¹ oPawulo omukwenda ata bufunire okuzwa omuntu gonze okwakala mubantu, wabula okuzwa eli Yesu Kristo no Kanca oyitaswe, eyamuyimboyine mubafu. ² Naboluganda bonnabonna abali nanje tuwandikira ekanasa ezagalatiya. ³ Ekisa kibenga gyemuli ne mirembe ezizwa eddi Okanca otayiswe, n'Omukama wayiswe Yesu Kristo. ⁴ Eye wayineyo kulwa ebibbi byayiswe, asobole okutwiya mumirembe ginu egiriwo egibbi nga okwendya kwa Kanca era oyituwayiswe bwekuli. ⁵ awebwenga ekitinisya emirembe seregenye. Amiina. ⁶ Newunya kubbanga musenguka mangu mutyo eyabetene mukisa kya Kristo okwaba eddi enjiri eyisana obundi. ⁷ Tijindi okwiyaku abantu ababagadya abendya okuyindula kimwe enjini ya Kristo. ⁸ Naye obanga niswe oba layika azwa mwiguru nabuliranga enjiri jetutababuline akolimiwenga. ⁹ Nkabwetwasokere okusumoola, era tutyo nakiti nkukiramu nti omuntu nabuliranga enjiri eteri nka eyo gyemwayikirize, akoyimilwenge. ¹⁰ Nkolena kusimisya bantu oba Kanca? Oba ngezaku kusemenya bantu? Singa naali nkyali mu kusemerwa bantu, tinandibayire mwiru wa Kristo. ¹¹ Kubba mbategeza, abaluganda nti enjiri jenababidire tiyabantu. ¹² Kubba njena tinagiwebwebwe bantu gonze kusomesse bwa bantu wabula Yesu Kristo niye yaginyolokere. ¹³ Kubba mwawuline nga bwenaali eyirayi mu ddini yakiyudaya nga nayiganyanga ekanisa ya Kanca nga ngezaku okugisanyawo. ¹⁴ Abayudaya bayilange nga ntanyetere nabasolobereku omukukwata empisa eye ddini eyekiyudaya, era nimu kwekalangulanga mumpisa zabaziiza bayiswe. ¹⁵ Naye Okanca na nasiima eyanyawire okuzwa omunda yamange, nanyeta olwakisa camwe. ¹⁶ Naswekura omwana wamwe ndyoke mubulinengaku mumawangai tinebulya kumuntu yeena. ¹⁷ Tina yambukure yerusaalemu eri abo abasokere okubba Abakwenda, naye nayaba mu Buwarabu oluvanyuma nenyina mu Ddamasiko. ¹⁸ Niwayakarewo emyaka eyisatu neninanina eyerusalemu okubona keefa, nimala naye ebiro ekkumi nayitanu. ¹⁹ Naye tinabweyineku kuwondi kumukwenda okwiyaku Yakobo omuganda wamukama waiswe. ²⁰ Kale byempandika tibyabubegi mumayiso ga Kanca. ²¹ Awo nnazwireyo ninyaba mubitundu bya busuuli ne kirukiya. ²² Era ekanisa za Kristo mu Buyudaya baali bakyali kutegera. ²³ Naye netuwurangambe nti, eyatuyiganga eyirayi ati akubuulira okwikiriza kweyagezereku okusanyawo. ²⁴ Nibagulumiza Kanca kulwange.