¹ Awo abantu nibazwa eBuyudaaya nibebegesya aboluganda ati bwe mutakomolebwe nk'empisa ya Musa bweri ,timutyinza kucungura. ² Bwe waloowo empaka zingi n'okwawukana okw'endowooza akati wa Pawulo n'oBalunabba oku lubaju olumwe;n'abo abazwiire eBuyudaaya nibalagira oPawulo n'oBalunabba n'abandi oku abo okwaaba Yerusaalemi edi Abakwenda n'abakaire olw'empaka zinu. ³ Awo bwe bamaare okusibirirwa entanda ab'ekanisa,nibaakola omu Foyiniiki n'eSamaliya,nka bakwaaba banyoyola muno okukyuka kw'abamawanga ne basabanyusiza kimwe aboluganda bona. ⁴ Bo nibayikire eYerusaalemi edi Abakwenda ,ab'eiramyo n'Abakwenda nibabasemberyayo,nibabuulira byona Okanca bye yakoloire amwe nabo ⁵ Baitu nibagolokoka abamwe ab'omu kitundu ky'Abafaalisayo abaikiriza nka bakoba ati kigwana okubakomolanga n'okubalagira bakwetenga amateekan ga Musa. ⁶ Abakwenda n'abakaire nibakumbaana okwetegereza ekigambo ekyo. ⁷ Bwe waloowo okwawukana okwendoowoza okwingi,oPetero nayemeeran'abakoba ati abasaiza aboluganda nnwye mumaite ati okuzwa omu naku ezaira,Okanca yalondere omu nnywe abamawanga bawuure omu kanwa kange ekigambo ky'enjiri nibaiyikiriza. ⁸ N'Okanca,amaite emitima nabategeizerye nka bwe yabawaire omwoyo omwikiriri nka iswe. ⁹ Natayawula iswe,nabo niyalongooserye emitima gyaabwe olw'okwikiriza. ¹⁰ Aale ati buni,mukukemera ki Okanca okuta ekikoligo ekyo omu makooti g'Abegesya abazeiza baiswe ekyabalemere okutwala gonze iswe? ¹¹ Baitu twikiriza okucungura lwa kisa kya Mukama waiswe oYesu;era bona numwo baali. ¹² Ekibbura kyona nikisirika;nibawuulirya oBalunabba n'oPawulo nka banyonyola obumanyiisyo n'eby'amagero byona Okanca bye yabakozesyanaga omu mawanga ¹³ Ekibbura kyona nikisirika;nibawuulirya oBalunabba n'oPawulo nka banyonyola obumanyiisyo n'eby'amagero byona Okanca bye yabakozesyanaga omu mawanga 13.Abo nibamaare okusirika,oYakobo nairamu nakoba ati abasaiza aboluganda mumpulirye. ¹⁴ oSimooni yannyonyoire Okanca nka bwe yasokere okulolerera amawanga okutoramu eibara lyaamwe abantu. ¹⁵ Ebigambo bya Mulangi,bitabagana kusai n'ebyo nka bwe kyawandiikirwe ati ¹⁶ Oluzwanyuma lw'ebyo,ndikyuka,ndiraamu nyomboka eweema ya Dawudi eyagwire okuwendeka kwaayo ndiiramu ninkwomboka era te ndiimukya! ¹⁷ Abantu basigairewo baswagane Omukama !n'amawanga gona abayeteibwe eibara lyange abo. ¹⁸ Numwo osimoola Omukama ategeeza ebyo byona okuzwa oku olubereberye olw'ensi. ¹⁹ Nikyo nzwiire ninsalaawo,tuleme okugadyagadya abairaiswe abazwa omumawanga okukyuukira Okanca. ²⁰ Baitu tubawandiikire,bewalanga obugwagwa bw'ebifanayi n'obwenzi n'ebizindirirwe n'omusaayi. ²¹ Olw'okubba okuzwa eirai Omusa alina,omu buli kibuga,abantu ababuulira era n'asomerwaku buli saabiti. ²² Awo Abakwenda,n'abakaire ammwe n'eiramyo nibakusiima ,nibalonda abantu omu bo n'okubatuma omu Antiyokiya n'oPawulo n'oBalunabba n'oYuda ayeteebwa oBalunabba n'oSiira abantu abakulu omu baluganda. ²³ Nibawandiika ebbaluwa nibagikwasa omu mikono gyaabwe ati bawandiikire ati Abakwenda,Abaluganda n'abakaire tubalamukirye abaali mu Antiyokiya n'eBusuuli n'eKirukiya abaali omu mawanga. ²⁴ Olw'okubba tuwuliire abantu abazwiire enu ewaiswe baabasasemairye ati abantu n'ebigambo nka abakukyusa ememe zaanywe be titulagirangaku. ²⁵ Tusiimire tutabagaine n'omwoyo gumwe okulonda abantu okubatuma gye muli;amwe n'abagaalwa baiswe oBalunabba n'oPaulo. ²⁶ Abantu abisingirewo obwomi bwaabwe bwoore olw'eibara lya Mukama waiswe oYesu Kristo. ²⁷ Nikyo tuzwiire nitutuma oYuda n'oSiira era te oba alibakobera obumwe abanyenere n'akanwa. ²⁸ Olw'okubba omwoyo omwikiriri yasiimire iswena tuleme kubatiika omugugu omukooto gwoona wabula binu ebikalu ebigwana. ²⁹ Okwewalanga okulyanga ebiweebwayo edi ebifananyi n'omusaayi n'ebisolo ebizindirirwe n'obwenzi bwe mwekuumenga ebyo,mwabbanga mukoore kusai mweraba! ³⁰ Awo nibamaare okusindiikibwa nibaiza omu Antiyokiya nibabakumbaanya ekibbura eky'abantu;nibabakwasa ebbaluwa. ³¹ Nibagisomere,bona nisanguka muno olw'okubuulirwa okwo. ³² oYuda n'oSiiras,olw'okubba bona baali Balangi,nibakobera aboluganda omu bigambo bingi nibabagumya. ³³ Bwe bamaare ebiro,nibasiibulwa aboluganda n'emigyo okwiraayo edi ababatumiire. ³⁴ Baitu oSiira yasiimire okusigalaayo. ³⁵ Baitu oPawulo n'oBalunabba nibalwaayo muno omu Antiyokiya; nka bakwegesya era te bakubuulira ekigambo kya Mukama waiswe era te amwe n'abandi. ³⁶ Ebiro nka byakairewo,oPawulo nakoba oBalunabba ati kale twireyo tulambule aboluganda omu bulin kibuga gye twabuulire ekigambo kya Mukama waiswe,tubona nka bwe baali. ³⁷ oBalunabba n'ataka okutwala oYokaana,eibara lyaamwe ery'akabiri makko, ³⁸ Baitu oPawulo tiyasiimire kumutwala:oyo omuntu eyabalekere omu Panfulluya nabo oku mulimu. ³⁹ Niwabbawo empaka zingi,n'okwawukana,niwabawukana,oBalunabba n'atwala oMakko nawanika amalanga okwaaba eKupulo. ⁴⁰ Baitu oPawulo n'alonda oSiirasi,nazwaayo Aboluganda nibaamusigiira ekisai kya Mukama waiswe. ⁴¹ Nayakala omu Busuuli n'omu Kerukiya nk'akugumya eiramyo.