¹ Awo omu biro ebyo abegesya,beyongeire obwingi niwabbawo okwemulugunya omu bakerenisit,abe Bbulaniya olw'okubba abanamwandu baabwe;babafisisyanga nk'okuweereza okwabwe bwekwali. ² Eikumi n'ababiri,nibeta ekibbura kyona ekya abegesya ni babakoba ati"Tikiwooma iswe okwekanga kigambo kya Kanca nituweerezanga oku meeza. ³ Aale ni abooluganda;mulonde abantu omu nnywe abasiimibwe musanju,abaizwire omwoyo akwera n'amagezi omubo twata oku mulimo ogwo. ⁴ Baitu Iswe twanyiikiranga okuramya n'okuweereza ekigambo kyam Kanca. ⁵ Ekigambo ekyo nikisiimibwe baingi,omu kibbura nibalonda o Siteefano,omuntu eyaizwire okwikiriza n'omwoyo akwera n'o Firipo n'o Putokoola,n'oNikanooli n'oTimoni,Pammena n'oNikolaawo omukyufu ow'Antiyokia, ⁶ Nibata omu maiso g'abakwenda; nibasaba babataaku emikono. ⁷ Ekigambo kya Katonda nibuna;omwenda ogwa abegesya omu Yerusaalemi nigweyongeraku muno;ekibbura ekikoto ekya bakabona nibagondera okwikiriza. ⁸ oSiteefano bwe yaizwiire ekisai n'amaani;nakolanga eby'amagero n'obumanyiiso obukooto omu bantu. ⁹ Baitu niwaimuka abantu abantu abandi aba ikumbaaniro erya abalibetina,n'erya abakuleene,n'erya abalikizandiriya n'era abakirukiya n'erya abasiya nibamuwakanya n'amaani. ¹⁰ Tibasoboeire magezi n'omwoyo o Siteefano bye yasimoolanga. ¹¹ Awo nibaweeryanga abantu empeera bakobe oyo twamuwulire nk'asimoola ebigambo ebizuma oMusa n'Okanca ¹² Awo nibabakoba okumbanya abantu abakaire n'abawandiiki,nibaiza gyali nibamukwata nibabatwala omu lukiiko. ¹³ Nibemeerya abajurwa ab'obulima babakobere ati omuntu oyo lukooko taleka kusimoola bigambo bibbi oku kifo kini ekitukuvu ky'amateeka. ¹⁴ Olw'okubba timuwulire nk'abakoba ati o Yesu omunazaleesi oyo alizikiriza ekifo kini,ali wanyisya empiisa ezataweibwe o Musa. ¹⁵ Bamwekalirye amaiso,bona abaali abaikaire omu lukiiko nibamubona nka amaiso gaamwe ga kwisana aga malayika.