¹ oKabona ainga obukulu n'asimoola ati ebyo mu mwo biri bityo? ² o Siteefano n'akoba ati abasaiza nnwye muwuure.Okancaow'ekitinisya yabonekeire ozeiza waiswe Ibulaimu nk'ali mesopotamiya nk'akyali kubba n'akalani. ³ N'amukoba ati zwa om nsi yannywe,n'omu kika kyaamu;oyabe omu nsi gye nkwaaba kulanga. ⁴ Awo n'azwa omu nsi ya Abakaludaaya n'abba omu Kalani okuzwa nyuma oyitaamwe nk'amaare okufa,n'amutoolayo n'amuleeta omun nsi enu nnywe gye mwikairemu ati buni; ⁵ Tiyamuwaire butaka muni,gonze awaniininibwa ekigere n'amusuubiza okugimuweerya okugirya ye,neibyaire lyaamwe oluzwanyuma lwaamwe nka akyali nakubba n'omwan. ⁶ Okanca n'akoba ati ngeibyare lyaamwe;balibba bageni omu nsi ya bandi;balifoola abairu;balikoora obubbi emyaka ebikumi binai. ⁷ Neiwanga eribafoola abairu,ninje ndirisara omusango gwaalyo nibwa asimoola Okanca n'oluzwanyuma balizwaayo balisinziza omu kifo kinu. ⁸ Namuweerya endagaano ey'okukomoora :Awo Ibulaimu n'abyaala o Isaaka,n'amukomoora oku lunaku lw'omunanai,n'oIsaaka n'abyaala o Yakobo n'abyaala abazeiza baiswe eikumi n'ababiri. ⁹ Abazeiza abakulu nibakwatiirwe o Yusufu obwiya nibamugulisirye omu misiri.Okanca n'abbanga naye. ¹⁰ N'amucunguranga omu biro byamwe byona n'amuweerya okuganja n'amagezi omu maiso ga Falaawo Omukama wa Misiri n'ennyumba yamwe yona n'amufoola okubba omufuzi wa Misiri n'omunnyumba yamwe yona, ¹¹ n'enzala n'egwa oku nsi yojna ey'emisiri n'eya Kanani ne zingi nebatabone mere abazeiza baiswe. ¹² Baitu o Yakobo niyawulire ati emere enkalu edi Misiri,n'atuma abazeiza baiswe omulundi ogwekereire. ¹³ N'ogwa kabiri o Yusufu baganda bamwe nibamwetegya ekika kya Yusufu nikimanyibwa o Falaawo. ¹⁴ oYusufu nayetesya oitamwe oYakobo,n'abagande baamwe bona,abantu nsanju n'abataanu. ¹⁵ oYakobo naikiriza naserengeta eMisiri,nafeerayo ye n'abazeiza baaiswe. ¹⁶ Nibatwalibwa eSekemu nibaziikibwa omu ntaana,oIbulaimu gye yaguure omuwendo gwa feeza oku baana ba Kamoli. ¹⁷ Baitu omu biro ebyo okusuubiza nka byali ampi okwika;Okanca kwe yayatulire oIbulaimu;abantu nibeyongera muno okwaba omu misiri. ¹⁸ Okwikya Omukama owundi atamaite Yusufu bwen yabairewo omu misiri. ¹⁹ Oyo bwe yasaliire amagezi eiwanga lya iswe,n'akola okubbi abazeiza baiswe nga banagisya yo abaana baabwe abawere baleme okubonabona. ²⁰ Omu biro ebyo o Musa n'abyaalibwa nabba musai n'Okanca nibamukulisya emyezi esatu omunnyumba yaitamwe. ²¹ Bamunagireyo Omwala Falaawo n'amutwala n'amulera nk'omwana waamwe. ²² o Musa nayegesyebwa omu magezi gonan aga Misiri nabba wamaani omu bigambo byaamwe n'omu bikolwa byaamwe. ²³ Baitu obukulu bwaamwe yaali yatera okwikya emyaka amakumi anai,nalowooza omu mutima gwamwe okubona abaganda baamwe,abaana ba Isiraeiri. ²⁴ Niyabweine omuntu akukola okubbi n'a mutaasa,namuwoolera eiwanga odi eyali akukola okubbi n'akubba omu misiri namwita. ²⁵ N'alowooza ati abaandi baiza kutegera Okanca nka akwaaba okubaweerya obucunguri omu mikono gyamwe baitu tibetegyerye. ²⁶ Ate olunaku olundi nayagya abantu babiri abandi nka bakulwana nagezyaku okubatabaganya nka aku bakoba ati basaiza nnywe muli baluganda;kiki ekikubakotesya okubbi nnywenkai na nnywenkai. ²⁷ Baitu odi yali akukola omwiramwe okubbi n'amusindiika edi nk'akukoba ondeke we,naani eyakufoire omukulu era omulamuzi waiswe? ²⁸ Okutaka kunyiita nje nka bwe waitire omu misiri eizo. ²⁹ oMusa nairuka olw'ekigambo ekyo;n'abba mugeni omu nsi ya Midiyaani gyeyabyaalire abaana babiri aba bwoojo. ³⁰ Awo emyaka amakumim anai nigyaikire,oMalayika wa mukama namubonekera omu nimi z'omuro nk'agukwaka omukisaka niyaali omwirungu oku lusozi Sinai ³¹ oMusa niyabweine,niyewuunya muno kya bweine bwe yasembereire okwetegereza,niwabbaawo eddoboozi lya Mukama ati. ³² Ninje Okanca wa