¹ . Paulo, epasoit ka Yesu Kristo lo, ngat kame kolwongo pi bedo ngaor, di oko poke pi tuco ejiri ka Rubanga. ² . Kame bin en eciko geno sek ibut inabin iigigir kacil. ³ . En ejiri kame mako kop ikom wode Yesu Kristo Rwot wa. ⁴ . Kame yiki obedo kodi ka Daudi ianywali me kom di eko mine doko wot ka Rubanga kede twer di elubo twer me tipo me poore. Pi yaruno mero kito. ⁵ . Wan otieko uodo kisa kede oor ka Rubanga di beo kibute pi mino atekerin dedede bedo kede wor pi yei nyinge. ⁶ . Man ribo kiton wuda jo kame kolwongo pi doko jo ka Yesu Kristo. ⁷ . Butun jo dedede kame tie i Roma, jo kame Rubanga, jo kame kolwongo pi bedo jo kacil. kisa kede mulem a wok ibut papawa kede Rwot Yesu Kristo bed but wu. ⁸ . Ango ageo ber pwono Rubanga na Iyesu Kristo pi wun dedede, pien jo tie tatamo kop me yei wu ipiny lung. ⁹ . Rubanga ngat kame ango atie ne kede cunya lung ie ejiri ka wode en kame mujurana be, ango nakanaka a yutuno u ie ilega na. ¹⁰ . Akwao be, ka twerere wek Rubanga nan do mia akarano bino butu pi mit mere. ¹¹ . Pien cunga paro pi nenou, me wek ami wu judunu giamia mogo me cuny, pi mino yei u sipakin. ¹² . En dwong mere be, wek otwerunu kiariakin kenwa kenwa kede yei wu kede mera da. ¹³ . Do imiegu kede amieguna, ango amito ingeunu be tien atot cunya obedo mito bino but u tetekeny aud anyakini mogo kibut u bala ibut jo ace kame likame Iyudayan, do tuno nan tie gikame genga. ¹⁴ . Pien atie kede bany, but jo gurik kede but jo kame tie kede tim me asonya, but jo kame riek kede but jo kame ming. ¹⁵ . Pi manono, cunya mito tuco ne wuda ejiri wun jo kame ibedunu Roma. ¹⁶ . Ango lewic likame maka pi ejiri ka Kristo en etie twer ka Rubanga kame Lubanga lako kede jo dedede kame yei, me agege twer me alako but Iyudayan, kede but jo gurik da. ¹⁷ . Pien ejiri nyuto kite kame Rubanga mio dano doko kede ngat ko poore kame yai iyei tuno iyei bala kite kame owandiko kede be "ngat ko poore bino kuo kede yei." ¹⁸ . Pien lilo ka Rubanga onyutere di eyai ki malo bino piny ikom jo dedede likame woro Rubanga kede kame timo tim areco, kame itim gi areco nogo kigengo jo ngeno ateni ikom Rubanga. ¹⁹ . Pi gikame karuno ngere ikom Rubanga tie negi kaka pien Rubanga oticko nyuto ne gi. ²⁰ . Pien cako Rubanga cwano piny epone mere kalikame neeno en twer mere kame bedo naka naka, kede epone me kwo mere bala Rubanga, otieko ngere ijame kame en ecweo, itwer mere me Lubanga adek i acel, pi mano gin likame kitie kede ka cungo me pido. ²¹ . Pien akadi likame kiko mine deyo bala Rubanga, akadi mine pwoc da, do par gi oko doko gikame kony mere li di cuny gi me mang oko umere odoko col. ²² . Di gin kitero be gin jo rieko, do kiko doko jo mingo. ²³ . Di kiko seso deyo ka Rubanga kalikame to kede cal me dano kame to-kede me winy kede me leini kede me gi kame liao alia. ²⁴ . Pi mano Rubanga oko jalo gi imam cilo, imit kareco me cuny gi kede timo tim me lia woro komgi i diere gi. ²⁵ . Kitimo ka man pien gin kiseso ateni me Rubanga kede angalo, di kiko donyo woro kede tic ne gi acwea a kaka nga cwee, en ngat kame jo pore woro mwakini kede mwakini. Amen. ²⁶ . Pi mano Rubanga oko jalo gi imit me lewic. Akadi mon gi da oko loko ekitegi me anywali me mito cuo oko doko do ekite ka likame anywali kadano me mito buto kede mon wadgi. ²⁷ . Le epone nono da cuo oweko ekitegi me anywali me mito mon, diki ko bedo kede mit alyet ikom gin kengi, cuo timo gi me lewic kede cuo wadgi, di kiko udo egelit me timgi areco nogo ikomgi. ²⁸ . Do bala kite kalikame kineno kede be epoore pi keto Rubanga ingec gi, omio Rubanga oko jalo gi itam otop kede itimgi ka likame opoore. ²⁹ . Di gin kipong kede epone me tim areco dedede mit me kom, raco, paro jame me jo woti, kede tam areco ikom jo, di ki pong kede emwane nek, lok, angalo, cuny acol, jo a yamo kop areco ikom jo. ³⁰ . JO akwot jo kame dagi Rubanga, jo epali, jo awakere, jo atingere, jo ka pwakino tam me tice areco, jo kalikame woro jo nywal gi. ³¹ . Jo alia kame poko gi aber kede arac jo alia agenere, jo ali kede amara, jo alikame timo kisa, jo alia sasiro. ³² . Akadi bala, ki ngeo ngolo kop kopore ka Rubanga. Kame waco bedo kame timo tim nogi pore to, gin likame itimo tim gi kenekene doko da kopwoyo jo apat kame timmo timogi.