¹ Mu Antiyokiya mu kanisa eyabbareyo waaliwo banabbi n'abegeresya, Balunabba ne Simyoni eyabbaire ayetebwa Niga, ne Lukiyo ow'e Kuleene ne Manaeni eyayonseibwe awamu no Kerode oweisaza, ne Sawulo. ² Nga baweereza Mukama waisu n'okusiiba, Omwoyo Omutukuvu n'akoba nti Munondere Balunabba ne Sawulo bakole omulimu gwe mbeteire. ³ Awo ne basiiba ne basaba ne babateekaku emikono ne babatuma. ⁴ Awo abo bwe baatumiibwe Omwoyo Omutukuvu ne baserengeta e Serukiya; ne bavaayo ne bawanika amatanga okutuuka e Kupulo. ⁵ Bwe babbaire mu Salamini ne babuulira ekigambo kya Katonda mu makuÅ‹aaniro g'Abayudaaya: ne babba no Yokaana okubaweereza. ⁶ Bwe babitire ku kizinga kyonakyona okutuuka e Pafo, ne babona omuntu omulogo, nabbi ow'obubbeyi, Omuyudaaya, eriina lye Balisa; ⁷ eyabbaire awamu n'oweisaza Omuruumi Serugiyo Pawulo, omuntu ow'amagezi. Oyo n'ayeta Balunabba ne Sawulo, n'ataka okuwulira ekigambo kya Katonda. ⁸ Naye Eruma omulogo (kubanga eriina lye bwe livuunulwa) n'awakana nabo, ng'ataka okukyamya oweisaza mu kwikirirya. ⁹ Naye Sawulo, era ye Pawulo, bwe yazwire Omwoyo Omutukuvu, bwe yamwekalirizirye amaiso, ¹⁰ n'akoba nti Iwe aizwire obukuusa bwonabwona n'okukola Obubbiibi kwonakwona, omwana wa Setaani, omulabe w'obutuukirivu bwonabwona, tolireka kukyamya mangira ga Mukama waisu amagolokofu? ¹¹ Atyanu, bona, omukono gwa Mukama waisu guli ku iwe, wabba muduka wa maiso nga tobona isana ebiseera bingiku. Amangu ago ekifu ne kimugwaku, n'endikirirya; n'awamanta n'asagira abantu ab'okumukwata ku mukono. ¹² Awo oweisaza bwe yaboine bwe kibbbaire n'aikirirya nga yeewuunya inu okwegeresya kwa Mukama waisu. ¹³ Awo Pawulo na bainaye ne bawanika amatanga okuva mu Pafo, ne batuuka e Peruga eky'e Panfuliya: Yokaana n'abalekayo n'airayo e Yerusaalemi. ¹⁴ Naye ibo bwe babitire okuva mu Peruga, ne batuuka mu Antiyokiya eky'e Pisidiya, ne bayingira mu ikuggaaniro ku lunaku lwa ssabbiiti ne batyama. ¹⁵ Bwe baamalire okusoma amateeka n'ebya banabbi, abakulu b'eikuÅ‹aaniro ne babatumira nga bakoba nti Abasaiza ab'oluganda, oba mulina ekigambo eky'okubuulirira abantu, mutumule. ¹⁶ Pawulo n'ayemerera n'abawenya n'omukono n'agamba nti Abasaiza Abaisiraeri, mweena abatya Katonda, muwulire. ¹⁷ Katonda w'abantu bano Abaisiraeri yalondere bazeiza, n'agulumizya abantu bwe bamalire abageni mu nsi y'e Misiri, n'abatoolayo n'omukono ogwagulumizibwe. ¹⁸ N'abagumiinkiriza mu idungu emyaka ng'ana. ¹⁹ Bwe yazikiriirye amawanga omusanvu mu nsi ye Kanani, n'abawa ensi yaabwe okubba obutaka okutuusia emyaka bina mu ataano. ²⁰ Oluvanyuma lw'egyo n'abawa abalamuzi okutuuka ku nabbi Samwiri. ²¹ Oluvanyuma ne bataka kabaka; Katonda n'abawa Sawulo omwana wa Kiisi wa mu kika kya Benyamini, n'amala emyaka amakumi ana. ²² Bwe yamutoirewo oyo, n'abemererya Dawudi okubba kabaka waabwe, gwe yatumwireku ng'amutegeeza nti Mboine Dawudi, omwana wa Yese, omuntu ali ng'omwoyo gwange bwe gutaka, yakolanga bye ntaka byonabyona. ²³ Oyo mu zaaire lye nga Katonda bwe yasuubizirye, aleeteire Isiraeri Omulokozi Yesu, ²⁴ Yokaana bwe yasookere okubuulira ng'akaali kwiza okubatizibwa okw'okwenenya eri abantu bonabona Abaisiraeri. ²⁵ Naye Yokaana bwe yabbaire ng'alikumpi okukomya