1
. Di bobon eko donyo iyi ka cokere, di oudo tie icuo kuno kame tie kede cinge atie kede goro.
2
. Gin gi ko nene kame eromo cange iceng Sabiti, tetekeny giromo rucokino en.
3
. Di eko waco be ne icuo atie kede cinge atie kede gora be cung anyim.
4
. Di eko waco but gi, etie ii swil ne timo gi kaber ceng Sabiti arabo timo raco? konyo kuo arabo neko? Do gin giko mako mulem gi.
5
. Di en etieko neno gi kede lilo bedo tururo pi tek me cuny gi, ewaco but icuo, Riei inyime cingi. Di eko riene inyime: Di cinge oko dwoko duc bala ace ca.
6
. Dido Iparisayon oko oot inyime, di inononi giko penyo tam ibut Erodian, aroinikino en. epone kame giro mo totolo en.
7
. Do Kristo diko yai kede jo siao mege ot inam kede alule me joo katot me Galilaya di oko lube kede me Judea.
8
. Kede me Jerusalem, kede me Idumaea kede tenge me Jordan, kede gin amako Tyre kede Sidon, alule me joo, di gin gi winyo nyo kadwong ame etimo, oko bino bute.
9
. Di eko waco ne jo siao mege, be yee atididi pore dare pi alule me joo, amamnat gi rida.
10
. Pien oudo ecango atot. komio gin gi cwalere bute pi mule, pien atot udo tie kede tuo karac.
11
. Kede tipo kalikacil, di gin ki nene, gi ko poto inyime, kede koko be yin ame wot karubanga.
12
. Di en esawanono eko kwenyaro be likame gin ki poore mine ngere.
13
. Di en eko oot malo iimoru, eko iwongo bute ame udo etwero, di gin giko bino bute.
14
. Di en eko wiro tomon iwie are kede gin gi pore bedo kede en kede be en eyaro cwanogi tito kop.
15
. Kede bedo kede teko me cango tuere riamo tenge jwogi.
16
. Simoni eko cako nyinge Petero; Yakobo wot a Sebed iyo kede Yokana amime.
17
. Yakobo, eko cako nyinge Boanerges ame tie awobe me dwon adwong kede.
18
. Anderia, Pilipo, Batolameo, Matayo, Tomasi, Yakobo, wot Alpaeus, Thaddaeusi Simoni me canan.
19
. kede Judas Isikariot, ame bobon orupao en: gin gi ko oot iyi ot.
20
. Di alule me jo oko cokere karacel bobon, tetekeny lika me gi twero camo sana kwon.
21
. Di jo wolte owinyo, di gin giko wok oko make: Pien gi waco be, etie en kene.
22
. Kede jo ka riek koyai piny ii Jerusalem diko waco be etie kede Belesebub, bobon kede prince me jwogi eriamo oko jwogi.
23
. Di en eko lwogi bute, eko waco but gi iagole, epone mene kame nyakwor twero riamo oko nyakwor?
24
. Kede kame ajakanut opokpokun en kene ajakanut no lika cungo.
25
. Kede kame oot opokpokun en kene, oot lika cungo.
26
. Kede ka nyakwor oyai malo pi en kene, di eko pokere, li kame ecungo do etie kede ajikini.
27
. Lika tie icuo adonyo ii ot angat atek di eko dubo jamini mege, kenekene epore ber tweno icuo atek dido en eko dubo ode.
28
. Ateteni ayamo ne u, raco dedede oyaro timo kisa but awobe ka cuo kede yamo kali kede woro but ngat moro kene kene ame gi yamo ne yamo kali kede woro.
29
. Do ngat kame bino waco kop kalikede woro but tipo kacil i: kede kisa do etie irac pi wang me oko.
30
. Pien gi waco be etie kede tipo kalikacil.
31
. Di do kobino imiegu kede amiegu mege kede toto mere, di gi tie cungo oko, gi ko cwano kop bute, di gi lwonge.
32
. Di alule me joo oko bedo ingete, digi ko waco bute, Neni totoni kede imieguni kede amiaguni oukotie moni.
33
. Di en eko dwokonige, be, ngai en totona? arabonat imieguna ara amieguna?
34
. Di en eko ngongolo ngin audo tie bedo ingete, eko waco be, Neni totoni kede imieguna kede amieguna!
35
. Pien ngat moro kabino timo mit ka Rubanga calobala en etie onina kede amina kede totona.