1
. Ikare no Kaisari Agusito oudo owoto iswil be pore wandiko nying jo dedede kame tie ippiny kame en epugo.
2
. Wandiko nying jo ni kotimere di kririno en oudo obedo ngapug me Siria.
3
. Di do jo dedede oko ot pi wandiko nying gi, ngat acelacel ibomba me turgi.
4
. Yosepu da di ko yai ki bomba me Nasaret kame tie i ppiny me Galilaya en eko oot ibomba aka Dauidi ilobo me Yudaya ame olwongo be Betelekem. En kakame bin oudo onywale iye doko da oudo eda dano me ekeko nono doko akwar aduadi.
5
. En oudo eoto pi wandiko nyinge kede wandiko nying Maria dako kame oudo ecikero kede pi nyomo, do Maria oudo oyac.
6
. Ikare kame oudo gin kitie kede ki ber elekem ceng mege me nya=wal oko tuno.
7
. En eko nywalo atin awobi kao mere di en eko ume kede igoen me mukeru di eko piele ia atuba me cam me dok, pien gin do oudo likame ki Sobolo udo kabedo iot me wele.
8
. Bin jo kwat oudo tie ipiny nono kame oudo tie ibar gwoko Romingi iwor nono.
9
. Malaika ka Rwot oko neeno but gi, di deyo ka Rwot oko rieny olukogi, lworo oko mako gi kitek twatwal.
10
. Di do ibedunu kede lworo, pien akelo newu kop aber me kilel adwong, kame oyar bino but jo dedede.
11
. Pien tin konywalo ne wu ngalak ibomba ka Daudi, en Kristo Rwot gi kame bino nyuto ne wai en ime.
12
. Ibinunu oot iko nu udo atin di koumo kede igoen me mukeru di etie buto iatuba me cam me dok.
13
. Cucuto nono di ekodet kame oyai ki malo oko neeno karacel kede malaika nono di ki pako Rubanga di ki waco be.
14
. Deyo bed but Rubanga kame tie imalo twal kede mulem bed ilobo but jo dedede kame cunye yom ikom gi.
15
. Kaka me bin imalaikan nogo oyai kede tenge geno yamo kengi ken gi be "ootunu wada ber Beteleke, onenunu gikame otimere noni kame tin Rubanga omeowa ongeo.
16
. Gin kiko oot awaka awaka di kiko udo Maria kede Yosepu di atin tie buto iatuba me cam me dok.
17
. Kakame ki neno kede atin, ki ko tatamo gi dedede ka me malaika owaco ne gi ikom atin nono.
18
. jo dedede kome bin owinyo kope nego oko ura twatwal gi kame jokwat owaco negi.
19
. Do Maria oko kaano kope nogi dedede di eparogi icunye.
20
. Jokwat oko dok di kimio deyo but Rubanga di pake pi gi dedede. Kame oudo kiwinyo kede kame nineno, bala kite kame imalaikan oudo owaco ne gi kede.
21
. Di do ceng kanyauni oromo, pi kepo atin, oko cako nyinge, nying kame oudo malaika bin ociko di likame pwodi koyace be cak ne.
22
. Dido kare me lonyere mere oromo bala kito kame iswil ka Musa oudo mito kede, Maria kede Yosepu di ko tere Iyerusalem pi mine i cing Rwot.
23
. (Bala kite kame owandiko kede iswil ka Rwot be"buli atin kao dedede kame yabo yic kobino mino gi bala gi ka cil Rwot").
24
. Di gida kiko mino giayala bala kite kame oudo iswil ka Rwot waco kede be" Aman are arabo ilukeu atitino are."
25
. Ikare nono oudo tie icuo moro Iyerusalem ame nyinge Esimoni. En oudo icuo kopere doki di eketo kwo mere iworo Rubanga, di ekuro neno epone kame Rubanga bino kweno kede cuny jo me Isirael en oudo epong kede tipo kacil.
