1
. Bala kite kame jo atot akwany kede kare diki koketo kakare tuco kede keto kakare jamini kame wan oyei kiber idiere wa.
2
. Akadi bala kame gin kimio wan, kame iye agege obedo ijurak kame onono kede ang gi di bobo kibedo jo tic me kop.
3
. Ebedo ber na aba di audi niang ateni me jame dedede iye agege me wandikoneu kakare di eber kiber beo kibut Teopilo.
4
. Me wek un nyero ingeunu amok me jamini go kame oudo acorou iye.
5
. Oudo tie iikare kerode kabaka me Yudaya nysasirodot moro kame nyinge sakaria kame oudo tie kame Abija telo kame dako mre oudo obedo acel ikom anyira karoni kame nyinge oudo Elisabeti.
6
. Gin dedede oudo kipoore inyim Rubanga doko di lilubo cik dedede kede iswiliaka diki li kede kopmoro kame ko caoi iye.
7
. Gin oudo likame kitie kede atin moro, pien Alisabeti oudo obedo adonge, doko oudo gin kiti da.
8
. Kare di kotuni kame en oudo epore timo kede tic mere me nyasasirodot inyim Rubanga wange mege.
9
. Di lubere kede itok me wang tic me nyasasirodot kare mere en oudo otuno me mino mot awanga itempulo kaRwot.
10
. Ekodet me jo dedede oudo tie ilega ioko iye esawa a me mino giamia awanga.
11
. Dido ikanono malaika ka Rwot di koneeno ne di itie cungo icinge tetu came alutari me wango giamia.
12
. Kakame sakaria onene kede kome oko to lworo di ka poto ikome.
13
. Do malaika di ko waco nebe kur ilwori sakaria: Pien lego ni kowinyo; pi mano dakoni Elisabeti oyaro nywaloni atin awobi in iyaro cakone nyinge be Yokana.
14
. In iyaro udo yom cuny kede kilel jo atot bino lelo pi nywalere mere.
15
. Pien ebino beda dwong inyim Rwot likame ebino mato gimoro kame mero aledi giamata moro kame kec. Do en ebino pong kede Tipo kacil cako kiitoto mere.
16
. Dokon da en bino loko idwe me Isirael but Rwot Rubanga gi.
17
. En ebino telone yoo i Tipo kede teko Elia pi loko cuny jo nywal but idwe gi kede jo kalikame wor dwoko gi iyangane Rwot.
18
. Sakaria oko waco ne malaika be, abino ngeno kop gi benyo? Pien ango abedo dano atii, dakona da mwakini mege okato.
19
. Nando malaika oko dwokone di wace be ango Gabriel kame atie cungo inyim Rwot Rubanga kocwaa pi bino yamoni kede nyuto kop gi me yom cunu.
20
. Dokon neni in Lebi oyaro too likame itwero yamo tuno kede ceng kame kop gi oyaro bino cobere kede pien in likame iyei kede kop na kame ayaro bino cobere kare gi otuno.
21
. Nando jo oko bedo daro Sakaria diki dong kede ur pien egal pi kare alac Itempulo.
22
. Kakame edwogo kede oko likame ekotwero yamo kede gi gindi kiko niang be eneneno gianyuta itempulo. Pien ebedo pooro negi apora di li etwero yamo.
23
. Nando kare oko tuno bala kite kame kare me tic oko tiek en do eko yai dok ture iode ikome.
24
. Icen me ceng go dako mere Elisabeti di oko yac di eko ot pwono pi twete kany di ewaco be
25
. Buu okwe nado Rwot otio ikoma ikare kame enena kede pi kwanyo acae na kiut jo.
26
. Itwete kanyape malaika Gabriel Rubanga oko cwene ibomba me Igalilaya kame olwongo be Nasaret.
27
. But nyako kame anero nyom kede awobi kame nyinge Yosepu kame wok ki Degele ka Daudi nying nyako apunga nono oudo Maria.
28
. Malaika oko bino bute di eko wacone be yoga Maria Rwot tie kedi in nyawinyo Rwot ogamiin idyer mon.
29
. Kakame eneno kede kop nono oko neko kome en eko donyo paro dwong kop nono en eko keto kop nono icunye epone amot kame omote kede be man dwong mere nyom.
30
. Malaika di ko waco ne be kur iwori Maria pien Rubanga ogami.
31
. Nan neni in iyaro yac iye auris ni di ikonywalo katin awobi di iko cako nyinge Yesu.
32
. En eyaro bedo dwong di oko bino lwongo nyinge be wot kanyamalo twal: Do Rwot Rubanga bino mine kom kakwarumere Daudi.
33
. En ebino pugo iiyot kayakobo mwaka kede mwaka. Di Ajakanut mere bino bedo likede ajikini.
34
. Maria diko waco ne malaika be, man bino timere benyo neni ango pwodi likame abuto kede icuo.
35
. Di malaika oko dwokone be Tipo kacil oyaro bino donyo ikomi kede twero me mato oyaro umii pi mano da giacil na kame iyaro nywalo kobino iwonge be wot ka Rubanga.
