¹ Awo oFesito nayaikire omusaaza linu, nga wakakalwo einaku issatu zonkai, nazwa e Kayisaliya ayambukeku e Yelusaremi. ² Abakabona abakulu n'Abakunku aba Bayudaaya niba mwaniriza nakumukobera oPawulo nibyeyalopeibwe nibamwagaira muno. ³ Nga bakutaka abakoole kusai okuye. Amutumire okwiiza omu Yerusalemi; bamwetegere omu nzira bamwiite. ⁴ Naye oFesito nabayiramu nti,oPawulo akumirwa omu Kayisaliya, naye nangye okenyini, natera okuzwayo okwaba. ⁵ "Kale abakulu munywe berondemu baabe naangye bamujunane oyo, obanga aliku ekibbi kyonakyona. ⁶ Bweyamareyo ewabwe enaku ezitakusingawo munanai oba eikumi; naserengeta e Kayisaliya; okulunaku olw'akabiri nayikala okuntebe esarwaku emisango, nalagira okureta oPawulo. ⁷ Niyayikire Abayudaaya abazwa e Yelusaremi nebeemera okumwetolola nga baleeta ebimujunanibwa binji ate ebizibu byebatasobola okumulumiriza. ⁸ oPawulo nawoza nti, "tinsisia ngaku omumateeka agAbayudaaya, gonze okuyekalu, gonze edi oKayisali". ⁹ aye oFesito niyatakire Abayudaaya nibamusiime, nayiramu oPawulo," okutaka okwaba e Yerusaremi osarwa eyo omusango ogw'ebigambo bunu omumaiso gange?" ¹⁰ Naye oPawulo nagamba yemereirwe mpani awli enteebe esaarwaku emisango eya Kayisali niwo ngwanirwe okusarwa omusango. Tinsisia ngaku kintu edi Abayudaaya, era nga wena wokitegera kusai. ¹¹ Kale obanga waliwo ensoga gyena sisire oba gyenakoole ekigambo ekinsanirye okuyitibwa, tingaana kufa: Naye obanga banu ebigambo bye bakunjunania nga tibiriwo, gonze ekimwe. Ndowo muntu ayinza okumpayo mwabo, Njulire oKayisali" ¹² oFesito bweyamaare okutesa nabo omulukiiko, nasobolokumwiramu" ojulire Kayisali, olyaba wa Kayisali" ¹³ Awo niwayakayire enaku; Agulipa omwami n'o Berenike mbayika eKayisariya nebalaca oFesito. ¹⁴ Nibamareyo enaku zinji oFesito nakobera omukama ebigambo bya oPawulo, n'akoba nti wanu waliwo omuntu oFilikisi gweyarekere " Yarekera omuyikomera nga musibe. ¹⁵ Bwe nali omu Yerusalemi abakabona abakulu n'abakayire ba Bayudaaya nibankobera ebigambo bya mwe nga bataka okumusara omusango. ¹⁶ Ngye nimbayiramu nti, eyo timpisa y'Abaruumi okuwayo omuntu nga abamujunana bakyali okubbawo mumaiso gamwe eranga acaali nakuwebwa eibbanga eryokuwozia byebakumujunana. ¹⁷ Awo mbakumbaanire wanu, tinalwirewo gonze nakadooli. Naye okulunaku olw'akabiri, ninyakala okunteebe esarwako emisango, amangu ago, nindagira okuleeta omusaiza oyo. ¹⁸ Mbayemereire okumujunana, nebataleetayo gonze ensonga nga nsonga yakigambo ekimwe kiti, ekibbi,nga bwenaali ndowoza. ¹⁹ Naye balina okuye, ebye nkayana omu iddini yabwe n'ebyomuntu gwe beeta oYesu eyafire! Naye oPawulo gweyasimoireku nti acaali mwomi. ²⁰ Ngyena bwenabulwe engeri gyenakebera nintekanya ensonga ezo nimubulya obanga akutaka okwaba eYerusalemi oku sarwayo omusango gunu. ²¹ naye oPawulo bwe yajulire n'okusarwa omusango edi Agusito; nindagira okumumira okwiica bwendi muwereza ewa Kayisari. ²² Agulipa n'akoba oFesito nti nandi takire ngyena mbeewo okuwuura oku muntu oyo! Namukoba nti emambya wamuwuura. ²³ Awo kulunaku olw'akabiri Agulipa no' Berenike nibayiza ne kitinisia ekikkoto era bwebayingire omukifo awawuurwa emisango, wamwe n'abami n'abakungu abamukibuga oFesito nalagira oPawulo aletebwe. ²⁴ na abakulu abali wano naiswe mu muboyine; ekibiina kyonakyona eca Bayudaaya niye gwe banegayirire omu yerusalemi era nawanu ngabasimoora waiguru nti tekimugwanire nate okubba mwomi! Nindudumula n'ocuucu. ²⁵ Niye ngye nitegera nga tiyakoole kikolobero kyonakyona ekibbi ekisanire okumwiitsia; naye olw'okubba nga yena yajulire Agusito ngyena ninsarawo okumusindika eyo. ²⁶ Ti ndina kigambo kuye gonze nakaddooli ecaamazimace nawandiikira omukama wange nikyo nzwire nimuleeta wemuli, era okusinga woli, wwe omukama Agulipa, nitwamara okukemenkereza ngyena mbeku nekigambo ce nawndiikira omukama wange. ²⁷ Kubbanga kibba cabusirusiru oku wererya omusibe nga taliku baluwa ey'ensonga ezimukwataku.