¹ Wena, mwana w'o muntu, lagula ensozi gya Isiraeri otumule nti niimwe ensozi gya Isiraeri, muwulire ekigambo kya Mukama. ² ati bw'atumula Mukama Katonda nti Kubanga omulabe abatumwireku nti Siisikya! era nti ebifo ebigulumivu eby'eira byaisu, tubiriire: ³ kale lagula otumule nti Ati bw'atumula Mukama Katonda nti Kubanga, kubanga babalekeseryewo, era babaliire enjuyi gyonagyona, amawanga agafiikirewo gabalye, era musituliirwe mu minwa gy'a batumuli n'o mu bigambo ebibbiibi eby'a bantu: ⁴ kale, imwe ensozi gya Isiraeri, muwulire ekigambo kya Mukama Katonda; Ati Mukama Katonda bw'akoba ensozi n'o busozi, ensalosalo n'e biwonvu, amatongo agaazikire n'e bibuga ebyalekeibwewo, ebifuukire omuyiigo n'e ky'o kusekererwa eri amawanga agafiikirewo ageetooloire: ⁵ Mukama Katonda kyava atumula ati nti Mazima ntumwire mu musyo ogw'e iyali lyange eri amawanga agafiikirewo n'eri Edomu yonanayona abeeteekeirewo ensi yange okugirya, omwoyo gwabwe gwonagwona nga gusanyukire, emeeme yaabwe ng'eriku ekyeju, okugisuula okubba omuyiigo: ⁶ kale lagula eby'e nsi ye Isiraeri okobbe ensozi n'o busozi, ensalosalo n'e biwonvu, nti Ati bw'atumula Mukama Katonda nti bona, ntumulisirye iyali lyange n'ekiruyi kyange, kubanga mwabbangaku ensoni egy'a b'a mawanga: ⁷ Mukama Katonda kyava atumula ati nti nyimusirye omukono gwange nga ntumula nti Mazima ab'a mawanga agabeetooloire abo niibo balibbaaku ensoni gyabwe. ⁸ Naye imwe, ai ensozi gya Isiraeri, mulisuula amatabi ganyu, ni mubalira abantu bange Isiraeri ebibala byanyu; kubanga balikumpi okwiza. Kubanga, bona, nze ndi ku lwanyu, era ndikyukira gye muli, mwena mulirimibwa, mulisigibwa: ⁹ Kubanga, bona, nze ndi ku lwanyu, era ndikyukira gye muli, mwena mulirimibwa, mulisigibwa: ¹⁰ era ndyalirya abantu ku imwe, enyumba yonayona eya Isiraeri, yonayona bwe yekankana n'e bibuga birityamibwamu n'a matongo galizimbibwa: ¹¹ era ndyalya ku imwe abantu n'e nsolo; era balyeyongera, balizaala: era ndibawa okutyamibwaku, nga mumalire okubba mutyo, era ndibakola kusa okusinga bwe nakolere mu kusooka kwanyu: kale mulimanya nga ninze Mukama. ¹² Niiwo awo, nditambulirya ku imwe abantu, abantu bange Isiraeri; era balikulya, wena olibba busika bwabwe, so tolibafiirirya ate abaana okuva watynu. ¹³ Ati bw'a tumula Mukama Katonda nti Kubanga babakobere nti iwe ensi, oli muli wa bantu, era waliisiryanga eigwanga lyo; ¹⁴ kyoliva oleka okulya abantu ate, so tolifiikirya ate eigwanga lyo, bw'atumula Mukama Katonda; ¹⁵ so tindikuganya ate okuwulira ensoni gy'a b'a mawanga, so tolibbaaku ate kuvumibwa kwa bantu, so tolyesitalya ate igwanga lyo, bw'a tumula Mukama Katonda. ¹⁶ Era ate ekigambo kya Mukama ne kingizira nga kitumula nti ¹⁷ Mwana w'o muntu, enyumba ya Isiraeri bwe batyamanga mu nsi yaabwe, bagyonoonere olw'e ngira yabwe n'o lw'e bikolwa byabwe: engira yabwe mu maiso gange yabbanga ng'o butali bulongoofu bwo mukali mu kweyawula kwe. ¹⁸ Kyenaviire mbafukaku ekiruyi kyange, olw'omusaayi ibo gwe babbaire bafukire ku nsi, era kubanga