1
. Nande kere oko kato, bala kame jo oudo dire kede bute pi winyo kop ka Rubanga, en oko cungo i dog nam me Genesaret,
2
. En eko neno yede are di tie cungo i dog nam: do jo cik oudo ooto tenge kie oudo kitei iwok bweni gi.
3
. En eko donyo iye acel ikom gi kame oudo obedo me ka Simoni, en eko kwane be, koto en eremaro en kaka bobor anonok yai kioko di eko bedo piny; di eko cako pwonyo jo kame oudo tie ooko me yee.
4
. Nando kakame oudo eweko kede yamo, eko waco ne Simoni be ot kaka tut di ko uco bwoini ipi katut me wek imak dek.
5
. Simoni oko wacone be, Rwot, wan olole kiwor kia, do likame omako gimoro: dodo pikop nin ayaro uco bwoi ipi.
6
. Nando kakame man atieko timere kede kiko coko akedet me dek adwong bwoigi oko nyii.
7
. Kiko cako gwegweto jo cik wad gi kame oudo tie iye kapat, me wek kibin i konygig, di gin kiko bino di kiko poongo yede are dedede paka tuno kede gin geno iwiny.
8
. Kakame Simon Petero oneno kede, gino eriebere piny itien yesu di ewaco be, yai tenge kibuta pien ango abedo dano anyadubo o kwe Rwot.
9
. Pien ebedo kede ur, kede jo kame oudo eciko kede pi toto me dek kame oudo gin kimako.
10
. Yakobo do kede Yokana kame obedo awobe ka Yebedayo jo cik wadgi Simon oko ur o Yesu oko wacone Simoni be, kur ilwori: geno nan ot anyim in iyaro bedo ngacik jo.
11
. Kakame kiwoto kode yede gi oko, kiko weko gi dedede dikiko lube.
12
. Di kare oko kato kakame en oudo etie kede ibomba moro, icuo moro kame dobo pony ikame: kakame eneno kede Yesu eko riebere piny inyime di eko kwaane di ewaco be Rwot kame imito itwero longa.
13
. EKo rieno cinge di eko mule di ewaco be amito lonyere. Awaka awaka dobo oko yai tenge ikome.
14
. Eko cikakino en be kur eaco ngata moro do ooti iko nyutere but Esasirodot, di iko mino giamia me lonyere nin di lubo iswil kame riki musa ociko pi bedo mujura but gi.
15
. do rwonge mere oko sara kin obukui kitek twatwal paka mino ekodet me jo oko bino pi winyo kop mere kede pi udo cango ikam goro kame kitiekede.
16
. En eko lukunyo iwi itela pi ilega.
17
. Kare diko kato, iceng moro di en oudo etie pwany Iparisayon kede idaktalen me iswil owok kii bomba dedede me Galilaya, Yudaya kede Yerusalem oudo tie pi cango gi.
18
. Dokon neni, jo oko kelo dano akome otoo di kopielo iye itando kiko moono epone me dele iye kede me piele inyime.
19
. kakame likame kitwer udo kede epone me kele iye, pi kop me ekodet kiko ot malo iwiot di kiko cuane piny beo kimategula kede kitande mere di kiko yololo en diere inyim Yesu.
20
. Kakame eneno kede yei gi, eko waco ne be icuo gikareco ni kasasiro in.
21
. jo igigir kede Iparisayon oko cako tom otam, di kiwaco be ngai ine kame yamo ayet ikom Rubanga? ngai kame twero sasiro gika reco kwanyo Rubanga kene?
22
. Do kakame Yesu oniang kede tam gi, edwoko di ewaco negi nyo kame un itienu tamo kii kuou?
23
. Benyo, eyoyot me waco be gi kareco ni kisasiro arabo me yamo be, Yai malo di iko oot?
24
. Do wek un ingeu nu be wot ka dano tie kede tweri wilobo me sasiro gika reco, leko waco ne dano kame tuo oneko kome Awaco ni be yai di iko tingo kabuto ni, di iko oot iodi.
25
. Awaka waka di en eko yai ki nyim gi, eko kwanyo giame oudo ebuto iye, di eko ot iyode di emio Rubanga deyo.
26
. Gin dedede kiko bedo kede ur gin kiko min Rubanga deyo, kiko pong kede luoro, di kiwacobe wan oneno giapapat tin.
27
. Icen me gigi en eko ot anyim, ekoneno nga rar esolo kame nyinge Lebi, di ebedo ikanyilo tikiti me solo di en eko wacone be, Luba.
28
. en eko weko gi dedede, eyai malo, di eko lube.
29
. Lebi di ko tedo ne ebaga ka dwong iode: nando oudo tie ekodet me jo rar esolo kede jo atot kame oudo obedo piny kede gi.
30
. Do jo iwandik kede Iparisayon gi oko geno ingungur ikom josiao mege, di ki waco be, pinyo kame mio in icamo di imato kede jo rar esolo kede jo dubo?
31
. Do Yesu oko dwoko di ewaco ne gi jo akom gi yot likame mito daktale; do jo go kame kom gi lit en kame mito.
32
. likame ango abino pi lwongo jo kepore, do jo dubo pi bina iswilar.
33
. Di gin kiko wcone be, pinyo bo komio jo siao ka Yokana ri kec nakanaka di kitengo dokon da jo siao me Iparisayon da timo kamanono, do megin camo di ki mato?
34
. Do en eko waco ne gi be in itwero mino idwe me paco me eteran kanyo kec di pwodi eteran tie kede gi?
35
. Do ceng oyaro bino tuno kame eteran kobino kwonyo kede tenge ikom gi dido gida kikobino kanyo kec ikare nogo.
36
. Di dokon en eko yamo ne gi agole be, liame tie ngata moro kame dapo iduku me egoe kanyen ikom ogoe kacon kame di kamanono, gin are dedede kinyil di adul kame akwanyo kiye adul anyen liame koyei upere kede adul acon.
37
. Likame tie ngato kame keto Bwino kamyen i cupa ka con; me weki bwino kanyen kur bel cupa di eko oony piny di cupa kotoo.
38
. Do bwino konyen kopoore keto icupa kanyen gin duo kiko gwokere.
39
. Likame tie dano do koda kame icen me mato bwino kacon awakawaka mito bobo kanyen: pien awaco be, kaconi ber.