1
. Pimano etie gi aliame ber pingolo ne dano moro kop in engai ame ngolo kop: pien kame ikomi keni pien in ngat kame ngolo kop timo ginogo.
2
. Pi wan etie kede gen be ngol ka Rubanga tie iye ateni but jo go jo kame timo apone ginogo.
3
. Danona, par pi man be kame ingolo kop ne jo kame timo ginogi di ida itimo epone ginogo iparo be ibino bwot ingol ka Rubanga.
4
. Arabo icao abar me bero mere kanyakino kede dire di likame ingeo be bero ka Rubanga tero in tuno iswilaro.
5
. Do ikom nwang cunyi kede tek wic ame in itie kede bino kano ni lilo tuno icing kede yabere me ngol ko poore me a Rubanga.
6
. Ame ebino mino bul dano di lubere kede tice mege.
7
. But jogo ame tie di mede kede tim abe cobino udo deyo kede wor ikom kalikato tuno ikuo me nakanaka:
8
. Do but jogo ame tie mede di likame ki lubo ateni do kilubo li me poore ki bino udo lilo kede gero.
9
. Can kede lito bino bedo ikom kuo me dano ame timo gi karac but Iyudayan kede jo kalikame Iyudayan;
10
. Do deyo wor kede kwei but dan ame timo bero but Iyudayan kede jo alikame Iyudayan:
11
. Pien likame tie apokapoka ki but Rubanga.
12
. Bala kite kame jo atot odubo kede bongo iswil kibinoda rwenyo da abongo iswil do bala kame jo atot odubo kede iyi iswil obin ngolo negi kede iswil.
13
. (Pien likame jokame winyo iswil epore kibut Rubanga do jo ka lubo iswil bino bedo jo kopoore.
14
. Akadi koto jo aliko me tie Iyudayan ali kede iswil timo gikame iswil mito di beo iye anywali gi gin kiko doko iswil ki kom gi kengi.
15
. Ame nyuto tic me iswil ame owandiko icuny gi ngec gi da di mio ijura tam gi da di mio ngeno be kitimo gikarac ara gikaber)
16
. Iceng me Rubanga bino ngolo kede kop pi omung me jo di beo ikom Kuristo Yesu di lubere kede ejiri nango.
17
. Neni jo kame olwongo be Iyudayan di ki gongere iye swil di iwakere pi Rubanga.
18
. Di ingeo mit mere di imoko da mago gi kame tie iber di opwonyi ikom kokp me iswil.
19
. Di itie kede omung be in itie Ngatel me jo ka wang gi li rieny me jogo jo atie icolo.
20
. Ngat karieo jo mingo apwony me iduwe ame tie kede cal me ngec kede ateni iswil.
21
. Pi mano in kara ngat kame pwonyo ngat oceli kara in li ipwonyo komi keni? In ngat kame tuco jiri be kur ikwalo in kara li ikwalo?
22
. In ngat kame yamo be kur kur itimo adote, benyo in kara li itimo adote? In ngat kame dag woro cal jwogi, benyo mam in iyako tempulo?
23
. In ngat kame wakere pi iswil mam da in iluro iswil pi lime woro Rubanga?
24
. Pien nying Rubanga ocao ki but jo kalikame Iyudayan di beo ibutu, bala kame owandiko kede.
25
. Be akepo ateteni tie me ameda kame idaro iswil do kame in ibedo ngat aturo iswil akepo ni likame tie akepo.
26
. Pi mano ame ngat alikame okepo odaro iswil kara udo li me akepo mere mio omaro ne akepo?
27
. Kara jo alikame okepo di beo iye anywali kame gin kidaro iswil ngolo ne wu kop wun jo kiwandik kede okepere sme tuturo iswil?
28
. Pien udo en likame etie Eyudayat iko kame ineno me ooko ara bo etie ngat okepere akepo me kom:
29
. Do udo etie Eyudayat iyie da akepo ame etimo tie me icuny iyi tipo do likame iwandik; me pak mere likame tie me jo do me ka Rubanga.