¹ Paulo, omutume wa Kristo Yesu olwokhudakha khwa Weere, nende Temisewo omwana wefwe. ² Eyiri abaana befwe abolerefu khandi abeesikwa mu Kristo abo’mu Kkolosaayi: Esisa ne’mirembe yimuli okhutula eyiri Weere seefwe. ³ Wuli sikha khwebasa Weere, simwana w’Omwami wefwe Yesu Kristo, nikhubasabira. ⁴ . Olwokhuba khwawulira ebiddira khu nfukiirira yenywe mu Kristo Yesu nende engeri yimudakhiramo abolerefu boosi ¬¬__ ⁵ enfukiirira nende okhudakha okhutula mu khusuubira okhwabiikhiwa amukulu khulwenywe mwikulu khandi khumumalire okhuwulirakho mu mboosi eya masima, enjiri ⁶ eyiichire yimuli. Musyaalo syoosi enjiri yino yaama ebyaamo khandi yikhula, wusa nga nibeyenge nikhola mwinywe okhutula khu ludaalo lumwayiwulira khandi mwategeera esisa sya Weere mu masima kasyo kosi koosi. ⁷ . Mwasyeeka okhutula khu Epafula, owasyeefwe omukoosi omukhosi wasyeefwe, omukhosi omwesikwa owa Kristo khulwefwe, ⁸ khandi yesi katuwoolera ebidiira khu khudakha khwenywe mu mwoyo. ⁹ . Olwe’mboosi yino, okhutula khu ludaalo lukhwawulira ebibadiirakho, sikhwakamanga okhubasabira no’khusaba Weere okhubeechusa nende amakesi ko’khudakha khwaye okhubitira mu makesi koosi ako’mwooyo nende okhutegeera. ¹⁰ . Khandi khusaba sino kho munyale okhuba nowulamu owukhoyera Omwami khandi munyale okhumusangaasa mungira yoosi: eyaama ebyaamo muwuli mulimo mulayi, mukhule nimumanyire Weere, ¹¹ nimuli nende amaani koosi okhwema khu luyaali lwaye olwamaani kho munyale okhuba nende okhwesimiirisa nende okhugumiikirisa, khandi nende esangaalo ¹² nga mwebasa Bbaabba, obakholire enywe okhukabana khu wusikha wa bolerefu mu wene’ngo wo’wulafu. ¹³ Olwokhuba atuwoniisye okhutula mu maani kesirema katuleeta mu wene’ngo wo’mwana musyaani yadakha, ¹⁴ . yikhufuniramo okhuwonesewa, nende okhulekherwamo ebibi. ¹⁵ . Ye nje esifananyi sya Weere otawonekha, owamberi mubyalongewa byosi byoosi. ¹⁶ . Olwokhuba khulwaye ebiitu byoosi byaloongewa: ebiitu mwikulu nende khusyaalo, ebiwonekha nebitawonekha, oba okhutukiwa oba owunyala wa batuki oba owunyala: ebiitu byoosi byakholewa naye khandi khulwaye. ¹⁷ . Kaliwo ebiitu byoosi nibitabawo, khandi mu ye ebiitu byoosi byadisaniya. ¹⁸ . Khandi nje omutwe kwo’mubiri, Ekanisa; ye nje enjaaka khandi owamberi okhutula mu bafu, kho mu wuli siitu anyale okhuba owa’mukulu okhenerekhayo. ¹⁹ . Olwokhuba Weere kali musangaafu okhuba no’wiichufu okhumubaamo, ²⁰ khandi okhumubitiramo, okhwekowosera alala ebitu byosi byoosi, oba ebiitu khusyaalo oba ebitu mwikulu, nga akhola emirembe okhubitira mu mabanga kaye akeedikha khu musalabba. ²¹ . Khale mwali mwatula khu Weere khandi mwali abasuku mu bibaaso byenywe olwensaambo chenywe embi. ²² . Naye wunanu abakowosiise olwomubiri kwa Kristo okhubitira mu khufwa okhubatawo mu wulafu, awuma esyokhwoolobya khandi abawumakho esyo’khwoolobya __ ²³ ni muchanakana nende enfukiirira yenywe, abamaani khandi abomiifu, nga simutula mu suubi eririwo mu njiri. Yino nje enjiri yimwawulira khandi eyilangirirwa eyiri wuli esyalongewa asi wekulu, khandi ese Paulo, yimbereeyemo omukhosi. ²⁴ . Wunanu nsangaala mwiisyo sinasaandiramo khulwenywe, khandi niichusa mu mubiri kwange esisiwumawo ebidiira khu khuchunisiwa khwa Kristo, khulwo’mubiri kwaye, nga nje e kanisa. ²⁵ . Mbeeye omukhosi waayo khu lwo’wunyala Weere wukaamba okhubosakho emboosi ya Weere mu wiichufu waayo __ ²⁶ esyaama esibeeye nisyakisiwa emyaaka ne’myaaka, naye wunanu sifumbuuywe eyiri abolerefu. ²⁷ .Khu bo Weere akhengiirewo simanyikhe eyiri abateende esyaama syo’luyaali oluyiinda, nga nje Kristo mwinywe, esuubi lyo luyaali. ²⁸ . Khu mulangirira, khulawula khandi khusomesa wuli mutu na’makesi koosi, kho khunyale okhukhola wuli mutu omulungifu mu Kristo. ²⁹ . Eno yiindi nkhola, nfuduumbukhana nende amaani kaye kosi koosi, akankholeyemo lukali lwene.