¹ Okhuwikhulirwa khwa Yesu Kurisito, khu Weere kamuwa okhwekesa abakhosi baye esiteekwa okhubaawo wangu. Kasikhola okhumanyikha nga’tuma malayika waye eyiri omukhosi waye Yokana, ² ojjulira khu byosi byoosi bikawona__ nga nje, emboosi ya Weere nende owujulisi wa Yesu Kurisito. ³ Ali nende enkhabi oyo osoma emboosi echo’wunabbi wuno, khandi bali nende enkhabi abo abayiwulira manu bata khu mwooyo ebyawandiikiwamo, olwokhuba esikha siri ambi. Amakheeso No’khukumya ⁴ Yokana, Eyiri amakanisa musaanfu mu syalo sya Asiya: Esisa nende n’emirembe bibabekho okhutula eyiri oyo oli, khandi owali, khandi ocha okhwiicha, khandi okhutula eyiri emyoyo Musaanfu mu moni echesisala syaye esy’owen’engo, ⁵ nende okhutula eyiri Yesu Kurisito, nga nje omujjulisi omwesikwa, omwana wamberi okhwiwuliwa okhutula mu bafu, khandi omutuki owa ben’engo abo’khusyalo. Eyiri oyo otudakha khandi otutusiise mu bibi byefwe nende amabaanga kaye, ⁶ khandi atukholire okhuba owene’ngo khandi bakhawona okhukholera Weere waye khandi Bbaabbaa __ oluyaali lube naye nende owunyala emirembe ne’mirembe! Amiina. ⁷ Wona, kecha nende ebireesi, khandi nawuli moni yirimuwona, ata nende abo abamufumita; nende abaatu boosi abo’khusyalo balirira khu lwaye. Manu nje siriba! Amiina. ⁸ “Niise ALUFWA khandi OMEGA,’’ nje awoola Omwami Weere, “Oliwo, khandi owaliwo, khandi ocha okhwiicha, ow’owunyala woosi.” Mulala ofwana ngo’mwana wo’mutu ⁹ Esse, Yokana, omwana wenywe khandi owasyenywe mu nsaando nende owene’ngo nende okhugumikirisa n’okhwesimiirisa ebyefwe mu Yesu, byali khu sisinga Patimo khu lw’emboosi ya Weere nende owujjulisi wa Yesu. ¹⁰ Khu ludaalo Lw’omwami nali mu mwooyo, nawulira emukongo wange ekono ekhongo nga eturumbeete, ¹¹ eryawoola liiti: “Wandika khu lupapula byowona khandi obitume eyiri amakanisa musaanfu: Efeeso, Sumuna, Perugamo, Suwatira, Saadi, Firaderufwiya nende Lawodikiya.” ¹² Natingachala mbone ekono eriri okhulomaloma nange. Ne ni natingachala nawona ebisiindi bye saabu musaanfu ebya’mataara, ¹³ khandi mu bi siindi bya mataara mwalimo mulala “Oli nga omwana wo’mutu,” nikambaaye eganduula nga lyoola assi khu makulu kaye nende olugosi olwe’saabu okhwewodookhaniya esirifu syaye. ¹⁴ Omutwe kwaye nende efwiiri byali birafu nga owooya we’koondi, nga birafu nga amakina akenfula, khandi emoni chaye chali chimekhamekhana nga enimi ech’omuliro ¹⁵ amakulu kaye kali koti omugasa okuli mukuliro kungi, nende ekono lyaye lyali koti ekono lya’maachi akabwomookha. ¹⁶ Mu mukhono kwaye omulungi kali adiiye eηiniηini musaanfu, khandi mu khanwa waye mwatulamo okukhande okw’owoki eyi n’eyi. Oweni waye wali nga eryuba eryadukhira muwulafu walyo owukhirira erala. ¹⁷ Ni namuwona, nakwa mu makulu kaye naba nga ofwiiye. Manu kantakho omukhono kwaye omulungi kawoola ati: “Otatya. Niise owamberi khandi niise osembayo. ¹⁸ Niise omulamu mwene; nali nfwiiye, khandi wona ndi mulamu emirembe nende emirembe! Khandi ndiiye ebisimuluso byo’khufwa nende esyalo sya’bafu. ¹⁹ “Nolwesyo, wandiika, byoweene, ebyawunanu nende ebiribawo yiwiicha. ²⁰ Ebyekisa by’eηiniηini musaanfu chiwawona mu mukhono kwange omulungi nende esye bisiindi bye saabbu musaanfu nje sino: ‘Eηiniηini musaanfu nje ba malayika abamakanisa musaanfu, khandi ebisiindi musaanfu nje amakanisa musaanfu.