¹ Zikyajirye ekibuga ekyo ekijeemu! erate ekisinsikali. ² Tikyagondeire iroboozi lya Kanca,gonze okwikiriza okubuliirwa kwa Mukama.Tikyesiga Mukama,n'okusembeera oKanca waakyo. ³ Abakungu baakyo,mpologoma eziwuluguma akati omu kyo. abalamuli baakyo misege abatalekawo kintu kyoona okwiika emambya. ⁴ Abaranji baakyo bamalala ababeyeji, erate abeswaganira ebyaabwe.Abakabona baakyo basiisire ekifo ekikiiri,tibakwaite mateeka. ⁵ Omukama ali akati omu kyo mwikiiri.Takola kibbi.buli mambya alanga musango gwaamwe! tigulikwekebwa omukitangaala,Baitu abatali baikiriiri tibamaite kuswaala. ⁶ Nsaniryewo ammaanga; amankomyo gaabwe gasigaliirewo.nzikirye enguudo zaabwe, niwatabbaawo akwakalamu.Ebibuga byaabwe bizikiriire,niwatabbaawo muntu aikalamu. ⁷ Ninkoba nti 'mazuma wantiina.Noikiriza okubuliirwa, erate ennyumba zaamu nizitamalibweewo,nka byoona byoona nibiri binatekeretekere oku kukoora.'Baitu nibaimukanga buli mambya nibasiisa obulamu bwaabwe omu bikolwa ⁸ Ale munindiire,nimwo akoba Omukama,okwica olunnaku lwendimukka ninkwaata omuyiigo.Olwakubba mmaliriire okukumbbaania ammanga,ndeete amwe obukama,okubasukaku okunyiiga kwange ,obusungu bwange boona boona,olwakubba omu muuro gwa bwiiya bwange ensi zoona zoona zirisaanawo ⁹ Baitu te ndi longoosa eminwa za bantu,basobole okweeta eibara lya Mukama okumuweereza n'omwooyo gumwei. ¹⁰ Okuzwa emitala wa miiga ja Buwesiyopa,abasinza bange,abantu bange abasansaine,balireeta ebiwebwaayo ebinsanira. ¹¹ Oku lunnaku olwo timulikwatibwa nsoni olwa bikolwa byanywe byoona byoona bimunkoore.Olwakubba omu kiseera ekyo ndiiya omu bo abo abasemeerwa olwa malala gaanywe,erate olwakubba tilibba nakyo te oku lusozi lwange olwikiiri. ¹² Baitu ndireka omu we abantu bebaboniabonia n'abooro,erate balyesiga eibara lya Mukama. ¹³ Ekitunda ekya Israeri ekyafikirewo tikirikola tte bitali bya bwikiriiri n'okusimoola ebya bubeyeji, erate n'olulumi olukuusa tiruliboneka mukanwa kaabwe; olwakubba balirya, erate balibbasya ansi,ndoowo n'omwei ali batiinisya. ¹⁴ yemba we omwaala wa Sayuuni! lekaanira aigguru we oIsraeri.Sanyuka erate osagaruke n'omwooyo gwaamu goona goona we omwaala wa Yerusaalemi. ¹⁵ Omukama atwerewo emisango zaamu; apekere omunanzigu waamu! Omukama niye Mukama wa Israeri akati wanywe.Timulitiina tte bubbi! ¹⁶ Oku lunnaku olwo balikoba oYerusaalemi, "otatiina". oSayuuni "emikono zaamu zireke kwiririira". ¹⁷ Omkama oKanca waamu ali amwe naawe,owa maani okukulokola.Alikusanyukira neisanu; alikusirikiira omu kwendya kwaamwe; alikusanyukira n'okwemba kwaisanu. ¹⁸ Ndikumbaania abo abanakuwaara oku ¹⁹ Bona,natera okubonereza abo abakuboniabonia.omu biro ebyo,ndicungura omulema, ninkumbaania oyo eyagobeibwe.erate ndibafoola baitendo,ndikyuusa okuswaala kwaabwe okubba abamaitiibwe omu nsi zoona zoona. ²⁰ omu biro ebyo,ndibakulembera; omu biro ebyo ndibakumbania amwe.Ndibafoola abatiinibwa erate abaitendo omu mmaanga goona goona aga munsi,nindiirya obubuwe bwanywe nga mukubonia,nimwo akoba Omukam