¹ Awo olwatuukire mu naku egyo Abafirisuuti ni bakuŋaanirya eigye lyabwe entalo okulwana n'e Isiraeri. Akisi n'akoba Dawudi nti Tegeerera dala ng'olitabaala nanze mu igye, iwe n'abasaiza bo. ² Dawudi n'a koba Akisi nti Kyoliva otegeera omwidu wo by'alikola. Akisi n'akoba Dawudi nti Kyendiva nkufuula omukuumi w'o mutwe gwange enaku gyonagyona. ³ Awo Samwiri yabbaire afiire, n'e Isiraeri yenayena Babbaire bamukungiire, ne bamuziika mu Laama, mu kibuga kye iye. Era Sawulo yabbaire n'e igye mu nsi abo ababbaireku emizimu n'abafumu. ⁴ Awo Abafirisuuti ni bakuŋaana ni baiza ni basiisira e Sunemu: awo Sawulo n'akuŋaanya Isiraeri yonayona ni basiisira ku Girubowa. ⁵ Awo Sawulo bwe yaboine eigye ly'Abafirisuuti, n'atya, omwoyo gwe ne gutengera inu: ⁶ Awo Sawulo bwe yabwirye Mukama, Mukama n'atamwiramu waire mu birooto waire mu Ulimu waire mu banabbi. ⁷ Awo Sawulo kaisi n'a koba abaidu be nti munsagirire omukali aliku omuzimu njabe gy'ali mubuulye. Abaidu be ne bamukoba nti Bona, waliwo omukali aliiku omuzimu e Endoli. ⁸ Sawulo ne yeekyusya n'avaala ebivaalo ebindi n'ayaba, iye n'a basaiza babiri naye, be batoire eri omukali obwire: n'a tumula nti ndagula, nkwegayiriire, n'o muzimu, oniinisirye buli gwe nakukobaku eriina. ⁹ Awo omukali n'amukoba nti bona, omaite Sawulo bye yakolere, bwe yazikiriirye mu nsi abo abaliku emizimu, n'abafumu: kale kiki ekikutegesya obulamu bwange ekyambika okungitisya. ¹⁰ Sawulo n'alayirira Mukama ng'atumula nti nga Mukama bw'ali omulamu, tikulikubbaaku kibonerezo kyonakyona olw'e kigambo kino. ¹¹ Awo omukali n'a tumula nti yani gwe mba nkuniinisirya? N'atumula nti niinisirya Samwiri. ¹² Awo omukali bwe yaboine Samwiri, n'a kunga n'e idoboozi einene: omukali n'a koba Sawulo nti Ombeyeire ki? Kubanga iwe oli Sawulo. ¹³ Kabaka n'a mukoba nti totya: kubanga obona ki? Omukali n'amukoba Sawulo nti mbona katonda ng'ava mu itakali ng'ayambuka. ¹⁴ N'amukoba nti mbala ye eri etya? N'atumula nti Omukaire ayambuka; era yeenagiireku omunagiro. Sawulo n'ategeera nga Samwiri, n'avuunama amaiso ge ne yeeyanzya. ¹⁵ Awo Samwiri n'akoba Sawulo nti lwaki okungolokosya okuniinisya? Sawulo n'a iramu nti neeralikiriire inu; kubanga Abafirisuuti balwana nanze, era Katonda anviireku, so takaali anyanukula waire mu banabbi waire mu birooto: kyenviire nkweta ontegeeze bye mba nkola. ¹⁶ Awo Samwiri n'a tumula nti obuulirye ki nze, Mukama ng'akuviireku era ng'afuukire mulabe wo? ¹⁷ Era Mukama yeekoleire omulimu, nga bwe yatumuliire mu nze: era Mukama akanwire obwakabaka ng'abutoola mu mukono gwo era abuwaire muliraanwa wo, Dawudi. ¹⁸ Kubanga tewagondeire idoboozi lya Mukama n'ototuukirirya kiruyi kye ekingi ku Amaleki, Mukama kyaviire akukola ekigambo kino watyanu. ¹⁹ Era ate Mukama yagabula n'e Isiraeri wamu naiwe mu mukono gw'Abafirisuuti: era amakeeri iwe na bataane bo baaba nanze: Mukama yagabula n'eigye lya Isiraeri mu mukono gw'Abafirisuuti. ²⁰ Awo Sawulo kaisi n'agwa ku itakali ng'alambaire, n'atya inu, olw'ebigambo bya Samwiri: ne mutamusigalamu maani; kubanga yabbaire taliire ku mere yonayona okuzibya obwire n'o kukyeesya. ²¹ Omukali n'a iza eri Sawulo, n'abona nga yeeraliikiriire inu, n'amukoba nti bona, omuzaana wo awuliire eidoboozi lyo ni nteeka obulamu bwange mu mukono gwange ni mpulira ebigambo byo by'o nkobere. ²² Kale, nkwegayiriire, weena wulira eidoboozi ly'o muzaana wo, era nteeke akamere mu maiso go; olye Kaisi obbe n'a maani bw'ewayaba. ²³ Yena n'a gaana n'atumula nti tindye. Naye abaidu be awamu n'o mukali ni bamuwalirirya; n'awulira eidoboozi lyabwe. Awo n'agolokoka okuva wansi n'atyama ku kitanda. ²⁴ Era omukali yabbaire n'enyana ey'e sava mu nyumba; n'ayanguwa n'agiita; n'airiira obwita n'a budyokola n'abwokya okubba omugaati ogutazimbulukuswa: ²⁵ n'aguleeta mu maiso ga Sawulo n'o mu maiso g'abaidu be; ni balya. Awo ne bagolokoka ne baaba obwire obwo.