoma Onyamwanga nga okumenya amateka? ²⁴ Lubba eibara lyanyamwanga linyomeibwe omu ba mamawanga oku lwanywe, ngeri nikyawandikibwe. ²⁵ nikwabanga okukomelebwa kubagasa, nokwata amateka, naye nobba omusiisi owa mateka, okukomolebwa kwamu kufuuka obutakomolebwa. ²⁶ Kale atali mukomolebwe nakwata ebiragiro ebiri omu mateka, obutakomelebwa tekulyetebwa kukomolebwa? ²⁷ Era atali mukomolebwe omububyalye neikirya amateka, talikusara omusango gwamwe! asobya amateka newankubeire nga alina ebyawandibwe omu mateka nga wakomeleibwe? ²⁸ Kubba O' Muyuudaaya owakwiguru tiniye Muyuudaaya eranokukomolebwa okwa mubiri tiniko kukomolebwa. ²⁹ Naye O Muyuudaaya owa munda niye Muyuudaaya, nokukomolebwa kwamwei okwamu mutima, omu mwoyo, naye tinikwo okwabuwandike atetenderezebwa bantu wabula onyamwanga