¹ Khandi nawona malayika nikekha natula mukulu, naali no’lusumuluso lw’erina litakama mu mukhono kwaye nadiye okujjegere okukhongo. ² Kecha kadiira okuyokha, okuyokha kula okwakhale, omusuku, oba setani, kamuwowa okhumala emyaka elifu ndala. ³ Kamusukuna mulina eritakama, khandi kamwikalirawo khandi kakhoma nikomisira erala, olwo- khumulindirayo kho akhaye okhubachanga khandi ebyaalo ata okhumala emyaka elifu lu chakhawe. Sino nisiweye, atekwa okhulekhuliwa khu bikha bitono. ⁴ Nawona ebisaala byo’wutuki khu abo abaweresewa owunyala okhuba abalamusi. Khandi nawona emyoyo chaabo abali nibakhengewakho emitwe khu lwo wujjulisi wawe khu Yesu khandi khu lwe’mboosi ya Weere. Sibali nibenamiye okusolo oba esifwananyi syakwo khandi sibali bateywekho akhawonero khu weeni wawe atta no’khumakhono kawe. Basyukhisiwa bafuka nende Kurisito emyaka elifu. ⁵ (Abadoηηa sibasyukhira baba no’wulamu okhwola emyaka elifu ndala lu chawa.) Khuno nje okhusyukhira khusokha. ⁶ Bali nenkhabi khandi bolerefu abo abali mu khusyukhira khusokha. Okhufwa khw’okhubiri khuwuma amaani khwabo, ne becha okhuba bakhawona ba Weere khandi aba Kurisito khandi balifuka naye okhumala emyaka elifu. Engisa Ya Setani. ⁷ Emyaka elifu ndala nichakhawa, setani alilekhuliwa okhutula mu jjera yaye ⁸ khandi alitula kacha okhubacha ebyalo mu mbaande choosi chine ech’esyalo__ Gogo nende Magogo__ okhubawusa mukhulwana. Mu wungi wawe bali ngo’musenye okuli khu ntulo w’ebikobero. ⁹ Bakenda mu nyiriri nibakhalakaniya owubambali esyalo khandi bewodokhaniya owumenyo wa baatu ba Weere, esiko syakhira okhudakha. Naye omuliro kwekha okhutula mwikulu kwabasikhirisa. ¹⁰ Khandi omusuku, owa’babacha, kasukuniwa mu nyanja mu muliro kwadukha murutu, eyo okusolo nende ba nabbi bowubacha yibali basukuniwe. Balisandisiwa esiro n’esideete endaalo nendaalo. Abafu Bakhengerwa ¹¹ Olwo nawona esisaala syo’wutuki sikali esilafu noyo owali nasikhayekho. Esyalo nende ekulu byerukha okhutula mu moni chaye, khandi wawumawo esifwo syawe. ¹² Khandi nawona abafu, abakali na’batono, nibemire mu moni ch’esisaala syo’wutuki, nebitawo byawikhulwa. Esitawo sindi syawikhuliwa, nga nje esitawo syo’wulamu. Abafu bakhengerwa emisaango okhwema khu bibali nibakholire nga lusyalisyawandiikiwa mu bitawo. ¹³ Enyanja yaleta abafu abayirimo, okhufwa namakombe byaleta abafu ababirimo khandi wuli mutu kakhengerwa omusaango okhwema khu bikholwa byaye nga lu byali. ¹⁴ Awo okhufwa namakombe byasukuniwa mu nyanja yo’muliro. Enyanja yo’muliro nje okhufwa khwo’khubiri. ¹⁵ Omutu yeesi owakaniwa nga eriita lyaye siryawandikiwa mu sitawo syo’wulamu, kasukuniwa mu nyanja yo’muliro.