¹ Kubanga tumaite nti, oba ng'enyumba yaisu ey'ensiisira ey'omu nsi eryabizibwa, tulina eyazimbiibwe eva eri Katonda, enyumba etaazimbiibwe ne mikono, ey'emirenbe n'emirembe, ey'omu igulu. ² Kubanga tusindira mu eno, nga twegomba okuvaalisibwa enyunba yaisu eriva mu igulu: ³ bwe tulivaalisibwa, koizi tuleke okusangibwa nga tuli bwereere. ⁴ Kubanga ife abali mu nsiisira eno tusinda, nga tuzitoowererwa; ti kubanga tutaka okwambula, wabula okuvaalisibwa, ogwo ogufa kaisi gumirwe obulamu. ⁵ Naye eyatukoleire ekyo niiye Katonda, eyatuwaire omusingo ogw'Omwoyo. ⁶ Kyetuva tuguma omwoyo enaku gy'onagyona, era tumanya nga bwe tubba mu mubiri tubba wala Mukama waisu ⁷ (kubanga tutambula olw'okwikirirya, ti lwo kubona); ⁸ tuguma omwoyo, era kino niikyo kye tusinga okutaka, okubba ewala omubiri n'okubba Mukama waisu gy'ali. ⁹ Era kyetuva tufuba, oba nga tukaali muuno, oba nga tuli wala, okusiimibwa iye. ¹⁰ Kubanga ife feena kitugwanira okubonesebwa Kristo aw'alisalira emisango; buli muntu aweebwe bye yakole mu mubiri, nga bwe yakolere, oba bisa oba bibbbiibi. ¹¹ Kale, bwe tumanya entiisia ya Mukama waisu, tusendasenda abantu, naye tubonesebwa eri Katonda: era nsuubira nga tubonesebwa ne mu myoyo gyanyu. ¹² Tetwetendereza ate eri imwe, wabula okubawa imwe kye mwasinziirangaku okwenyumirizianga ku lwaisu, kaisi mubbenga n'eky'okubairamu abeenyumirizia mu maiso, so ti mu mwoyo. ¹³ Kuba oba nga tulalukire, tulalukire eri Katonda; oba nga twegendereza, twegendereza eri imwe. ¹⁴ Kubanga okutaka kwa Kristo kutuwalirizia, nga tulowooza tuti ng'omumu yabafiiriire bonabona, bonabona kyebaaviire bafa; ¹⁵ naye yafiriire bonabona, abalamu balekenga okubba abalamu ate ku bwabwe bonka, wabula ku bw'oyo eyabafiiriire n'azuukira. ¹⁶ Okusooka atyanu kyetuva tuleka okumanya omuntu yenayena mu mubiri: okumanya waire nga twamalire Kristo mu mubiri, naye atyanu tetukaali tumaite ate tutyo. ¹⁷ Omuntu yenayena bw'abba mu Kristo kyava abba ekitonde ekiyaaka: eby'eira nga biweirewo; bona, nga bifuukire biyaaka. ¹⁸ Naye byonabyona biva eri Katonda, eyatutabaganyire naye yenka ku bwa Kristo, n'atuwa ife okuweereza okw'okutabaganya; nti ¹⁹ Katonda yabbaire mu Kristo ng'atabaganya ensi naye mweene, nga tababalira bibbiibi byabwe, era nga yatugisisirye ife ekigambo eky'okutabaganya. ²⁰ Kyetuva tubba ababaka mu kifo kya Kristo, Katonda ng'afaanana ng'abeegayirira mu ife: tubeegayirira mu kifo kya Kristo mutabagane ne Katonda. ²¹ Atamaite kibbiibi, yamufwiire ekibbiibi ku lwaisu; ife kaisi tufuuke obutuukirivu bwa Katonda mu iye.