¹ Naye okukuŋaaniryanga ebintu abatukuvu, nga bwe nalagiire ekanisa egy'e Galatiya, mweena mukolenga mutyo. ² Ku lunaku olw'oluberyeberye mu sabbiiti buli muntu mu imwe agisenga ewuwe nga bw'ayambiibwe, ebintu bireke okukuŋaanyizibwa lwe ndiiza. ³ Era bwe ndituuka be mulisiima mu bbaluwa abo be ndituma okutwala ekisa kyanyu mu Yerusaalemi: ⁴ era oba nga kirinsaanira nzeena okwaba, balyaba nanze. ⁵ Naye ndiiza gye muli bwe ndibba nga malire okubita mu Makedoni; kubanga ndibita mu Makedoni: ⁶ naye koizi ndityama gye muli katono (kadiidiri), oba n'okumala ndimalayo ebiseera bya maizi byonka, imwe kaisi munsibirire gye ndyaba yonayona. ⁷ Kubanga tintaka kubabona katono (kadiidiri) nga mbita bubiti: kubanga nsuubira okulwayo katono (kadiidiri)gye muli, Mukama waisu bw'alikirirya. ⁸ Naye ndirwayo mu Efeso okutuusia ku Pentekoote; ⁹ kubanga olwigi olunene era olw'emirimu emingi lungiguliirwewo, era abalabe bangi. ¹⁰ Naye oba nga Timoseewo aliiza, mubone aibbenga gye muli awabula kutya; kubanga akola omulimu gwa Mukama waisu era nga nze: ¹¹ kale omuntu yenayena tamunyoomanga. Naye mumusibirire n'emirembe, aize gye ndi: kubanga nsuubira okumubona awamu n'ab'oluganda. ¹² Naye ebya Apolo ow'oluganda, namwegayiriire inu okwiza gye muli awamu n'ab'oluganda: n'atatakira dala kwiza mu kiseera kino; naye aliiza bw'alifuna eibbanga. ¹³ Mumogenga, mugumenga mu kwikiriya, mubbenga basaiza, mubbenga ba maani. ¹⁴ Byonabyona bye mukola bikolebwenga mu kutaka. ¹⁵ Naye mbeegayirira, ab'oluganda (mumaite enyumba ya Suteefana, nga niigwo mwaka omuberyeberye ogw'omu Akaya, era nga beeteekereteekere okuweereza abatukuvu), ¹⁶ mweena muwulirenga abali ng'abo, na buli muntu akolera awamu naife afuba. ¹⁷ Era nsanyukira okwiza kwa Suteefana ne Folutunaato ne Akayiko: kubanga ebyagotere ku lwanyu baabituukirirya. ¹⁸ Kubanga baawumwirye omwoyo gwange n'ogwanyu: kale mwikiriryenga abali ng'abo. ¹⁹ Ekanisa egy'omu Asiya gibasugirye. Akula ne Pulisika babasugiirye inu mu Mukama waisu; n'ekanisa eri mu nyumba yaabwe. ²⁰ Ab'oluganda bonabona babasugiirye. Musugiryagane n'okunywegera okutukuvu. ²¹ Kuno niikwo kusugirya kwange Pawulo n'omukono gwange. ²² Omuntu yenayena bw'atatakanga Mukama waisu, akolimirwenga. Mukama waisu aiza. ²³ Ekisa kya Mukama waisu Yesu Kristo kibbenga naimwe. ²⁴ Okutaka kwange kubbenga naimwe mwenamwena mu Kristo Yesu. Amiina.