olugendo lwe, n'akoba nti Mundowooza kubba yani? Nze tindi niiye. Naye bona, waliwo aiza enyuma wange, gwe ntasaanira kusumulula ngaito yo mu kigere kye. ²⁶ Ab'oluganda, abaana b'ekika kya Ibulayimu, mwenamwena abatya Katonda, ekigambo eky'obulokozi buno kyaweerezeibwe waisu. ²⁷ Kubanga abatyama mu Yerusaalemi n'abakulu baabwe bwe bataamumanyire oyo waire amaloboozi ga banabbi agasomebwa buli sabbiiti, kyebaaviire babituukirizia bwe baamusalira omusango. ²⁸ Bwe bataboine nsonga yo kumwita, ne basaba Piraato okumwita. ²⁹ Awo bwe baamalire okutuukirirya byonabyona ebyamuwandiikweku ne bamuwanula ku musaale ne bamuteeka mu ntaana. ³⁰ Naye Katonda n'amuzuukizya mu bafu: ³¹ n'ababonekera enaku nyingi abaayambukire naye okuva e Galiraaya okutuuka e Yerusaalemi, niibo bajulirwa be atyanu eri abantu. ³² Ife tubabuulira ebigambo ebisa, eby'okusuubiza okwasuubiziibwe bazeiza nti ³³ Katonda akutuukiriryaa eri abaana baisu bwe yazuukiziry Yesu; era nga bwe kyawandiikiibwe mu Zabbuli ey'okubiri nti Niiwe mwana wange, nkuzaire atyanu. ³⁴ Era kubanga yamuzuukizirye mu bafu nga tayaba ate kwirayo mu kuvunda, yakobere ati nti Ndibawa emikisa emitukuvu era egyenkalakalira egya Dawudi. ³⁵ Kubanga yatumwire ne mu Zabbuli egendi nti Toliwaayo Mutukuvu wo okuvunda. ³⁶ Kubanga Dawudi bwe yamalire okuweereza mu biseera bye nga Katonda bwe yateeserye, nagona n'ateekebwa eri bazeizabe, n'avunda: ³⁷ naye oyo Katonda gwe yazuukizirye teyavundire. ³⁸ Kale, Abasaiza ab'oluganda, mutegeere nti ku bw'oyo okutoolebwaku ebibi kubuuliirwe; ³⁹ byonabyona bye mutandisoboire kutolebwaku mu mateeka ga Musa, ku bw'oyo buli aikirirya abitolebwaku. ⁴⁰ Kale mwekuume kireke okwiza ku imwe ekyatumwirwe banabbi nti ⁴¹ Bona, imwe abanyooma, mwewuunye, mugote; Kubanga nze nkola omulimu mu naku gyanyu Omulimu gwe mutaikirirya waire omuntu ng'agubabuuliire inu. ⁴² Bwe baafulumire ne babeegayirira okubabuulira ebigambo bino ku sabbiiti ey'okubiri. ⁴³ Ekibiina bwe kyasaansaanire bangi ku Bayudaaya n'abakyufu abeegendereza ne batumulira Pawulo no Balunabba: Boona ne batumula nabo ne babasendanga okunyiikirira mu kisa kya Katonda. ⁴⁴ Awo ku sabbiiti ey'okubiri ne bakuÅ‹aana nge kibuga kyonakyina okuwulira ekigambo kya Katonda. ⁴⁵ Naye Abayudaaya bwe baboine ekibiina, ne baizula eiyali, ne bawakanya ebyatumwirwe Pawulo, nga babivuma. ⁴⁶ Pawulo no Balunabba ne batumula n'obuvumu nti Kyagwanire okusooka okubuulirwa ekigambo kya Katonda mu imwe. Kubanga mukisindiikirirya so temwiraba kusaanira bulamu obutawaawo, bona, tukyukira eri ab'amawanga. ⁴⁷ Kubanga Mukama yatulagiire ati nti Nkuteekerewo okubbanga omusana gw'amawanga, Obbanga obulokozi okutuusia ku nkomerero y'ensi. ⁴⁸ Ab'amawanga bwe baawulira ne basanyuka ne bagulumizia ekigambo kya Katonda: bonabona ne baikirirya ababbaire bagisisiibwe obulamu obutaggwaawo. ⁴⁹ Ekigambo kya Mukama waisu ne kibuna mu nsi edi yonayona. ⁵⁰ Naye Abayudaaya ne babaweerera abakyala abeegendereza ab'ekitiibwa, n'abakulu ab'omu kibuga, ne bayiganyisia Pawulo no Balunabba, ne bababbinga mu mbibi gyabwe. ⁵¹ Naye ne babakunkumulira enfuufu ey'omu bigere ne baiza okutuuka Ikoniyo. ⁵² Abayigirizwa ne baizula eisanyu n'Omwoyo Omutukuvu.