<<<<<<< HEAD
ESULA 1
=======
Esula 1
>>>>>>> c170930125d9e4bfa16d7e2e30267d1803a244e6
1
. Man en kop ka Rwot kobino but Mika dano me Moroset i kare ka Yotam Akas kede Esekia abakai me Yuda kame en eneno ikom Samaria kede Yerusalem.
2
. Winyi wun jo dedede okwe in lobo kede jodedede kame bedo kame tie iye di Rwot Rubanga ka bedo mujura ikomu, Rwot ki tempulo mere kacil.
3
. Do neni, Rwot owokun oko ikabedo mere ebino piny ebino nyono kabedere kame tie malo iwi lobo.
4
. Di mori kobino calar aditot kobino bele di kiko mako mac bala adipor acalar kame mac owango, kede bala pii kame mol ikaka me lor piny.
5
. Pien magi obedo dub ka Yakobo, kede dub me jo me Isirael. Nyo kobedo dub ka Yakobo? Likame obedo Samaria? Likame obedo kabedo a Yuda apirgi tek? Likame gin kibedo Yerusalem.
6
. Pimano abino mino Samaria bedo bala atukit me poto kede bala kakame opito iye epigi, di akobino bwoto ingarot kame tie iye i aditot di likame okobino wumo kakame ecakere iye.
7
. Di cal dedede kame opao ame tie iye di oko bino ngingido iye adulion, di musikan mege dedede okobino wango kede mac di cal jwogi mege dedede okobino pielo piny di kitie nono. Pien en ecoko musika nono kibut malaya, doko gin kibino dek bedo musika me malaya.
8
. Pi mano ango abino koko di abako doga ayaro ot di agonyere di adong nono ayaro bako doga bala ekwee di ako kok bala etukuri.
9
. Pien buge mege likame cango, pien ebino ilobo me Yuda ewokun iye erute me jo na, akadi kiton Yerusalem.
10
. Kur itatamo en i gagt kur ikoki akadi icel. Yin ot ka Abra bebelo iya apua.
11
. Kati in katoni in ngat kame bedo isapir di leuc omaki di iyoto nono wun jopiny me sanan kur ibinunu ikoko me Betesel. Eyaro bino mano wu kacungo mere.
12
. Pien jo kame bedo imarot obedo daro kiber do giame rac di kobino piny di ewok kibut Rwot iye erute me Yerusalem.
13
. Okwe wun jo kame bedo ilobo me Lakis, tweunu acabalan wu ikom leini kadwir, pien en agege me dub but anyira me zion, pien dub me Isirael oudere iye.
14
. Pimano miunu giamia but Moreset gat, ot Akisibi bino nggangalo but abakai me Isirael
15
. Didoko ango abino kelo ne in Musika, okwe wun jokame bedo i meresa en ebino but adulam ame tie deyo me Isirael.
16
. Lielunu wiwu langalang, diikonu kiso pi idwe wu kame omio. Miuuu bono wu bed lac bala me Ekokom, pien gin kibino yai ibut wu di iko bedo ipasoi.