¹ Newunja nga omwaana wekoondi nikekula omukhuuru kusookha khu mikhuuru musaanfu. Khandi nawulira sirala khu bironge bine nisiwoola mukono khongo nga enkhubba siiti, “Yicha!” ² Nawona, emutwe wange aliwo ensukhiri ndafu! Omwirusi wayo kali adiye oluyiingo, ne kayeresewa engule, khandi kerusya natula ng’okhira ocha okhukhira. ³ Omwaana wekoondi ni kekulawo omukhuru kw’okhubiri, nawulira esilonge silamu esy’okhubiri nisiwoola siiti, “Yicha!” ⁴ Olwo ensukhiri yindi ey’okhubiri enjalaba yatula eyifwana mabanga. Omwirusi wayo kaweresewa amaani okhuyiyira emirembe okhutula khu syalo khandi n’okhukhola abaatu okhwitana abeene na’beene. Yee kayereswa okukhande okw’owoki embaande chombi. ⁵ Omwaana wekoondi ni khekula omukhuuru kw’okhudatu, nawulira esiloonge silamu esy’okhudatu nisiwoola siiti, “Yicha!” Newunja, khandi eyo mu moni change yaliyo ensukhiri mali! Omwirusi wayo kali adiye eratiri chibiri mu mukhono kwaye. ⁶ Khandi nawulira esyafuka nge’kono ery’esilonge sy’okhune nisiwoola siiti, “Sirala syo’khune esye’kilo eye ηηano khu lw’omusaara kwo’ludaalo, nende ekilo chidatu echamabere khu lw’omusaara kw’oludaalo, khandi otanyaasa amafuta nende amalwa!” ⁷ Ne omwaana wekoondi ni khekula omukhuru kw’okhune, nawulira ekono ly’esilonge sy’okhune nisiwoola siiti, “Yicha!” ⁸ Newunja, khandi awo mu moni change aliwo ensukhiri eyasiwuukha! Omwirusi wayo ngalangiwa ati okhufwa, amakombe nga kamulondakho na awambi emukongo waye. Baweresewa amaani okhukhulira sirala sy’okhune esy’esyalo okhwitta nibikhosesa okukhande, enjala, ne’ndwaye, nende ekisolo ch’omwinyasi khu syalo. ⁹ Nikekula omukhuru kw’okhutaanu, nawona assi w’olutaari emyoyo echabo abali nibakhengewa olw’emboosi ya Weere nende owujjulisi wubali bomisise. ¹⁰ Balanga mu kono ly’amukulu, baati, “Siriyira mbaka si, omwami w’owunyala, omwolerefu, khandi owa masima, lw’olyolera okhukhengera abaatu b’okhusyalo wabawoneresa olwa’mabanga?” ¹¹ Khandi nawuli otula khubo kaweresewa eganjuula elafu, khandi bawolerwa okhulindakhokho wutono, okhwola enamba njichufu eya bakhosi basyawe, abali abokwitiwa wusa nga lubali bakholirwe. ¹² Newunja nga lukekula omukhuru kwo’mukaaga. Aliwo okhutenga khwamakana okhwe’syalo. Omubasu kwachuukha kwaba siirema nga enguwo yekuniya eyakholewa muwoya we’mbusi, omwesi kwoosi kwakalukhana kwaba mabanga, ¹³ nende eηiniηini khukulu chakwa khu syalo, ng’emituli mibisi luchikwa nichitula khu musaala mutuli nikudenganisiwa no muyaka kufuuwa n’amaani. ¹⁴ Ekulu lyakhamyukhawo ngo’lupapula, lyafumbiwa, nende wuli ngulu ne’bisiinga byatusiwawo mu sifwo syabyo. ¹⁵ Manu abene’ngo bo’khusyalo, abasyaani ba bene’ngo, nende abakali mu maye, abayiinda, abamakana, nende nawuli muwambe no’mulekhule bekisa mu nηungu nende mu makina ko’khungulu. ¹⁶ Balaanga engulu namakina nibawoola baati, “Mutukwekho mutukise mu moni cho’yo owikhala khu sisala syo’wene’ngo nende khuttima lyo'mwaana wekoondi! ¹⁷ Khuba oludaalo lwamakana olwe’tima lyawe lwolire, khandi nanu onyala ka ligumira?”