26
. Tipo kacil ooudo otieko mine ngeno be likame ebino to tuno kede di eneno Kristo ka Rwot.
27
. Tipo kacil oko telo Esimoni itempulo kakame jo nywal me atin Yesu okele kede itempulo pi timone gikame iswil mito.
28
. Esimoni oko tingo atin di eko mino pwot but Rubanga di ewaco be.
29
. Rwot nan do itie mino nyatic ni ooto kede mulem bala kame bin iwaco kede.
30
. Pien wanga otieko neno alako ni.
31
. Kame in itieko iko di do dedede neno.
32
. Lero kame nyuto mit nin but jo kam likame Iyudayan kede kame kelo deyo but jo ni me Isirael.
33
. Yosepu kede toto mere oko bedo kede ur adikinicel pi gikame Esimoni owaco ikom atin.
34
. Esimoni oko lamo ne gi winyo di ewaco ne Maria toto me atin be "Neningo atin noni oketo pi kelo poto kede akiar me jo atot Irirael kede pi bedo gianena ka Rubanga kame jo atot bino yamo kop atot areco ikome.
35
. doko ida epima bino cobo cunyi pelao tetekeny par me cuny jo atot oko bino nyutere kakaler.
36
. Bin tie enabi moro acel adako kame nyinge Aana, en oudo nyar ka Panueli, me ateker me Aser. En ooudo etieko ti adikinicel, ingei bedo kede cware pi mwakini kanyaare cako ikare kalikame oudo pwodi engere kede icuo.
37
. Dako ni oudo obedo apuserut pi mwakini ot kanyauni kiwie ongwon. En oudo likame eyai tenge ki Tempulo di eworo Rubanga kanyo kec kede ilega iwor kede iceng.
38
. Esawa nono en eko bino di eko mino pwot but Rwot, di eko donyo yamo kop ikom atin but jo dedede kame oudo tie daro kare kame Rubanga bino lako kede Yerusalem.
39
. Dido kitieko timo gi dedede bala kame iswil ka Rwot mito kede gin kiko dok Galilaya ilobo me turgi ibomba gi me Nasaret.
40
. Atin okko dongo di etek, di epong kede rieko, doko kisa ka Rubanga oudo tie kede en.
41
. Mwaka acel acel jo nywal ka Yesu oudo bedo ot Iyerusalem ikare me ebaga me bwot.
42
. Ikare kame oudo mwakini me dongi ka Yesu oromo kede tomon ki wie are kiko ot i ebaga Iyerusalem bala kite kame lem kinare timo kede.
43
. Kakame ebaga otiek kede di gin kitie dook paco atin awobi Yesu oko dong cen Iyesrualem, do Yosepu kede toto mere Maria oudo liangeo.
44
. Gin ooudo kiparo be Yesu da oudo tie idier jo kame oudo tie upere kede gi kiko ot pi ceng acel lung di kiko cako mone idier jo awadegi kede jo kame kinao kede.
45
. Kakome gin likame ki ude kede kiko dok bobo Yerusalem di kimoe.
46
. Ingei ceng me adek kiko do ude itempulo di etie bedo kede jo pwonye me iswil di ewinyo kopegi kede di epepenyogi.
47
. JO dedede kame oudo winyo yamo mere oko bedo kede ur ie epone me niang mere kede kite kame edwoko kede peny.
48
. kakame ke nene kede kiko uro adikinicel Di toto mere oko waco ne be woda itimone wa kamano pinyo? Neningo ango kede Papapni otie moni kede par atek.
49
. En eko dwoko ne gi be :Pinyo komio un oudo itienu mona? Mam oudo likame inger nu be ango poore abed i ot ka papana?
50
. Do gin likame ki ko niang kop kame en ewaco negi nono.
51
. Di do en eko upere kede gi kiko dok Nasaret, di en eko donyo bedo kede wor but gi. Do toto mere oko kano kope nogi lung icunye.
52
. Di do Yesu oko meede dongo irieko kede ikome di etie kede kisa ka Rubanga do di jo mare.