¹ Opawulo no Sirwano, no Timoseewo edi ekanisa eya Basessalonika omu Nyamwanga Oito waiswei no Mukama waiswei OYesu Kristo, ² Ekisa kibe jemuli ne mirembe ezizwa edi ONyamwanga Oite waiswei no Mukama waiswei O Yesu Kristo. ³ Okwebalya n'okugumya abakwasasanibwa kitugwanire okwebalya ONyamwanga ennaku zoona kulyanywe, baluganda nkebwe kikusaana kubanga okwiikiriza kwanywe nikukula omuno, nokwendya kwa buli muntu kwalina kweyongera. ⁴ Isweena abenyenere no kwenyumiriza omunywe omukanisa za Nyamwanga. Olwakugumikiriza kwanywe nokwiikiriza kwanywe kwoona, nokubonabona bye mugumira. ⁵ Ako niko kamanyisyo ka nsonga ya Nyamwanga gwasonga leke obukkama bwa Nyamwanga, nokubonabona kwe mwabweyinebwayine. ⁶ Kulwa kubadala kyansonga edi ONyamwanga okubasaula okubonabona abo ababonabonezebwa. ⁷ Era nanywe ababonyabonyezebwa okubasasula okuwumula amwe naiswei, omukuswekuurwa okwa Mukama waiswei Yesu Kristo okuzwa omuyigulu hamwe ne bamalayika bamwe ababuyinza mumuuro ogu gwaaka. ⁸ Aliwalana eiyanga kwaabo abatamaite Nyamwanga nabo abatagondera njiri ya Mukama waiswei Yesu. ⁹ Bakwiiza kubonerezebwa, nokuzikiira okwa mirembe na mirembe no kupekwa okuzwa omumayiso gaiswei ni kitinisya kya maani gaamwei. ¹⁰ Bwaaliiza kulunaku olwo okuweebwa ekitinisya omu bayikiiri baamwei, nokwewunyizibwa mu boona abayikiriza (kulwakuba okutegeeza kwaiswei edi jemuli kwaikiriziibwe) ku lunaku ludi. ¹¹ Nikyo tuzwa tusabira ennaku zoona, ONyamwanga waiswei abasanirye okwetebwa kwaanywe, era aikiriirye kyemukwedya ekya busai na buli mulimu gwe mukola olwa kwikiiriza omu maani gaamwe, ¹² Nimwo rityo eibara lya mukama waiswei Yesu lilyoke liweebwe ekitinisya omu nywe, era nanywe omuye nke ekisa kya Nyamwanga waiswei no Mukama waiswei Yesu Kristo nke bwe kiri.