¹ Atti ekikukwaata okukwiiza okwa Mukama waiswei oYesu Kristo, no lwa kukumbana kwaiswei okumutangarana, tukubegaira abaluganda. ² Obuta negenege amangu omu magezi gaanywe, wade okwerarikirira, wade olwa Omwoyo, wade ebaruwa ekwisana nke ezwiire jetuli, ekiro kya Mukama waiswei kyiikire. ³ Omuntu yeena yeena tababeyeganga omukigambo kyoona kyoona, kulwakuba ekiro ekyo tekyiikiriza wabula nga okwawukana kudi kumare okubaawo, era omuntu odi owa busiisi nga amare okuswekuurwa omwana owakuzikiira. ⁴ Alemesya era eyetumbya okusiinga buli kintu ekyamantiibwe ONyamwange oba okuramibwa, nokwiikara omukanisa ya Nyamwanga, nga akweiranga yenka nti niye Nyamwanga. ⁵ Timukyaizukira, nti ninabbaire nga nkyali jemuli nabakobeire ebyo? ⁶ Era nti ekigugaana mukimanya, alyoke aswekuurwe omupikiro zaamwei. ⁷ Kulwa kuba ati ekyama ekya bujemu wekiri kikukola, wabula kyonkai okukanja ati okwikya lwaliyibwaawo. ⁸ Awo omujemu odi nalyoka naswekuurwa, Omukama waiswei OYesu gwaliita no mwika gwa munwa gwaamwe, era gwali zikiirya nokubonekerwa kwamwei nokwiiza kwamwei. ⁹ Naye okwiiza kwaamwei oyo atwaala amateeka, olwakukola kwa sitani kuliiza na maani goona nobumanisyo ne bikwewunyisya ebya bubeyegi. ¹⁰ Nokubulya kwoona okutali kwa bukiiri edi abo ababula, balyooke balokoke. ¹¹ ONyamwanga nikyo okuzwa okubasindikira okwa maani bayikirize obya bubeyegi. ¹² Boona balyoke basaarwe omusango abatayikiirize amananu naye abasemerwa obutali bwikiiri. ¹³ Naye kitusaanire iswei okweebaryanga ONyamwanga ebiro byoona okulwanye, abaluganda abendebwa Omukama waisei olwakuba ONyamwanga yabalondeire obulokozi okuzwa okulukusooka, omukweruka okwa omwoyo no kwiikiriza amananu. ¹⁴ Kiniya kyakalibwe okwakala omu njiri yaiswei, mulyooke mufune ekitinisya kya Mukama waiswei OYesu Kristo ¹⁵ Aleni abaluganda mwemeerenge, era mugumyenge bye mwawereirwe nemwegesebwa, oba mukigambo oba omu baruwa yaiswei. ¹⁶ Yeni Omukama waiswei O Yesu Kristo omwenyenere, no NYamwanga Oito waiswei eyatwendeire natuwa okusemerwa okutawawo ne suubi erinyakasai omu kisa. ¹⁷ Abasemerya emitima zaanywe azigumywenge omuli kikolwa ne ekigambo ekinyakasai.