¹ Ka yaabere asigereyo ebiro mukaga okwika akuyingurwawo, Yesu yazire Besania, awu Lazaaro, awu yaazokiire omu bafiire, awu yaabeere ari ² oku baamutekera yo eby'okurya bya caciro; Mariza yaayereza, Laazaaro akaba ari omwe abaabere basitamire na Yesu aby'okurya. ³ Mariamu yaakwata eratiri yamazuta ga kawowo akomuwendo mwingi munoga; yaasiiga abigeere bya Yesu, yaabisisiriza yaasiiga isooke ryewe, enzu yoona yaatamirana amazuta. ⁴ Konka Yuda Isikariyota, omwe a beegi beewe, owaabere nagenda ku muryamu orukwe yaagira ati: ⁵ Abw'enci amazuta aga gataguzibwa gakarugamu edenaari makumi bisatu zikagabirwa abooro? ⁶ Taragambire atyo abw'okusasira abooro; kureka akaba ari omusuma, kandi abw'okuba niwe yabere ayagatiire ensawo, akaba atuura naakora abwabere biteebwamu. ⁷ Yesu yaagira ati: mumureke, agabiikire eciro ecokuzikwa kwange. ⁸ Abooro muture naabo obwire bwona, konka nyowe timuriguma nanyowe obwire bwona. ⁹ Abantu bingi omu Buyudaya ka baamanyire ngu ari oku bayizayo atari abw'aYesu wenka, kureka ngu bareebe na Laazaaro owu yaazookeze omu bafire. ¹⁰ Abanyamurwa bakuru baagamba kwiita Laazaro; ¹¹ abw'okuba abw'ewe bengi abayudaaya bakabarugamu, bayikiriza Yesu. ¹² Kabwakireomutwe muwango gw'abantu, abaabere bezire abugenyi, kabawurire ngu Yesu nayiiza Yerusaalemu, ¹³ baatwara amatagi g'encindo, baaza kumubugana, nibesongora bati: Hosana! akwizza omu iziina rya Mukama asiimwe, niiwe Mugabe wa Israeli! ¹⁴ Yesu ka yaarebere omwana gw'endogoya, yaagutembawo, nk'oku cayandikirwe ngu, ¹⁵ Otatiina iwe Sayuuni, reeba Mukama waawe nayiza atembere omwana gw'enndogoya. ¹⁶ Okubanza abeegi beewe tibarasoborokirwe ebyo; konka Yesu ka yaamazire kuyimbisibwa, baabona kwizuka ngu ebyo byoona bikamuwandikibwawo, kandi byamukurwa. ¹⁷ Kandi omutwe gw'abantu abaabere barowo obu yayeeta Laazaaro okuruga omucituuru akamuzoora omu baafiire baabiyamya ¹⁸ N'abw'eco omutwe gw'abantu gwaaza kumubugana, akuba bakaba bawurire ka kozere akamanyiso ako. ¹⁹ Abaafarisayo nkwo kugambirana bati: mureebe ka mutacyiine cyokukora; reeba, ensi yoona yaamukuratira. ²⁰ Kandi omuri abo abezire abagengi kuramya akaba arumu Abagriika. ²¹ Abo beeza ayari Filipo owa Besesaida ey'omuri Galilaaya, baamusaba nibagira bati Taata, nitwenda kureeba Yesu. ²² Filipo yaayiza yaabigambira Anderea. anderea yaayiza na Filipo baabigambira Yesu. ²³ Yesu yaabagarukamu ati: obumaku bw'ayika omwana w'omuntu kuyimbisibwa ²⁴ Mazima mazima nimbagambira nti: akazuma k'engano kab kagwiire omu itaaka, kakafa, kagumawo konka; konka kaafa kaana ebyaana bingi ²⁵ Akunda amagara geewe arigabuza; kandi ogu akwanga amagara geewe omu nsi egi, arigarinda kwica amagara agatawawo. ²⁶ Omuntu weena