bazeiza baanywe,Okanca wa Iburaimu,n'owa Isaaka era te owa Yakobo,oMusa n'akankana,so tiyagumire kukoleera. ³³ Omukama n'amukoba ati sindabura otoolemu enkaito eziri omu bigere byaamu;olw'okubba ekifo anu woimereire watukuvu. ³⁴ Okubona mbweine okukolebwa okubbi okw'abantu bange abali omu Misiri,Nimpuura okukunga kwaabwe,ninyika okubatamba ati buni oize n'akutuma eMisiri. ³⁵ Oyo o Musa gwe bagaine nkubakoba ati nani eyakufookoire omukulu era te omulamuzi omu miko gwa malaika eya mubonekeire omu kisaka. ³⁶ Oyo n'abatoolaayo,niyamaare okukola amagero n'obumanyiisyo omu misiri,n'omu nnyanja egimyuuki n'omu irungu emyaka amakumin anai. ³⁷ Oye niye Musa odi,eyakobere abaana ba Isiraeiri ati Okanca alibaleetera o Mulangi alizwa omu baganda baanywe nka nje,oyo muliwuura. ³⁸ o Musa yabbaire omu irungu nka bakumabaine yaali omwe n'omalaika eya mububonekeire oku lusozi Sayuni era te nasimoola baitu ammweati bazeiza baiswe era te yaweewe ebigambo bya bwomi abiweerye iswe. ³⁹ Abazeiza baiswe gwe batatakire okuwuura nibamusindika edi,nibairayo eMisiri omu mitima gyaabwe. ⁴⁰ Nibakoba Aaloni ati Tukoore aba Kanca abatukulembeera nka oMusa eya tutoire omu nsi ya misiri;titumaite kyebbaire. ⁴¹ Nibakola onyana omu naku zidi:ekifananyi ni bakireetera essadaaka,nibasunyikira muno emirumo gya gy'emikono gyaabwe. ⁴² Baitu Okancca n'akyuka nabawaayo baramye eigye lya iguru eisana ,okwezi n'emmunyenye nka nibyawandiikibwe omu kitabo kya balangi ati mwemperyanga eggye erisobola ebyaitibwa nka n'essadaaaka?Emyaka amaukmi anai omu irungu nnywe ennyumba ya isiraeiri? ⁴³ Nimwimula eweema ya moloki n'emunyenye ya Kanca o Lefaru ebifananyi bye mwakoore okubisiriza nka njena ndibatawala eizuli wa Babilooni; ⁴⁴ Neweema ya bujjurwa yaali na bazeiza baiswe omu irungu nka bwe yalagiire eyakobere o Musa okugikola omu ngeri gyeyabweine bwe yaali. ⁴⁵ Abazeiza baiswe mbawagiweereibwe nibagireeta ammwe n'o Yoswa mabaliire amatwale ga mawanga Okancagen yapekanga omu maiso ga bazeiza baiswe okwikya omu naku zza Daudi. ⁴⁶ Eyasiimire omum maiso ga Kanca,nata okuswaganira we yaikalisya o Kanca wa Yakobo. ⁴⁷ Baitu o Sulumaani niye yayambokeire ennyumba. ⁴⁸ Baitu,oyo ali wa iguru muno,taikala mu nnyumba ezakoleebwe emikono nk'omulangi akukoba ati ⁴⁹ Eiguru niyo ntebe yange;n'ensi niko katebe ka bigere byange.Nnyumba ki,gye muliyombokera? nimwo asimoolan Omukama oba mu kifo mwe ndiwumuura. ⁵⁰ Omukono gwange tinigwo gwabikoore ebyo byonna. ⁵¹ Nnywe abaali n'amakoti agakanyiire oba takomoire omu mitima n'omu matwi,ninywe wakaniirwe omwoyo omutukuvu nka abazeiza banywe njeena mutyo. ⁵² Mulangi ki,atayayiganyizibwe bazeiza bannywe? abaitanga abantu abakereire okusimoola n'okubuulira ekigambo ky'okwizzam"Omutukuvu" gwe mumaare ouwaayo okumwita. ⁵³ Amateeka ge mwafunire nka bwe galagirwe oba malaika era timwagakwaite" ⁵⁴ Abakulu b'olukiiko bona n'ebigambo ebyo byona nibabaluma muno,omu mitima gyaabwe nibanena obugigi n'amaino nibasunguwala. ⁵⁵ Baitu oSiteefano niyazwiire omwoyo akweera niyeekereire amaiso omwiguru n'abona nka ekitibwa kya Kanca n'oYesu ayemereire oku mukono gwa ddyo ogwa Kanca. ⁵⁶ N'abakoba ati bona mbonere eiguru nka lyeswekwiire era te omwana ow'omuntu ayemereire oku mukono gwa ddyo ogwa Kanca. ⁵⁷ Awo bona bona nibaleekanira aiguru n'eidoboozi erikoto muno!nibaiziba amatwi gaabwe niba mwesukaku n'omwoyo gumwei. ⁵⁸ Nibamusiindikirirya enzai wa Kibuga ni bamukubba amabbale;abajurwa ni bata engooye zaabwe okubigere by'amwoojo eibara lyammwe Saulo. ⁵⁹ Nibakubba o Siteefano niyasabire ati Mukama wange Yeesu,otoole omwoyo gwange. ⁶⁰ Nafukamira n'asaba n'eidoboozi likooto muno n'akoba ati Mukama;bani tobabara kibbi kini.Niyamaare okusimoola ebigambo ebyo n'abasya.