1
. Ango Paulo nyatic ka Rubanga kede ngaor ka Yesu Kuristo di lubere kede yei me jo ka Rubanga oyero kede pi medo ngec gin me gime ateni kame tie pi woro Rubanga.
2
. Di otiek kede gen me kuo abedo nakanaka kame Rubanga ngat kalikame ngalo oyiko di pwodi likame ocweo piny.
3
. Do ikare kopoore eko nyuto kop mege di beo kipwonyo ejiri kame ango ako keto cunya iye di alubo iswilia ka Rubanga nyalak wa.
4
. But Tito woda abe kiyei kame onywakokisa isasir kede mulem kame wok kibt Rubanga papa kede Rwot wa Yesu Kuristo nya lakwa.
5
. Pi kop gi omio ango aweki icula me kurete pi in temuno gikame pwodi mito ayika, di iko kwero jotel ibomba acelacel bala kame oudo atieko waco ni.
6
. Jo tel nogo miero bed jo kame likede raco moro pore bedo icuo atie kede dako acel di etie kede idwe koyei di likame itie atatai arabo kaliame winyo acora.
7
. Pi bisop pore ebed abongo raco moro bala ngagwok ka Rubanga kur ebed ngaewaka arabo ngagero di likame emato bwini akec arabo engangoi amotoko bedo kede eranga.
8
. Do en epore bedo ngat kame gamo jo di emaro gi kiber wiye di ter di wiye tamo gi kaber di emire kiyei di edio mit mere.
9
. Epopre do bedo kede yei kede gen atek ikom kop kame opwonye kede en kamio eda eko bwono tam me jo kame tie kede piem.
10
. Pien joepali tic tot, jo kame yamo atatai kede jo angalo twatwal jokame kokepo.
11
. Miero geng dog gi yamo gin kitoto miere mejo di kipwonyo gi kame likame poore apwonyo pi monno ud kalikame ber.
12
. Ngat acel kikom gi, enabi gi kikome owaco be jo me kurete nakanaka obedo jo ngalo leini kame ger jo cam kome nyap.
13
. Ijura ni tie me ateni pimano bunano gi kitek me wek amotoko kibed kede yei me ateni.
14
. Di likame kiwinyo kop me atatai me Iyudayan kede cik me dano adana ame dagi kop me ateni.
15
. But jo kacil gi dedede da cil do kibut jo ame tam gi opwokere di kilikede yei likame tie gimoro kacil pien tam gi kede ngec me cuny gi otieko munaun.
16
. Gin kiwacobe kingeo Rubanga do gikame kitimo nyuto be kikwie bedo jo kalikame winyo kop kede jo kalikame timo gi aber gi dedede kame kitimo likame ber.