¹ oPawulo, ontumwa wa Kristo Yesu olwakwendya kwa Kanca, no Timeseewo olwaluganda eri ekanisa ya Kanca eri omu Kkolinso, amwei nabaikiriri bona abali omu akaya yonayona. ² Ekisa kibbenga naanywe ne mirembe ebizwa ewa Kanca oiteiswe no Mukama waiswe Oyesu Kristo. oPawulo akwangiriza okanca ³ Yebalibwe Okanca era oitaamwe wa Mukama weiswe Yesu Kristo, oiteiswe owakusasira era Okanca owa kusemeera kwoona. ⁴ Atusemeerya mubuli ekyibonya kyaiswe, iswei tusobole okusagambya abali omukubonabona, nokuyindura iswei kwetusanyusibwa Okanca. ⁵ Olwakubba nitugabana muna ebibonyobonyo bya Kristo, era tutyo omu Kristo nimwo tugabanira amassanyu. ⁶ Nitubonabona, tubonabona olwa kusanyusibwa no kulokoka kwanywe, era nitusanyusibwa tusanyusibwa no kusanyusibwa kwanywe, okuleeta okuguminkiriza ebibonyobonyo ebyo naiswe bye tubonabonyezebwa. ⁷ Okusubira kwaiswe kwetulina kwa maani gye muli, kubba tumaite nti nka nimu gabana okubibonyobonyo byaiswe, era mutyo mugabane okusagaruka kweiswe. ⁸ Olwakubba nywe abaluganda, titwendya mugaane okwetejja, okubonyabonya okwatwikireku omu Asiya, nitwazitowereirwe omuno okusinga amaanyi gaiswe, era nitusubira lwakubba boomi. ⁹ Iswe lwaki twawuranga bebasilire ogwakuffa, eky kyaluwo tuleke okwesiga amaani gaiswe, wabula twesige Okanca ayimbookya abaffu. ¹⁰ Okanca eyatuwonerye okuffa okukooto okwenkana awo, akwiza kutuwonnha, era oyo nigwo tulinamu okusubira okwakutuwonyha. ¹¹ Nywena mutujjune omu kusaba, batyo baingi bebalye Okanca ku lweiswe, olwemikisa gyetufunire olwo kusaba kwa baingi. opawulo akukyusa omuntekateka yaamwe ¹² Olwakubba okwenyumiriza kwaiswe nikwo kuni omwooyo waiswe atukakasa nti omunsi muni, nokusingira kimwe omu nywe tubaire tweyakalya mu bwikiriri no mumazima ga Kanca. ¹³ Lwakubba titubawandikira bindi, wabula ebyo byemusobola okusoma no kwetejja era nkusubira nga mulibyetejrrya kyarumwe. ¹⁴ Era nka nimutegeire ekitundu musobola okwenyumiriza mwiswe, nka naiswe nitulyeyumiriza omu nnywe okukiro kya Mukama waiswe Oyesu. ¹⁵ Olwakubba nga naali nkwekasa omwekyo, natkire muno okusooka okwiza gyemuli musobole okuwebwa omukisa gwamirundi ibiri. ¹⁶ Natakire mbachaare nga nkwaaba emedoni, era nnyire gyemuli nga nkuzwa emekedoni musobole okunsibiira nga nkwaaba ebuyudaaya. ¹⁷ Ninaali nkwrndya okkola ekyo nalagainye? Oba byenteesa mbiteesa mbiteesa nka omuntu owakunsi, okukoba nti niwo awo, niwo awo , oba nti tiniwo awo tiniwo awo? ¹⁸ Nka Okanca nali eyesigika, ekigambo kyaiswe gyemuli kiri we woawo wabula tikiri nti tiwewaawo. ¹⁹ Lwakubba omwana wa Kanca, Oyesu Kristo, iswe gwetwabakobeire, onje nosirwano no Timoseewo, tiyaali nti niwo awo oba mti tiniwo awo naye omuye buliizo mulumu niwo awo. ²⁰ Olwakubba omubyona Okanca byeyasubiize omwo nimwo muli niwo awo, era oyo nikyo azwa aleeta Amiina, Okanca atenderezebwe okulweiswe. ²¹ Atugumya iswe na nnywe omu Kristo era eyatusukire ku amafuta niye Okanca. ²² Eyatuteireku akabonero, natuwa omutango gwamyoyo omwikiriri omu myoyo jaiswe. ²³ Nje nkweeta Okanca okubba omujulirwa owa mwooyo gwange era nikyo nazwire ntaiyiza omu kkolinso, lwakubba nabasasiira. ²⁴ Tilwakubba nti tufuga okwikiriza kwaanywe naye tuli bakozi.