¹ Awo n'a nfulumya mu luya olw'e wanza, niiyo engira eira obukiika obugooda: n'a nyingirya mu nyumba eyayolekeire ekifo ekyayawuliibwe era eyayolekeire enyumba ku luuyi olw'o kuniinirirwaku obugooda. ² Mu maiso g'o buwanvu buli obw'e mikono ekikumi niiwo wabbaire olwigi olw'o bukiika obugooda, n'o bugazi bwabbaire emikono ataanu. ³ Okwolekera emikono abiri gidi egy'oluya olw'omunda n'okwolekera amabbaale Ezekyeri ⁴ No mu maiso g'a mayu wabbaire waaliwo engira obugazi bwayo emikono ikumi munda, engira y'o mukono gumu; n'e njigi gyago gyayolekeire obukiika obugooda. ⁵ Era amayu ga waigulu gabbaire mampi okusinga ago: kubanga ebbalaza gyasalire ku ago okusinga bwe gyasalire ku gye wansi n'e gya wakati mu nyumba. ⁶ Kubanga gabbaire amayu aga waigulu masatu, so tegabbaire mpango ng'e mpango egy'o mu mpya: eya waigulu Kyeyaviire efunzibwa okusinga eya wansi n'e ya wakati okuva ku itakali. ⁷ N'e kisenge ekyabbaire ewanza ekyaliraine amayu okwolekera oluya olw'e wanza mu maiso g'a mayu obuwanvu bwakyo bwabbaire emikono ataanu. ⁸ Kubanga obuwanvu bw'a mayu agabbaire mu luya lw'e wanza bwabbaire emikono ataanu: era, bona, mu maiso g'e yeekaalu wabbairewo emikono kikumi. ⁹ Era wansi w'a mayu ago we baavanga okuyingira ku luuyi olw'e buvaisana, ng'o yingira mu igo ng'o mu luya olw'e wanza. ¹⁰ Ku mubiri gw'e kisenge eky'o luya kwolekeire obuvaisana, mu maiso g’e kifo ekyayawuliibwe n"o mu maiso n'e nyumba, kwabbaireku amayu. ¹¹ N'e ngira eyabbaire mu maiso gaago yabbaire ng'e nfaanana ey'e ngira ey'a mayu agayolekeire obukiika obugooda; ng'o buwanvu bwago, n'o bugazi bwago bwe bwabbaire butyo: n'a wafulumirwa mu igo wonawona wabbaire ng'e ngeri gyago bwe gyabbaire era ng'e njigi gyago bwe gyabbaire. ¹² Era ng'e njigi egy'a mayu agayolekeire obukiika obulyo bwe gyabbaire, olwigi bwe lwabbaire lutyo engira we sibuka eri dala mu bweni bw'e kisenge ebuvaisana bw'oyingira mu igo. ¹³ Awo n'a nkoba nti Amayu ag'o bukiika obugooda n'a mayu ag'o bukiika obulyo goolekeire ekifo ekyayawuliibwe ago niigo mayu amatukuvu, bakabona abali okumpi n'o Mukama mwe baliiranga ebintu ebitukuvu einu: eyo gye bateekanga ebintu ebitukuvu einu n'e kiweebwayo eky'o bwita n'e kiweebwayo olw'e bibiibi n'e kiweebwayo olw'o musango; kubanga ekifo ekyo kitukuvu. ¹⁴ Bakabona bwe bayingirangamu, kale tibavanga mu kifo ekitukuvu okuyingira mu luya olw'e wanza, naye bateekanga eyo ebivaalo byabwe bye baweerereryamu; kubanga bitukuvu; kale yavaalanga ebivaalo ebindi, kaisi ni basemberera ekyo eky'a bantu. ¹⁵ Awo bwe yamalire okugera enyumba ey'o munda, n'anfulumira mu ngirira ery'o mulyango ogulingirira obuvaisana, n'agigera enjuyi gyonagoyna. ¹⁶ N'agera ku luuyi olw'ebuvaisana n'o lugada olwo olugera, engada bitaanu, n'o lugada olugera enjuyi gyonagyona. ¹⁷ N'agera ku luuyi olw'obukiika obugooda n'o lugada olugera, engada bitaanu enjuyi gyonagyona. ¹⁸ N'agera ku luuyi olw'o bukiika obulyo, engada bitaanu, n'o lugada olugera. ¹⁹ N'akyukira eri oluuyi olw'ebugwaisana n'agera engada bitaanu, n'o lugada olugera. ²⁰ Yagigerere enjuyi ina: yabbaire bugwe enjuyi gyonagyona, obuwanvu bitaanu n'o bugazi bitaanu, okwawula ebitukuvu n'e bitali bitukuvu. gabbaire ag'o mu luya olw'e wanza niiwo wabbaire ebbalaza ng'e yolekera ebbalaza ginaaye mu nyumba eya waigulu ey'o kusatu.