babbaire bagyonoonere n'e bifaananyi byabwe: ¹⁹ ni mbasaansaanirya mu mawanga ni bataataaganira mu nsi nyingi: nabasaliire omusango ng'e ngira yabwe bwe yabbaire era ng'e bikolwa byabwe bwe byabbaire. ²⁰ Awo bwe baatuukire mu mawanga gye baabire, ni bavumisya eriina lyange eitukuvu; kubanga abantu babatumulangaku nti bano bantu ba Mukama, era baviire mu nsi ye. ²¹ Naye ni nsaasira eriina lyange eitukuvu enyumba ya Isiraeri lye babbaire bavumisirye mu mawanga gye bayabire. ²² Kale koba enyumba ya Isiraeri nti ati bw'atumula Mukama Katonda nti tinkola kino ku lwanyu, ai enyumba ya Isiraeri, naye ku lw'e riina lyange eitukuvu lye muvumisirye mu mawanga gye mwayabire. ²³ Era nditukulya eriina lyange eikulu eryavumisiibwe mu mawanga, imwe lye muvumisirye wakati mu igo; kale amawanga galimanya nga ninze Mukama, bw'atumula Mukama Katonda, bwe nditukuzibwa mu imwe mu maiso gaabwe. ²⁴ Kubanga ndibatoola mu mawanga, ni mbakuŋaanya okubatoola mu nsi gyonagyona, ni mbayingirya mu nsi yanyu imwe. ²⁵ Era ndibamansiryaku amaizi amasa, era mulibba balongoofu: ndibalongoosya mu mpitambibbi yanyu yonayona n'o mu bifaananyi byanyu byonabyona. ²⁶ Era ndibawa n'omwoyo omuyaka, ni nteeka omwoyo omuyaka munda mu imwe: era nditoola omwoyo ogw'e ibbaale mu mubiri gwanyu ne mbawa omwoyo ogw'e nyama. ²⁷ Era nditeeka omwoyo gwange munda mu imwe, ni mbatambulirya mu mateeka gange, era mulikwata emisango gyange ne mugikola. ²⁸ Awo mwabbanga mu nsi gye nawaire bazeiza banyu; mwena mwabbanga bantu bange, nzena naabbanga Katonda wanyu. ²⁹ Era ndibawonya mu butali bulongoofu bwanyu bwonabwona: era ndyeta eŋaanu, ne ngyalya, so tindibaleetaku njala. ³⁰ Era ndyalya ebibala eby'e misaale, n'e kyengera eky'o mu nimiro, mulekenga okuweebwa ate ekivumi eky'enjala mu mawanga. ³¹ Kale Kaisi ni mwijukira amangira ganyu amabbiibi n'e bikolwa byanyu ebitali bisa; kale mulyetamwa mu maiso ganyu imwe olw'o butali butuukirivu bwanyu n'o lw'e mizizyo gyanyu. ³² tinkola kino ku lwanyu, bw'atumula Mukama Katonda, mukimanye: mukwatirwe ensoni amangira ganyu, muswale, ai enyumba ya Isiraeri. ³³ Ati bw'atumula Mukama Katonda nti Ku lunaku lwe ndibanabiryaku obutali butuukirivu bwanyu bwonabwona, ndityamisya abantu mu bibuga, n’a matongo galizimbibwa ³⁴ N'e nsi eyalekebwangawo eririmibwa, naye yabbanga nsiko mu maiso g'abo bonabona ababitirewo. ³⁵ Kale balitumula nti ensi eno eyalekebwangawo efuukire ng'o lusuku Adeni; n'ebibuga ebyazikire ebyalekeibwewo ebyagwire bikoleibweku enkomera, abantu ne babityamamu. ³⁶ Kale amawanga agasigaire okubeetooloola kaisi ni gamanya nga ninze Mukama nzimbire ebifo ebyagwire ni nsimba ekyo ekyalekeibwewo: ninze Mukama nkitumwire, nzena ndikikola. ³⁷ Ati bw'atumula Mukama Katonda nti era agitaka enyumba ya Isiraeri okumbuulyanga ekyo okukibakolera; ndibongeryaku abantu ng'e kisibo. ³⁸ Ng'e kisibo ekya sadaaka, ng'ekisibo ekye Yerusaalemi mu mbaga gyakyo gyalagiirwe; ebibuga ebyazikire bwe birizula bityo ebisibo eby'a bantu: kale balimanya nga ninze Mukama.