ka araabe nampereza, ankuratire; kandi ayi ndi, nimuwereza wange niwo ariba; omuntu weena ka mpereza, Taata arimuwa ekitinwa. ²⁷ Mbwenu omutima gwange gwiine obusasi; kandi ngambe ci? ngire nti, Taata nyamba ntayika abunaku obu? nangwa akuba ecinayizire n'nokubwikawo. ²⁸ Taata yimbisa iziina ryaawe omu mwanya ogu iraaka ryayema omwiguru, nirigira riti: Naariyimbisa kandi ndigaruka ndiyimbise ²⁹ Abantu ababere bemerire awo, baariwura, baagira bati: Iguru ryayinda abandi bati:ni mareeka owagamba nawe. ³⁰ Yesu yaagarukamu naagira ati: iraaka eri lyayiza abw'anyu ti abw'ange. ³¹ Ati ensi egi yaacwera omusango, ati omutegeki w'ensi egi nayiza kubingwa. ³² Nanyowe ka ndigwa ansi naayanikwa, ndiriza abantu boona arinyowe ³³ Eco akacigamba koreka okufa oku yaabere nayiza kufa. ³⁴ Abantu baamugarukamu bati: omu biragiro tukawura ngu Kristo agumawo ebiro byoona, kandi noobasa ota kugamba ngu omwana w'omuntu asemerire kuwanikibwa? omwana w'omuntu ogwo n'owa? ³⁵ Yaabagira ati: asiigere omwanya mucye ogu mucyiniremu omusana; mugende muciine omusana, obwiire butakizire omu muwanda, ogenda omumwiirima tamanya waakuza. ³⁶ Obu muri yeeyi nomusana, mwicirize omusana, mubone kuba abaana b'omusana. Yesu ka yamazire kugamba eco, yaarugayo yaabesereka. ³⁷ Konka n;obu araabe yaakozere obumanyiso bwingi omu meeso gaabo, woona nabwo tibakumwikiriza. ³⁸ ngu ecigambo cya nabi Isaaya ciyikirire, eci yaagambire ati: mukama, n'owa ayikirizaa ebigambo byeetu, kandi omukono gwa Mukama gukasukurwa owa? ³⁹ Nico baaremire kwikiriza, akuba Isaaya akagaruka yaagira ati: ⁴⁰ Akabawumya ameeso, yaagangaza emitima yaabo, ngu bareke kureeba n'ameeso n'okwetegereza n'emitima yaabo, n'okuyinduka ngu mbacize. ⁴¹ Isaaya akagamba ecyo akuba akareeba ekitinwa cewe, yaamugambawo. ⁴² Bengi nangwa n'abakuru baamwikiriza; konka abw'okutina Abafalisaayo tibacigamba ngu batabingwa omuri Sinagogi. ⁴³ Abw'okuba bakenda kusiimwa abantu okucira okusiimwa Ruhanga. ⁴⁴ Yesu yaagamba niraka riwango ati: akunyikiriza tiinye owakuba ayikiriize, kureka ogu owaantumire. ⁴⁵ Kandi akundeeba naaba areebere ayantumire. ⁴⁶ Nyowe nyizire omu nsi kuba omusana, ngu omuntu weena akunyikiriza areeke kuguma omumwirima ⁴⁷ Omunttu weena ka wuura ebi nagamba ataabyorobere nyowe tindi mucwera musango; akuba tindayizire kucwera ensi musango kureka okugizuna. ⁴⁸ Okunyanga, akanga n'ebigambo byange, ayine akumucwera omusango; ecigambo eci nagambire, nico ciramucwere omusango aciiro ca kyamweru ⁴⁹ Akuba tindagambire abw'ange; Taata ayantumire niwe yaandagire ecy'okugamba, n'oku ndacigambe. ⁵⁰ Nimmanya ngu eciragiro cyewe n'amagara agatawawo; n'abweco ebi ngamba, mbigamba nk'oku Taata yaabingambira.