36
. Neningo ber nyar kaneri Elisabeti eda eyac awobi imwakini me dongo kame nando etie kede twete kanyape en ngat kame oudo kolwongo be adonge.
37
. Pien kibut Rubanga likame tie gikame liatwere.
38
. Nando Maria diko waco be, neni nyako nyatic ka Rwot wek ebedi bala kame kop ne waco kede malaika di ka yai tenge kibute.
39
. Maria di koyai icengo eko ot iye adul kimukurur i bomba me Yuda.
40
. Di eko donyo iyot Asakaria di eko moto Elisabeti.
41
. Kare di kotuno kam Elisabeti owinyo kede amot kamaria atin diko somo iiye pi kilel iye auris mere di Elisabeti oko pong kede Tipo kacil.
42
. En eko yamo kede dwan amalo di ewacobe itie kede winy in idyer mon, da tie kede winyo kadi me ii auris ni.
43
. Man en nyo kibita, me toto me Rwot na bino buta?
44
. Pi neni awakawaka iye esawa kame awinyo kede dwan me amot koyai ibuti atin di ko somo iiya ki iiya auris na pi kilel.
45
. Da tie kede winyo en ngat kame oyei be gikame Rwot oyamone bino cobere ikome.
46
. Maria diko waco be cunya miyo Rwot dwongo.
47
. Cunya olelo i Rubanga nyalak na.
48
. Pien en eneno kede kisa ruom kapiny kame ango apasoit mere atie iye: pi mano neni geno nan kede ikare kame bino tiek iwak dedede bino iwogabe ango nyawinyo.
49
. Pien wan akarunikin otimona jamini adongo nyinge cil.
50
. Kisa mere tie but jo dedede kame iwore ilwak kede iwok.
51
. En enyuto teko mere kede bade; eko sarakino jo ewaka itam me cunyigi.
52
. Ekwayo di eketo piny wegi akaruni kin yai ikomini gi di eko kiarao jo me ruom apiny.
53
. Epito jo akec oneko kede jamini abeco; jo abara di eko riamogi tenge kede cinggi nono.
54
. Ekonyo Epasoit mere Isirael kiye kiyutun me kisa mere.
55
. Eyamo kede jo apapi wa, Abraham kede kodi mere mwaka kede mwaka.
56
. Maria oko bedo kede tieko dwete adek dido eko dwogo iyode ikome.
57
. Nan do Elisabeti kare mere me nywal oko tuno eko nywalo atin awobi.
58
. Di do jo kio mege kede jo awade mege kakame kiwinyo kede kite kame Rubanga omio kede kisa mere adwong bute kinywako lelo kede karacel.
59
. Dido kare arom ceng kanyauni kikelo atin pi akepo di kicako nyinge be sakaria bala papa mere.
60
. Toto mere oko dwoko di ewacobe liame amano do kobino iwonge be Yokana.
61
. Gin kikowacone be likame wadu moro kame kolwongo kede nying no.
62
. Di kiko mino papa mere anyut me pone mekite kame epore lwonge kede.
63
. En eko penyo pi mine giame en opoore wandiko iye di eko wandiko iye be nyinge Yokana gin dedede kiko uro.
64
. Lebi koyabere iye esawanono awakawaka dido eko cako do yamo kede do pako Rubanga.
65
. Lworo di ko poto ikom jo dedede kame oudo obedo rimaro gi Rwonge ni di oko sarakin romo pi dedede me Judea.
66
. Ikede jo dedede kome awinyo gi oketo gi icunygi di ki waco be epone me katin me ine di cing Rwot oko be tie ikome.
67
. Di papa mere sakaria oko pony kede Tipo kacil di ekotiet di ewaco be.
68
. Deyo bed but Rwot Rubanga me Isirael pient ewelao kede lako jomege.
69
. En ekiarao malo tung me alako pirwa kiot me Epasoit mere Daudi.
70
. Bala kite kame eyamo kede idog inabino mege kacil kame oudo obedo tie geno gere me lobo.
71
. Me wak wan olakere icing jo kwar wa dedede kede kicing jo dedede kame dagi wa:
72
. Picobo kisa me isikan kame ecikere kede papiwa. Kede pi yutuno isikan mege kacil.
73
. Ikwong kame en ekwongo kede papawa Abraham.
74
. Be eyaro mino wa be wan pore bwot kicing jo kwor wa me wek wan otine abongo tworo.
75
. Iicilo kede poore inyime ikare dedede me kuo wa.
76
. Iin atin kobino lwongi be enabi kawan akarunikin: pien in kame ibino geno telo ne Rwot yoo pi iiko yote mege
77
. Pi mino ngec me alako but jo mege pi kwanyo gikare cogi.
78
. Pi mino cuny me kisa ka Rubanga kame lia jik komeruu me piny acel acel kelo pi welao wa.
79
. Pi mino lero but gi jokame bedo icolo kede itipo me too, pi gwoko tien wa iyongayo me mulem.
80
Atin oko dongo di eko mete bedo tek icuny iye itela paka tuno kede kare mere me nyutere iye Isirael.