¹ Mukumbaane, erate mukumbaane nywe eiyanga eritaalina nsoni; ² nka ekiragiro kikyaali kukola erate nka olunnaku lukyaal kwaakala nk'eisasiro,nka ekiruyi kya busungu bwa Mukama kikyaali kubaikaku,nka olunnaku lwa busungu bwa Mukama lukyaali kubaikaku. ³ muswagane omukama,nywe nyweena abawombeeki aba mu nsi,abagondera emisango zaamwe! Muswagane obwikiriiri.Muswagane obwetowaaze, erate baitu mulikweekebwa oku lunnaku lwa busungu bwa Mukama. ⁴ Olwakubba oGaza alirekebwaawo,n'o Asukulooni kirisaanawo.baligoba Asudodi mwiyangwe,no Ekuloni balikumulawo! ⁵ Zibaajirye abo abali okumabbali ga Nnyanja,Ammaanga ga bakeresi!ekigambo kya Mukama kibalumbire, we oKanani ensi ya Bafirusuuti,ndikuzikiirya okwiica nka ndoowo muntu asigairewo. ⁶ Namabbali ga nnyanja galibba galisiryamu, ekifo kya baliisya n'entaama n'embuli. ⁷ Ekitundu ekyaffikirewo ekya nnyumba ya Yuda nikyo kyalisiryanga awo; omu nnyumba za Asukulooni nimwo bagalamiranga akawungeezi.olwakubba Omukama waabwa alibalabiira erate nairya obubuwe bwaabwe. "8 Mpuliire okuzuma kwa Mowaabu n'okuyomba kwa baana ba Amoni kwe bazumire abaana bange n'okuwamba ensalo yaabwe. ⁹ Ale,nka nindi omwoomi nimwo akoba Omukama wa iye,oKanca wa Isiraeri,amazuma oMowaabu alibba nka oSodomu,n'abaana ba Amoni nka oGgomola,ekifo emyenyango n'obwiina bwa munyu, ekya lekebweewo emiijo n'emiijo: abantu bange abasigairewo bali banyaga,erate n'ekitundu kya iyange lwange ekisigairewo,kiribasikira." ¹⁰ Kinu kiribba ku Mowaabu n'o Amoni olw'amalala gaabwe,olwakubba bazumire n'okuyombesya abantu ba Mukama wa iye. Ale balitiina Omukama,olwakubba balizuma aba katonda boona boona aba nsi; Buli muntu alimusinza,buli muntu nka akusinziira omu kifo kyaamwe,ouzwa okumbbalama zoona zoona. ¹² Naanywe Abaesiyopya, muliitibwa n'ekyoogi kyange. ¹³ Erate aligolola omukono gwaamwe oku buzwaisana nazikiirya Obwasuli; nafoola oNineeve okubba ekifo ekyalekeibwewo,ekikalu nka eirungu. ¹⁴ Ale ente n'ebisolo bya mmaanga byagalamiranga omwo, ekiwugulu n'onamunnungu byasulanga aiguru kunkondo zaakyo.Eiroboozi lyaabwe lyayemberanga mu madirisa; okuzikiira kwabbanga ku miryango;olwakubba enjola za mivule ziriboneka. ¹⁵ Kinu nikyo kibuga eky'ekugulumiryanga nka tikitiina,ekyakobanga omu mutima gwaakyo, "ninje ndiwo,erate ndoowo wundi wazira nje." nka kifookere ekya lekeibwewo,ekifo ebisolo webibbasya.Na buli muntu eyakyakalangaku yasoozanga nanyeenya omukono gwaamwe.