¹ Ingei man ebaga me i Yudayan oudo tie, di Yesu oko ot paka Yerusalem. ² Nan do tie atapar kame oudo tie i Yerusalem inget atale me Iburanian me Besesda katie kede wen pi kany ³ Ikanono, oudo tie ekodet me jo kame tuo obwono, imuduka, ingwalasa, jo kame kom gi omito di kitie daro rubere me pii ⁴ Pien Malaika oudo bino buli kare i atapar, di eko rubo pii, ngat kame geo nyono pii dido udo cango i kom tuo moroni dedede kame etie kede. ⁵ Icuo moro oudo tie kunono kame oudo tie kede tuo konyonyongo kome otieko mwakini ot adek iwie kanyauni ⁶ Kame Yesu onene kede di ebuto, di oudo eko ngeno be oudo etieko kare alac di ebedo ical no eko waco ne be, "Benyo imito ne komi doko yot?" ⁷ Lo kame tuo obwono ca oko dwokone be adwong, ango ali kede dano kame di orubo pii, kame tinga di eko keta iye atapar do kakame ango abino kede, ngata ace geo donyo na. ⁸ Yesu oko dwoko ne be, "yai, kwany ka buto ni, i oti." ¹⁰ Nan do i Yudayan diko waco ne ngat kame ocango ca be, "tin tie ceng me sabato: Iswil likame oyei ni pi tingo kabuto ni." ¹¹ Eko dwoko ne gi be, "ngat kame omio cango en nono kame owaco na, ting kabuto ni, i oti" ¹² Gin kiko penye be, "dano mene ino kame owaco ni, 'ting kabuto ni, i oti?" ¹³ Ngat kame oudo ocango ca li ongeo ngai kame en ebedo pien Yesu oudo omanaro kene tenge, ekodet me jo bedo i kabedo nono. ¹⁴ I cen me Yesu ude I tempulo eko waco ne be, "neni omii i doko ber. kur bobo idubi, wek gikame rac akato kur dwog i komi ¹⁵ Dano no oko yai, eko waco ne i Yudayan be en oudo Yesu, kame komio en ecango. ¹⁶ En komio i Yudayan oko dagi Yesu di ki mo neke, pien oudo etimo gigi i ceng me sabato. ¹⁷ Do Yesu oko dwoko negi be, Papa nango tio akadi nan ada atio. ¹⁸ Pimano i Yudayan oko mede mono kare me neke, Pien likame kenekene eturo sabato, do bobo ewaco be Rubanga obedo Papa mere epore bedo rom kede Rubanga. ¹⁹ Do Yesu oko dwoko negi be, ateteni ateteni, a waco ne u be wot likame twero timo gimoro pire kene, do gikame eneno Papa timo, en ginono kame en etimo, wod da timo amanono. ²⁰ Pien Papa maro wod, enyuto ne gi dedede kame en etimo, doko eyaro nyuto tice kadongo i ono magi me wek isuraunu ²¹ Pien bala kite kame Papa yaruno kede jo oto, eko minogi kuo, i epone nono wod da mio kuo but jo kame emito. ²² Pien Papa likame ngolo kop ne ngatamoro, do emio ngolo kop dedede but wod. ²³ Me wek jo dedede wor wod, erom aroma bala kite kame kiworo kede Papa. Ngat kame likame woro wod likame eworo Papa kame ocwae ²⁶ Pien bala kite kame Papa tie kede kuo ien i epone nono en emio wod da bedo kede kuo ien; ²⁷ En emie akirinikin me mino ngolo kop da, Pien en ebedo wot a dano. ²⁸ Kur iur man Pien esawa tie bino kame jo kame tie i atesin bino winyo dwane. ²⁹ Di gin iko bino wok; jo kame kotimo gi kabeco; i yarun me kuo, do jo kame otimo gi karac, i yarun me ngolo kop. ³⁰ Ango likame atwero timo gimoro pira kena: bala kite kame awinyo kede, angolo kop: Doko ngolo kop na tie kakare; Pien likame amo mit na kene do mit ka Papa ngat ko ore. ³¹ Kame amio ijura na Kena, ijura na lika me ateni. ³² Tie ngat kapat kame mio ijura ikoma; do ango angeo be ijura kame en emio ikoma tie me ateni. ³³ In icwao but Yokana, en emio ijura me ateni. ³⁴ Ango likame audo Mujura kibut dano do i gikame me ango awaco,me wek ilakere. ³⁵ En oudo ebedo gikame liel di etie lero karieny; in oudo imito lelo pi kare me lero mere. ³⁶ Do ango atie kede ijura adwong kato me a Yokana pi tic kame Papa omia pi tieko, tic nogo kame ango atimo, yeunu kede ijura na be Papa en kocwa ³⁷ Do Papa kikome kame o cwao mujura i koma likame in iwiny dwane esawa moroni kenekene akadi neno cal mere. ³⁸ Do likame i tiunu kede kop mere iiu; pi ngat kame en ecwao en kame un i yeunu. ³⁹ Ngingicunu iwandik, pi itamunu be i iyarunu o udo kuo do en kame en emio ijura ikoma. ⁴⁰ Do un likame ibinunu buta, me wek i udunu kuo. ⁴¹ Likame audo wor kibut jo. ⁴² Do angeo be i liunu kede amara ka Rubanga iiu. ⁴³ Abino inying Papa likame i gamanu do ka ngatamoro obino inyinge en kame un igamunu. ⁴⁴ Itwerunu yei benyo benyo, ngat kame woro acel ikom apal di likame eko mono wor kame yai ibut Rubanga kenekene? ⁴⁵ Kur i tamunu be ayaro pido wu but Papa, tie dano acel kame pido wu en kame Musa kame un i genunu. ⁴⁶ Pi kono di oudo i yeunu Musa, kono oudo i yeunu ango pien ewandiko kop ikoma. ⁴⁷ Do kalikame i yeunu iwandik mere, i yarunu do yei kop na benyo benyo?.