¹ Gikisangire ekibuga eky'omusaayi! kyonakyona kizwire eby'obubbeyi n'eby'amaani; ekitaagulwataagulwa tekivaamu. ² Okuvuuma kw'olukoba n'okuvuuma kwe mpanka egiyiringita; n'embalaasi nga ginyirira n'amagaali nga gabuukabuuka; ³ n'abo abeebagala nga baniina n'okumasamasa kw'ekitala n'okumyansa kw'amasimu; era abafu bangi n'emirambo entuumu nene; so n'emirambo gibulaku we gikoma; beesitala ku mirambo gyabwe. ⁴ Kubanga okwenda kw'omwenzi omusa kungi inu kimu, omukulu w'obulogo, atunda amawanga n'eby'obwenzi bye, era enda n'obulogo bwe. ⁵ Bona, ndi mulabe wo bw'atumula Mukama w'eigye; nzeena ndibikula ebirenge byo ku maiso go; nanze ndibonesya amawanga obwereere bwo, n'obwakabaka ndibubonesya ensoni gyo. ⁶ Era ndikusuulira ebyenyinyalwa, era ndikutoolaku ekitiibwa, era ndikuteekawo okubba ekiringirirwa. ⁷ Awo olulituuka bonabona abalikulingirira balikwiruka ne batumula nti Nineeve kyonoonekere; yani eyakikubbira ebiwoobe? ndisagigirira waina abo abalikukubbagizya? ⁸ Osinga Nowamoni obusa, ekyakubiibwe awali emiiga, ekyabbaire amaizi amangi enjuyi gyonagyona; era olukomera lwakyo nyanza: n'enyanza yabbaire bugwe waakyo? ⁹ Obwesiyopya ne Misiri maani gaakyo so tegasingika; aba Puti n'Abalubi niibo babbaire ababeezi bo. ¹⁰ Naye kyatwaliibwe, kyayabire mu bwidu; n'abaana baakyo abatobato baatandagirwa ku masaŋangira g'enguudo gyonagyona n'ab'ekitiibwa baabakubbiraku akalulu, n'abakulu be bonabona baasibibwa mu njegere. ¹¹ Era weena olitamiira, oligisibwa; era weena olisagira ekigo ku lw'abalabe. ¹² Ebigo byo byonabyona biribba nge mitiini egibbaaku eitiini egisooka okwenga: bwe gikunkumuka, gigwa mu munwa gw'omuli. ¹³ Bona, abantu bo wakati wo bakali; enjigi egya wankaaki egy'ensi yo giigulirwa dala eri abalabe bo; omuliro ne gulya emikiikiro gyo. ¹⁴ Weesenere amaizi olw'okuzingizibwa, nywezya ebigo byo, niina ku itakali, samba eibbumba, nywezya ekyokero ky'amatafaali. ¹⁵ Omusyo gulikwokyerya eyo; ekitala kirikuzikirirya, kirikulya nga kalusejera; weeyalire nga kalusejera, weeyalire ng'enzige. ¹⁶ Wayalirye abasuubuzi bo okusinga emunyeenye egy'omu igulu obungi; kalusejera koonoona ne kabuuka ne kaaba. ¹⁷ Ababo abatikiibwe engule babbaire ng'enzige; abagabe bo ng'ebifuko by'amayanzi agabeera mu bisagazi ku lunaku lw'empewo, naye enjuba bw'evaayo zidduka, n'ekifo we zibeera tekimanyibwa. ¹⁸ Abasumba bo babongoota, ggwe kabaka w'e Bwasuli; abakulu bo ab'ekitiibwa bawummula; abantu bo basaasaanira ku nsozi, so tewali wa kubakuŋŋaanya. ¹⁹ Tewali kya kukkakkanya bulumi bwo; ekiwundu kyo kinene; bonna abawulira ebigambo byo